A

Жижиг

A

Дунд

A

Том
http://zgm.mn/post/2772/

Баян-Өлгий аймагт хэрэгжлээ

 0 сэтгэгдэл

A

Жижиг

A

Дунд

A

Том
http://zgm.mn/post/2772/


Монголын гурван хүн тутмын нэг нь зүрх судасны өвчний улмаас хорвоог орхиж байна гэсэн харамсалтай статистик бий. Хүн амын дунд аюулын харанга дэлдэж, нас баралтын тэргүүлэх шалтгаан болсон энэ өвчнөөс хэрхэн урьдчилан сэргийлэх тухай иргэдэд мэдлэг мэдээлэл олгож, эрт илрүүлгийн болон төрөлжсөн нарийн мэргэжлийн үзлэг оношилгоо хийж, орон нутгийн эмч нарт сургалт зохион байгуулах ажлыг “Цусны даралт ихсэлтийн эсрэг аян”-ы хүрээнд 2017 оноос хэрэгжүүлж ирсэн билээ.

П.Н.Шастины нэрэмжит Улсын 3-р төв эмнэлгийн санаачилгаар ХААН Банкны компанийн нийгмийн хариуцлага, тогтвортой хөгжлийг хэрэгжүүлэгч ХААН Банк Сангийн санхүүжилт дэмжлэгээр, Нийгмийн эрүүл мэндийн үндэсний төв /НЭМҮТ/ хамтран энэхүү аяныг өнөө жил баруун бүсийн гурван аймагт өрнүүлж буй. Тодруулбал, 6-р сарын 22-24-нд Увс, 6-р сарын 25-27-нд Ховд аймагт “Цусны даралт ихсэлтийн эсрэг аян”-ыг хэрэгжүүлсэн бол ийнхүү Баян-Өлгий аймгийн Өлгий суманд аяны нээлт боллоо. Давсны хэрэглээ өндөртэй, мөн өндөрлөг уулын бүсэд оршдог баруун аймгийн иргэдийн дунд зүрх судасны өвчлөл улсын дунджаас өндөрт тооцогддог. Аяны багийнхан Увс, Ховд аймагт ажиллахдаа нийт 3,237 иргэнд урьдчилан сэргийлэх үзлэг, эрсдэлийн үнэлгээ хийж, түүнээс 627 хүн цусны даралт ихсэлттэй нь илэрчээ. Түүнчлэн 461 хүнийг төрөлжсөн нарийн мэргэжлийн үзлэг оношилгоонд хамруулж, орон нутгийн 120 эмч, мэргэжилтэнд сургалт зохион байгууллаа. Мөн аяныг хамтран зохион байгуулагч НЭМҮТ-ийн судлаачдын баг тухайн орон нутгийн иргэдэд зөв хооллолт, эрүүл амьдралын хэв маяг болон цусны даралт ихсэлтээс урьдчилан сэргийлэх тухай мэдлэг мэдээлэл олгосон юм.

Баян-Өлгий аймгийн хүн амын дундах нас баралтын тэргүүлэх шалтгаан нь зүрх судасны өвчлөл буюу нийт нас баралтын 42.4 хувь нь зүрх судасны өвчлөлөөс үүдэлтэй нь анхаарал татсан үзүүлэлт юм. Тус аймгийн зүрх судасны өвчлөлийн 69.1 хувийг цусны даралт ихсэх өвчин, 7.6 хувийг зүрхний судасны нарийсал, 11.2 хувийг тархи судасны өвчин, үүнээс 18.7 хувийг тархины харвалт эзэлж байна. 

