A

Жижиг

A

Дунд

A

Том
http://zgm.mn/post/3189/

Баян хүнээс ирсэн мөнгийг тэр чигт нь хадгал

Баян хүнээс ирсэн мөнгийг тэр чигт нь хадгал
 0 сэтгэгдэл

A

Жижиг

A

Дунд

A

Том
http://zgm.mn/post/3189/

Хятадаас улбаатай энэхүү дом заслын арга ухаан нь өдгөө дэлхийн олон оронд түгээд байна. Манай улсад ч Фэн Шүйгийн дом засал хийдэг болоод цөөнгүй жилийг үджээ. Энэхүү засал домын арга ухааны гол философи нь мөнгө даллах, баяжихад оршиж буй.

Хэрэв хүн мөнгөтэй баян чинээлэг амьдрахыг хүсвэл Фэн Шүйгийн зөвлөгөөг дагах хэрэгтэй. Ингээд дараах зөвлөгөөг хүр­гэж байна.

Мөнгө ихтэй баян хүнээс ирсэн мөнгийг солилгүй, задлалгүй, тэр чигт нь хадгалах сайн. Энэ нь ямар ч дэвсгэрт байж болно. Мөнгийг өглөөгүүр, цэвэрхэн угаасан гараараа тоолж байвал зохино. Түүнчлэн хэтэвчнийхээ тасалгаа тус бүрт мөнгөн дэвсгэртийг дэс дарааллаар цэгцтэй байрлуулж сурах хэрэгтэй. Эхлээд 20-тын дараа нь 10-тын дэвсгэр гэх мэт.

Мөнгөтэй болсон эхний өдрөө үрэх хэрэггүй. Бодлогогүй зарцуулахаас зайлсхийж гэртээ хэсэг хугацаагаар хадгалбал мөнгөний “үүр” бий болдог. Гал тогоо, үүд зэрэг газруудыг үргэлж цэвэр цэмцгэр байлгах хэрэгтэй. Учир нь мөнгө цэвэр газар илүү тогтдог.

Мөнгө хадгалах түрийвч улаан өнгөтэй байвал сайн. Эсвэл улаан өнгийн чимэглэлтэй байсан ч болно. Гэхдээ тухайн хүний махбодиос шалтгаалж ямар өнгийн хэтэвч хэрэглэвэл таарах талаар зурхайн ухаанаар гаргадаг байна. Жишээлбэл, цэнхэр өнгийн хэтэвч тэр бүр хүнд таардаггүй аж. Энэ өнгө усан махбодийн өнгө учраас мөнгө урсаж алга болно гэж үздэг.

Гэхдээ зүгээр суугаад байвал мөнгө тэнгэрээс унаад ирэхгүй. Тиймээс мөнгө олох чадвараа сайжруулж, хэрхэн мөнгөө арви­жуулах вэ гэдэг талаар байнга шинийг сэдэж байх ёстой юм.

Түрийвчиндээ элдэв бусын хог новш бүү хадгал. Зөвхөн мөнгө болоод мөнгөний картууд л байхаас худалдан авсан зүйлсийн тасалбар зэргийг хадгалах хэрэггүй.

Олсон мөнгөнийхөө 10 хувийг сайн үйлсэд зарцуул. 25 хувийг нөөц болгож далд хий. 15 хувийг нь гачигдаж буй ах дүүдээ өг. Үлдсэн 50 хувийг өөрөө хэрэглэ.

Бас хамгийн чухал нь өглөгч бай. Хүн өгснөөсөө хоёр дахин ихийг эргүүлж олдог. “Өөртөө ахиу унагах” гэсэн зарчмаар амьдарч хэрхэвч болохгүй гэсэн зөвлөгөөг Фэн Шүйгийн дом засалчид өгч байна.

Өөрийн гэр болон оффист шаард­лагатай Фэн Шүйгийн өөрчлөлтийг хийснээр хөрөнгө орлогоо нэмэгдүүлнэ гэдгийг мөн зөвлөв. Бизнесийн акулууд Фэн Шүйгийн ачаар илүү ашиг олж, санхүүгээ баталгаажуулах боломжтой гэж үздэг тул албан тасалгаа, гэрээ фэншүйчдийн зөвлөгөөний дагуу тохижуулдаг аж.

Иймээс хэрэв та санхүүгийн эд баялаг татахад төвлөрөхийг хүсч байвал дараах зөвлөгөөг дагахад буруудахгүй. Фэн Шүйгийн баялгийн өнгө бол алтлаг болон алтан шаргал. Тавилга, кофены ширээ гэх мэт гэрийн тохижуулалтад нөлөөлөх эдгээр зүйлсийг алтлаг өнгөтэйг авч болно. Дараагийн өнгө бол нил ягаан бөгөөд гэртээ тус өнгийн ханын зураг, хивс зэрэг зүйлсийг байрлуулвал эд баялаг тань арвижина.

Мөн фэншүйчдийн зөвлөгөөний дагуу гэртээ баялгийн энергийг дуудах хэсгийг тохижуулаарай. Энэхүү баялгийн хэсгийг машины гарааш, угаалгын өрөөнөөс бусад өрөөнд байрлуулж болно. Тус газарт хөрөнгө, мөнгөтэй холбоотой зүйлс зураг, зоос зэргээс гадна Фэн Шүйгийн эрчим хүчийг идэвхижүүлэх болор зүйлс болон ургамал байрлуулдаг байна. Түүнчлэн Усан оргилууд нь эд баялаг, хөрөнгө, мөнгө дуудах хамгийн алдартай Фэн Шүй юм. Энэхүү дом засал нь үндсэндээ илүү ихийг эдлэх боломжийг олгох нээлттэй орчин болдог.

A

Жижиг

A

Дунд

A

Том

Хүүхэд хүмүүжүүлэх япон арга

 0 сэтгэгдэл

Япончуудын хүүхдээ хүмүүжүүлэх арга барил бусад улсынхаас онцлогтой. Тэд зөв амьдрах дадал хэвшлийг багаас нь олгодог бөгөөд япон хүүхдүүд тогтсон цагт хоолоо идэх, хүний юманд дураараа хүрэхгүй байх, бусдад төвөг болохоос зайлсхийх зэрэг дадалд нялхаасаа суралцдаг. Мөн эмэгтэй хүн хүүхдээ гурван нас хүрэхээс өмнө ажилд орох, эмээ өвөөгөөр нь харуулахыг япончууд хэзээ ч сайшаадаггүй. Иймээс япон ээж, хүүхдийн амьдралын хэв маяг, хүүхдээ хүмүүжүүлэх арга ухаан тун сонирхолтой. Түүнчлэн Япон улсын хөгжлийн суурь бол хүүхдийн хүмүүжил гэж үздэг. Тийм учраас манай улсад ч гэсэн Японы арга барилаар хүүхэд сургадаг сургууль, цэцэрлэг цөөнгүй болсон. 

Эх үрийн нандин холбоо буюу Аmea

Япон ээж, хүүхдийн холбоо маш хүчтэй байдаг. Ээжүүд хүүхдүүдтэйгээ үргэлж хамт байдаг бөгөөд амьдралын анхны багш нь юм. Энэхүү эх үрийн нандин холбоог тэд amea гэж нэрлэдэг ба энэ нь хүүхэд эхийнхээ хайранд өсөж томроод, аав, ээжийгээ нас ахих үед нь асрах ухагдахуун юм. Япон ээж хүүхдээ зандарч бус үлгэрлэж, зөвлөж өсгөдөг нандин ухаантай. Америк болон япон судлаачид хүүхэдтэй эвтэй байж, загнаж, зандрах бус зааж, зөвлөх нь өсөлтийн үед гарч болох зан харилцааны бэрхшээлүүдийг даван туулахад нь тусалдаг гэж үздэг. Япон, Европын ээжүүдийг оролцуулан нэгэн сонирхолтой туршилт явуулсан байна. Тэдэнд пирамид барих даалгавар өгтөл японы ээжүүд пирамидыг өөрсдөө барьж, дараа нь хүүхдүүдээ давтан хийхийг хүссэн бол европ ээжүүд пирамидыг хэрхэн бүтээх талаар тайлбарлаж, хүүхдүүдээ оролдохыг хүсжээ. Ингэхэд япон хүүхдүүд ээжээсээ харсан арга барилаараа пирамидыг илүү хурдан, гүйцэтгэл сайтай барьж чадсан байна. 