Аяны хүрээнд Баян-Өлгий аймгийн төв талбайд иргэдэд урьдчилан сэргийлэх эрт илрүүлгийн  үзлэг оношилгоо хийж, аймгийн Нэгдсэн эмнэлэгт П.Н.Шастины нэрэмжит Улсын 3-р төв эмнэлгийн эмч нар зүрх судас, зүрхний шигдээс, мэдрэл, тархины харвалт, бөөр, хоол боловсруулах замын эмгэг зэрэг нарийн мэргэжлийн үзлэгт хамрууллаа. Өөр нэг онцлог нь “Цусны даралт ихсэлтийн эсрэг аян”-ы хүрээнд Баян-Өлгий аймгийн ЗДТГ-т даралт хэмжих багаж бүхий “Эрүүл мэндийн булан“ байгуулж өгсөн бөгөөд иргэд үнэ төлбөргүй цусны даралтаа хэмжих боломж олгож буй юм. “Цусны даралт ихсэлтийн эсрэг аян”-ы багийн эмч нар ийнхүү Баян-Өлгий аймагт ажиллаад, энэ жилийн хувьд аянаа өндөрлүүлэх юм.

Сүүлийн үед цусны даралт ихсэх өвчин эрс залуужиж, хот суурин газрын төдийгүй орон нутгийн хүн амын дунд хурдтай тархаж буй нь хөдөлгөөний хомсдол, хүн амын дундах таргалалт, зохисгүй хооллолт, амьдралын хэв маяг өөрчлөгдсөн, стресс зэрэг олон хүчин зүйлээс шалтгаалж буй тухай эмч мэргэжилтнүүд хэлж байна. Тиймээс аяны зорилтот бүлгийг даралтаа тогтмол хянадаг буюу эмчийн хяналтанд байдаг хүмүүсээс илүүтэй хөдөлмөрийн насныхан руу чиглүүлж буйгаараа онцлогтой. Иргэд та бүхэн урьдчилан сэргийлэх үзлэгт хамрагдаж, даралтаа тогтмол хянаж хэвших нь өөрийгөө болон гэр бүл, хайртай дотны хүмүүсээ эрсдэлт хүчин зүйлсээс хамгаалах чухал алхам юм шүү.

Та, бид цусны даралт ихсэх өвчнөөс урьдчилан сэргийлж чадна!

www.khanbank.com khanbank.com/facebook khanbank.com/twitter

A

Жижиг

A

Дунд

A

Том

Тендер шалгаруулалтын нэр: Хөдөлмөр эрхлэлтийн цогц сургалт зохион байгуулах сургалтын байгууллагыг сонгон шалгаруулах

 0 сэтгэгдэл

Тендер шалгаруулалтын дугаар: НХЭГ/ССХ-2019/01

Нийслэлийн Хөдөлмөр эрхлэлтийн газар нь эрх бүхий тендерт оролцогчоос “Хөдөлмөр эрхлэлтийн цогц сургалт зохион байгуулах сургалтын байгууллагыг сонгон шалгаруулах” тендерт оролцох тухай санал ирүүлэхийг урьж байна.

Тендерийн материалыг төрийн худалдан авах ажиллагааны систем www.tender.gov.mn хаягаар өөрийн ААН-ийн хувийн нууцлалын кодыг ашиглан нэвтэрч цахим хэлбэр (pdf)-ээр илгээнэ. Цахим тендер шалгаруулалт зохион байгуулах журмын дагуу тендерт оролцох хураамж 50,000 төгрөгийг www.tender.gov.mn-ээр банкны мерчантийн системийг ашиглан төлнө.

Тендер нь түүнийг нээсэн өдрөөс эхлэн 30 хоногийн дотор хүчинтэй байна.

Тендерийг дараах 8 багцад хуваан зарлаж байгаа бөгөөд тендерийн баталгаа шаардана.