Хүүхэд таван нас хүрэхээсээ өмнө хүссэн зүйлээ хийж болно

Япон эцэг, эхчүүд хүүхдээ таван нас хүрэхээс нь өмнө хүссэн зүйлээ хийхийг нь зөвшөөрдөг. Өөрөөр хэлбэл, энэ хугацаанд аав, ээж нь эцэс төгсгөлгүй хайр халамжаа хүүхдүүддээ мэдрүүлдэг гэсэн үг. Харин зургаан нас хүрээд хатуу дэглэм, дүрэм журам мөрдөх шаардлага тавьж, ямар нөхцөлд юу хийх ёстойг нь нарийн зааж сургадаг. Харин 16 наснаас хойш хүүхдүүдтэйгээ том хүн шиг харилцаж, найз шиг зөвлөхийг эрмэлздэг байна. Таван нас хүртэл нь хаан шиг, 5-15 настайд нь боол шиг, үүнээс хойш өөрсөд шигээ харилцах хэрэгтэй гэх бичигдээгүй дүрмийн дагуу бяцхануудаа өсгөж, хүмүүжүүлдэг байна. 

Хүүхдийг бие, биетэй нь харьцуулдаггүй

Япон улсын иргэд сургуулийн өмнөх боловсролыг маш чухалчилдаг. Хүүхдүүд цэцэрлэгт мэндлэх, хүндлэх, талархах зэрэг дадалд суралцдаг. Мөн тус улсад хэн ч, хэзээ ч хүүхдүүдийг бие, биетэй нь харьцуулдаггүй. Багш сайн хүүхдийг магтаж, мууг нь гоочлохыг хориглодог. Мөн нэг настайгаас шүдээ угаах, хувцсаа эвхэх, угаах хувцсаа ялгах, цүнхээ өөрөө барих, ээж аавдаа аль болох тэврүүлэхгүй байх гэх мэт олон дадлыг үлгэрлэж сургадаг. 

Тэгш эрх 

Японд хүүхэд бүхэн тэгш эрхтэй байдаг. Сурлага, чадвар, угсаа гарал, аав ээжийн хөрөнгө зэргийг хэн ч, хаана ч чухалчилдаггүй. Мөн хөгжлийн бэрхшээлтэй хүүхдүүдийг энгийн хүүхдүүдтэй хамт суралцуулж нийгэмшүүлдэг онцлогтой. 

A

Жижиг

A

Дунд

A

Том

Ноолууран хувцас руу сүрчиг цацаж болохгүй

 0 сэтгэгдэл
  • Шинээр авсан ноолууран хувцсаа угаасныхаа дараа өмсөөрэй. Ингэснээр гадарга дээрх богино ширхэгтүүдийг салгаж ноолуурыг бөөгнөрөхөөс сэргийлнэ

Ноолууран хувцсаар зөвхөн хүйтний улиралд гангардаг цаг ард хоцорчээ. Учир нь урин цагт ч өмсөхөд тохиромжтой хөнгөн нимгэн хувцсыг ноолуураар хийдэг болсон. Тиймээс өмсөж, бохирдуулсан хувцсаа гэрийн нөхцөлд хэрхэн арчлах талаарх зөвлөгөөг хүргэж байна. Ноолууран хувцас арчилгаа их шаарддаг ч эдэлгээ удаантай. Зөв арчилсан ноолуур угаах бүрт улам зөөлөн болдог.

Сүлжмэл болон нэхмэл ноолууран хувцсыг өөр, өөр аргаар цэвэрлэдэг

Сүлжмэл ноолуур

Арилгахад хэцүү толбо үүсээгүй бол сүлжмэл ноолууран хувцсыг заавал хуурай хими цэвэрлэгээнд өгөх шаардлагагүй. Харин угаах үедээ химийн гаралтай угаалгын нунтаг ашиглалгүй ноос, ноолуур угаах зориулалттай нунтаг ашиглах нь зохимжтой. Мөн шинээр авсан ноолууран хувцсаа угаасныхаа дараа өмсөөрэй. Ингэснээр гадарга дээрх богино ширхэгтүүдийг салгаж ноолуурыг бөөгнөрөхөөс сэргийлдэг. Ноолууран хувцас амархан сунадаг гэх ойлголт түгээмэл бий. Гэхдээ энэ нь буруу угааж, хатааснаас үүлдэлтэй бөгөөд нойтон ноолуурын бүтээгдэхүүнийг аль нэг хэсгээс нь унжуулан барьж, сэгсэрч, хүчтэй мушгиж болохгүй. Харин хатаагуурт өлгөхөөсөө өмнө бөөгнүүлж, эсвэл эвхэж хэвшээрэй. Халуун ус ноолуурыг агшаадаг учир үргэлж хүйтэн усаар угаах хэрэгтэй. Мөн үрж мушгиж болохгүй учир савтай усанд дэвтээх нь зохимжтой. Нойтон ноолуур амархан сунадаг учир мушгиж болохгүй. Харин дэлгэж тавьсан алчуур дээр өнхрүүлж, усыг нь шавхаж аваарай. Хувцсаа хатаахад учир бий. Бусад бүтээгдэхүүний адилаар унжуулж тохох нь эрсдэлтэй. Тиймээс хөндлөнгөөр нь дэлгэж тавиад хатаах хэрэгтэй.

Нэхмэл ноолуур

Нэхмэл ноолуурыг хими цэвэрлэгээнд өгөх хэрэгтэй. Учир нь нэхмэл ноолуур нь гэрийн нөхцөлд угаахад хэцүү бөгөөд гэмтэх аюултай байдаг. Ноолууран хувцасны тэмдэглэгээ дээр зөвхөн гараар эсвэл зөвхөн хими цэвэрлэгээнийх гэсэн заавар байдаг. Тухайн зааврын дагуу арчилвал эдэлгээг нь уртасгана. Гэхдээ ноолууран эдлэлийг жилд хоёроос дээш удаа хими цэвэрлэгээнд өгөх нь зохимжгүй. Учир нь тусай химийн бодисууд ноолууран утасны бүтцийг их гэмтээдэг. 

Гараар угаах зааварчилгаа

Ноос, ноолууран бүтээгдэхүүнийг 3-4 удаа өмссөний дараа цэвэрлэх бөгөөд хуурай аргаар цэвэрлэж эсвэл гараар угааж болно. Гараар угаадаг зориулалтын бодис эсвэл шампунь хэлбэрээ алдах, бөөгнөрч муудахаас сэргийлнэ. Угаалгын нунтаг ноолууран хувцсыг түлж, агшааж сунгах аюултай тул хэрэглэхээс татгалзаарай. Ноолууран бүтээгдэхүүнийг индүүдэхдээ аль болох бага температураар, дотор талаас нь индүүдэх хэрэгтэй.

Толбо арилгах

Хэрэв та ноолууран хувцсаа толбо болгосон бол даруйхан хүйтэн усаар зайлах хэрэгтэй. Толбо арилгагчаар цэвэрлэж болох ч мэргэжлийн хуурай хими цэвэрлэгээнд өгөхийг зөвлөж байна. 

Хадгалах

Та ноолууран хувцас хэрэглэлээ цэвэрлээд нямбай хадгалах хэрэгтэй. Учир нь цагаан эрвээхэй гэх мэт шавж байгалийн ширхэгт рүү татагддаг. Хадгалахдаа цаасаар ороож тавьбал бага үрчийх ба гялгар уутанд хийх хэрэггүй. Мөн өлгүүрт өлгөж, унжуулж болохгүй. 