Энэхүү тендер шалгаруулалт нь дараах нэр, дугаар бүхий багцуудаас бүрдэнэ. Үүнд:

Багц-1.Хөдөлмөр эрхлэлтийн цогц сургалтын хүрээнд “Барилгын цахилгаанчин” бэлтгэх сургалт зохион байгуулах сургалтын байгууллагыг сонгон шалгаруулах

Багц-2. Хөдөлмөр эрхлэлтийн цогц сургалтын хүрээнд “барилгын засал чимэглэлчин” бэлтгэх сургалт зохион байгуулах сургалтын байгууллагыг сонгон шалгаруулах

Багц-3. Хөдөлмөр эрхлэлтийн цогц сургалтын хүрээнд “оёмол бүтээгдэхүүний оёдолчин” бэлтгэх сургалт зохион байгуулах сургалтын байгууллагыг сонгон шалгаруулах

Багц-4. Хөдөлмөр эрхлэлтийн цогц сургалтын хүрээнд “мах боловсруулах үйлдвэрлэлийн ажилтан” бэлтгэх сургалт зохион байгуулах сургалтын байгууллагыг сонгон шалгаруулах

Багц-5. Хөдөлмөр эрхлэлтийн цогц сургалтын хүрээнд “Сүү боловсруулах үйлдвэрлэлийн ажилтан” бэлтгэх сургалт зохион байгуулах сургалтын байгууллагыг сонгон шалгаруулах

Багц-6. Хөдөлмөр эрхлэлтийн цогц сургалтын хүрээнд “арьс шир боловсруулалтын технологийн ажилтан” бэлтгэх сургалт зохион байгуулах сургалтын байгууллагыг сонгон шалгаруулах

Багц-7. Хөдөлмөр эрхлэлтийн цогц сургалтын хүрээнд “эсгий, ноос, ноолуур боловсруулах анхан шатны технологийн ажилтан” бэлтгэх сургалт зохион байгуулах сургалтын байгууллагыг сонгон шалгаруулах

Багц-8. Хөдөлмөр эрхлэлтийн цогц сургалтын хүрээнд “Зочид буудлын өрөөний үйлчлэгч” бэлтгэх сургалт зохион байгуулах сургалтын байгууллагыг сонгон шалгаруулах

Тендерийг 2019 оны 11 дүгээр сарын 08–ны өдрийн 10 цаг 00 минутаас өмнө Төрийн худалдан авах ажиллагааны цахим систем www.tender.gov.mn хаягаар нэвтэрч ирүүлэх ба нээлтэд оролцох хүсэлтэй тендерт оролцогчдыг байлцуулан тендерийг 2019 оны 11 дүгээр сарын 08-ны өдрийн 10 цаг 30 минутад Монгол Улс, Улаанбаатар хот, Баянзүрх дүүрэг, 26-р хороо, Нийслэлийн үйлчилгээний нэгдсэн төвийн Дүнжингарав салбар, Хөдөлмөр эрхлэлтийг дэмжих төвд нээнэ.

Гадаадын этгээд тендер ирүүлэх эрхгүй.

Дотоодын давуу эрх тооцохгүй.

Сонирхсон этгээд тендерийн баримт бичиг болон бусад мэдээллийг доорх хаягаар авч болно.

Монгол Улс, Улаанбаатар хот, Сүхбаатар дүүрэг, 8-р хороо,

Г.Амарын гудамж, соёлын төв өргөө “Г” корпус 5 давхарт, Нийслэлийн Хөдөлмөр

Эрхлэлтийн газар, 509 тоот өрөө, Утас: 70130502

A

Жижиг

A

Дунд

A

Том

“МИАТ” ТӨХК билет борлуулах шинэ салбараа Central Tower-т нээлээ

 0 сэтгэгдэл

“МИАТ” ТӨХК тасалбар борлуулах шинэ салбараа Central Tower-ийн хоёрдугаар давхарт нээж, зорчигч үйлчлүүлэгчдэдээ улам ойртлоо. Үндэсний агаарын тээвэрлэгч тус компани нислэгийн тийзийг түргэн шуурхай, хүртээмжтэй болгох зорилгоор тасалбар борлуулах салбаруудаа өргөтгөж буй юм. Өчигдөр үүдээ нээсэн тус салбарын нээлтэд “МИАТ” ТӨХК-ийн гүйцэтгэх захирал Д.Баттөр, ТУЗ-ийн дарга С.Батболд нар оролцож, шинэ салбарын үйл ажиллагаанд амжилт хүслээ.

“МИАТ” ТӨХК-ийн гүйцэтгэх захирал Д.Баттөр “Үндэсний агаарын тээвэрлэгч “МИАТ” компани нь зорчигч үйлчлүүлэгчдийнхээ найдвартай аюулгүй байдал, тав тухыг ханган ажиллах нь бидний эрхэм үүрэг, зорилго. Одоогийн байдлаар бид тасалбар түгээх ганц төвтэй ажиллаж байгаа. Бид зорчигчидтойгоо илүү ойртож, хүртээмжтэй ажиллах зорилгоор тасалбар түгээх төвөө багасгаж, хэд хэдэн салбар байгуулахаар шийдсэн бөгөөд ийн хоёр дахь салбараа нээж байна. Мөн тун удахгүй “Энканто таун”-д болон Улаанбаатар хотын баруун хэсэгт шинэ салбаруудаа байгуулахаар гэж байна.” хэмээн онцолсон юм. Мөн энэ үеэр шинэ салбарын нээлтэд зориулж хамгийн эхний гурван үйлчлүүлэгчид байгууллагын зүгээс гарын бэлэг гардуулж байв.

МИАТ” ТӨХК нь тасалбар борлуулах сал­баруудаа нэмэгдүүлэхээс гадна зорчигч, үйлчил­гээний цогц системээ бүрэн шинэчилж, нислэгийн бүх мэдээллийг нэг дороос авах “МИАТ” аппликейшнийг үйлчилгээнд нэвт­рүүлж, хэрэглэгчид хэзээ ч, хаанаас ч нислэгийн тийз захиалах, худалдан авах, цагийн хуваарь, нислэгийн төлөв зэргийг шууд харах боломжтой болж байна.

A

Жижиг

A

Дунд

A

Том

ҮНИЙН САНАЛ АВАХ УРИЛГА

 0 сэтгэгдэл


МИАТ ТӨХК нь сонгогдсон эрх бүхий тендерт оролцогчдоос МИАТ/201901079/02 дугаартай Токарийн суурь машиныг нийлүүлэх тухай үнийн санал ирүүлэхийг урьж байна.

Үнийн санал ирүүлэх барааны техникийн тодорхойлолт болон холбогдох бусад материалыг цахим системд байршуулсан болно.

Үнийн саналыг 2019 оны 9 дүгээр сарын 03 –ны өдөрийн 10.00 цагаас өмнө http:// www.tender.gov.mn хаягаар ирүүлнэ.
Үнийн саналыг нээлтэд оролцох хүсэлтэй тендерт оролцогчдыг байлцуулан 2019 оны 9 дүгээр сарын 03 –ны өдөрийн 10.10 цагт нээнэ.

Дотоодны давуу эрх тооцох эсэх: Тооцохгүй

Сонирхсон этгээд тендерийн баримт бичиг болон бусад мэдээллийг доорх хаягаар авч болно.

МИАТ ТӨХК Хан-Уул дүүрэг, 10 дугаар хороо, Буянт-Ухаа, МИАТ ТӨХК-ийн төв байр Хангамж, үйлчилгээний хэлтсийн 103 тоот өрөө, www.tender.gov.mn Утас: 70049860, Факс: 70049919

A

Жижиг

A

Дунд

A

Том

КОМПАНИЙ НЭР ӨӨРЧЛӨХ ТУХАЙ

 0 сэтгэгдэл


3624838 тоот регистрийн дугаартай “Сэцхайт” ХХК нь нэрээ өөрчилж “Макс Повер Тех” ХХК нэртэй болсныг мэдэгдье.