Хэрэглээ

Ноолууран хувцас руу сүрчиг цацаж болохгүй. Сүрчиг хувцсыг толботуулж цагаан эрвээхэйг өөртөө татдаг. Мөн хурц үзүүртэй гоёл чимэглэлийн зүүлт хүргэх хэрэггүй. Энэ нь ноолууран эдлэлийг бөөсрүүлж, гэмтээх аюултай. Ноолууран хувцас дээр жижиг бөөгнөрсөн ширхэгтүүд үүсдэг. Энэ нь ноолуурын ширхэгүүд гадуур хувцас, цүнхтэй шүргэлцсэнээс үүсдэг ба хэрэв бөөгнөрсөн бол тухайн хэсгийг гараараа эсвэл зориулалтын цахилгаан хэрэгсэл, татуурга ашиглан цэвэрлэж болно. Хэрэв материал цэвэрлэгч татуурга ашиглах гэж байгаа бол, ноолуурныхаа хажуугаар даавуун материал цэвэрлэж болохгүй.

Худалдан авахдаа анхаарах зүйлс

Гарынхаа алгаар бүтээгдэхүүний гадаргыг үрэхэд жижиг ширхэгүүд бөөгнөрч байгаа эсэхийг хараарай. Хэрэв чанар муутай бол бөөгнөрч, бөөсөрнө. Мөн бүтээгдэхүүнийг сунгахад анхны хэлбэртээ орж буй эсэхийг харах хэрэгтэй. Хэрэв анхны хэлбэртээ эргэж орохгүй сунасан хэвээр байвал муу чанарын ноолуур байна гэсэн үг.

A

Жижиг

A

Дунд

A

Том

Залуус тэмээгээр аялж соёлоо сурталчилна

 0 сэтгэгдэл
  • Өмнөговиос Өвөрхангай хүртэл 30 гаруй залуус тэмээгээр аялахаар төлөвлөж байна

(Дэлхий дахиныг хамарсан халдварт өвчнөөс шалтгаалан олон улсын тэмээн аялалаа түр завсарласан бөгөөд өвчин намжсаны дараа тэрбээр Лондон хүртэл явах төлөвлөгөөтэй байгаа аж)

Тэмээгээр аялагч Н.Байгалмаа Иран улсаас ирээд удаагүй байгаа бөгөөд нутагтаа тэмээн аялал зохион байгуулахаар зэхэж байна. Н.Байгалмаа монгол хэл, соёл, үндэсний уламжлалаа сурталчлахаар зүтгэж яваа бүсгүй билээ. Тэрбээр “Монгол давалгаа” төсөл санаачилж, Өмнөговиос Өвөрхангай хүртэл тэмээн аялалд оролцох залуусыг бүртгэж буй аж. Тэрбээр энэхүү аялалдаа 30 гаруй залуусыг оролцуулах ба цахим хуудсандаа “Тэмээн жингийн аянд нэгдэж буй залуус маань Монголын нүүдэлчин соёл, өв уламжлал, биет болон биет бус өв соёлыг танин мэдэхүйг зон олондоо сурталчлан түгээн дэлгэрүүлэх зорилготой. Эртний уламжлалт зан заншил бөө мөргөл, болон өвлөгдөж үлдэх язгуур урлаг, дуу хуур, бие биелгээ, хэл хуур, товшуур морин хуур хөгжим, архираа хөөмий эсгэрээ магтаал, уртын дуу, нүүдэлчин аж амьдрал Монгол хоол зоог, мөн Монгол уран зураг, баримал хийц дархан хүний гар хийц, эртний монгол үндэсний хувцас, үндэсний үйдвэрлэлийн брэнд зэрэг нь өв соёл учраас залуус сурталчлах нь зөв юм. Нүүдэлчин соёлыг сурталчлах монгол аялалд "Тэмээн жингийн цуваа" давалгааг эхлүүлэх гэж байна хэмээн бичжээ. Дэлхий дахины хамарсан халдварт өвчнөөс шалтгаалан олон улсын тэмээн аялалаа түр завсарласан бөгөөд өвчин намжсаны дараа тэрбээр Лондон хүртэл явах төлөвлөгөөтэй байгаа аж.

A

Жижиг

A

Дунд

A

Том

Цар тахлын нөлөөгөөр өөрчлөгдөж буй загварын ертөнц

 0 сэтгэгдэл
  • Stay home уриатай хувцас загварын цуглуулгууд худалдаанд гарч эхэллээ
  • Бүсгүйчүүд дэгжин даашинз, долгионтой үс, өндөр өсгийтөөс хэсэгтээ л татгалзах нь

Цар тахлын улмаас дэлхий даяар хөл хорио тогтоож, хүн бүрийг гэртээ үлдэхийг уриалж байгаа энэ үед загварын ертөнц ч бас хувьсан өөрчлөгдөж байна. Stay home буюу гэртээ үлд гэсэн уриалга загварын чиг хандлагыг тодорхойлогчдын анхаарлыг татаж, энэхүү уриалгад нийцсэн хувцасны цуглуулгуудыг худалдаанд гаргаж эхэллээ. Хүлээн авалт, уулзалт, киноны нээлт гэх мэт олон нийтийн үйл ажиллагаанууд цуцлагдсан энэ үед энгийн хэрэглэгчдээс авахуулаад олны танил алдартнууд, сошиал инфлюнсерүүд ч бас Stay home хаштаг ашиглан илүү энгийн, илүү тухтай бөгөөд загварлаг мянга мянган постыг нийгмийн сүлжээнд түгээж байна. Товчхондоо бүсгүйчүүд дэгжин даашинз, долгионтой үс, өндөр өсгийтөөс хэсэгтээ л татгалзах нь.

Загварын чиг хандлагыг тодорхойлогч гэгддэг Ким Кардашян өөрийн үүсгэн байгуулсан Skims брэндийнхээ биед эвтэйхэн, дулаахан Cozy коллецкийг өнгөрсөн арванхоёрдугаар сард гаргаж байсан бол хөл хорионы үеэр Stay home уриатайгаар дахин худалдаанд гаргалаа. Энэхүү цуглуулгыг биед маш эвтэйхэн хэмээн худалдан авагчид ам сайтай байгаа. Cozy коллекц 68- 98 ам.долларын үнэтэйгээр зарагдаж байгаа бөгөөд тэрбээр энэ цуглуулгаараа олон мянган долларын ашиг олоод байна. 

Сүйт бүсгүйн хуримын даашинзны загвараар олонд танигдсан “Хайрын хурим” салон бэлэн хувцасны XX брэндийнхээ Stay Home цуглуулгыг өнгөрсөн сард танилцууллаа. Тухлаг бөгөөд загварлаг хэмээн тодорхойлсон энэхүү цуглуулга нь Stay home, Save lives! уриатайгаар худалдаанд гарсан юм. 

Бүсгүйчүүдийн дунд хэдийн танил болсон Pretty little thing брэндийн Stay home амны хаалт 12 авcтрали долларын үнэтэй. 

Инстаграмд маркетингаа амжилттай явуулж буй Скотт Дисикийн үүсгэн байгуулсан Talentless бэлэн хувцасны брэндийн Stay home цуглуулга бусдаас илүү этгээд. Би гэртээ үлдэж байна, Гараа угаана уу гэсэн бичиг нь бусдын анхаарлыг татаж чаджээ. 

Загвар зохион бүтээгч Жүн Такахаши COVID-19-ийн цар тахлын үед аюулгүй байдлын дадлыг сурталчлах зорилгоор нийгмийн зай барих дүрмийг илэрхийлсэн богино ханцуйтай цамцны цуглуулгаа худалдаанд гаргажээ.