A

Жижиг

A

Дунд

A

Том
http://zgm.mn/post/2115/

Валютын нөөц таван тэрбум ам.долларт хүрэх эсэхийг УИХ шийднэ

Ашигт малтмалын нөөц ашигласны төлбөр 10 хувьтай байна

 0 сэтгэгдэл

A

Жижиг

A

Дунд

A

Том
http://zgm.mn/post/2115/


Анзаарсан бол энэ он гарсаар алт тушаалт буурч эхэллээ. Төв банкны мэдээлснээр, өнгөрсөн оны хоёрдугаар сартай харьцуулахад 81 хувиар алтны тушаалт эрс хумигдсан байна. Жилийн өмнө 438.6 кг алт худалдан авч байсан бол өнөөдөр ердөө 84.1 кг алт тушаагджээ. Улсын гадаад валютын нөөц ёроолдоо орж байсан үед алт л төгрөгийн гол баталгаа болж, эдийн засгийг тэтгэж, эмчилж байлаа. Орлогын чухал эх үүсвэр болсон нүүрсний үнэ уруудсан, гадаадын шууд хөрөнгө оруулалт царцсан үед алтаар бид валютын нөөцөө нэмэгдүүлж, гурван тэрбум ам.долларт хүргэж амжсан билээ. 2014 оноос энэ он хүртэл ашигт малтмалын нөөц ашигласны төлбөрийн хэмжээ 2.5 хувь байснаар алт тушаалт ийнхүү нэмэгдэж, алттай бол ам.доллартай гэсэн яриа хүртэл гарсан юм. Тэгвэл өнгөрсөн онд 22 тонн алт худалдан авсан төв банкны өөдрөг төсөөлөл энэ онд өөрчлөгдөж байна.

Валютын нөөцөө таван тэрбум ам.долларт хүргэж, тулсан гадаад өрийн дарамтаа төгрөгийн ханшийн уналт болголгүй давж гарна гэж төв банкныхан тооцоолж байлаа. Тиймээс Уул уурхай, хүнд үйлдвэрийн яамтай хамтарч Ашигт малтмалын нөөц ашигласны төлбөрийн хэмжээг 2.5 хувиар тогтоосон хуулийн хэрэгжих хугацааг 2024 он хүртэл сунгах хуулийн төслийг дэмжиж, нөөцөө энэ хугацаанд хоёр дахин нэмэгдүүлэхээр төлөвлөж байв. УИХ-д уг хуулийн төслийг хэлэлцүүлэхээр өргөн мэдүүлсэн ч салбарын сайд буцаан татсан. Алтны компани болон бичил уурхай эрхлэгчдийн хувьд 2.5 хувийн татварын орчинд үргэлжлэн ажиллах боломж нь энэ хүрээд хаагдсан юм. Салбарын сайд хуулийн төслөө зүтгүүлсэн ч улс төрийн дэмжлэг авч чадалгүй 2.5 хувь “мартагдаж” эхэллээ.

Алтны үйлдвэрлэгчид 2019 оноос эхлэн ашигт малтмалын нөөц ашигласны төлбөр таван хувь, алтны зах зээлийн үнийн өсөлтөөс хамаарч 0-5 хувийг нэмж, нийт 5-10 хувиар нөөц ашигласны төлбөр ногдуулж, төв банк худалдан авч байна. Алт тушаалт эрс багассан нь алтны худалдаа ил тод бус далд хэлбэрт шилжиж байна уу гэсэн хардлага төрүүлнэ. Энэ оны хоёрдугаар сард алтны зах зээлийн үнэ 1300 ам.доллараас дээш байв. Шинжээчдийн үзэж байгаагаар, алтны үнэ одоогийн түвшинд цаашид тогтвортой байх хүлээлт өндөр байна. Өөрөөр хэлбэл, алтны үнэ буурах эрсдэл хамгийн бага байгаа аж. Энэ онд алтны ханш унц нь 1400 ам.долларт хүрнэ гэсэн нь өөдрөг таамагт тооцогджээ. Манай улсын хувьд ашигт малтмалын нөөц ашигласны төлбөр 10 хувьтай байна.

Хоёрдугаар сарын алт тушаалтын уналт энэ сард ч үргэлжилж мэдэхээр байгаа юм. Учир нь алтны компаниудын үйл ажиллагаа ирэх сараас жигдэрч, бичил уурхайчид мөн адил дор бүрнээ өөрсдийн талбай руугаа зорьдог. Энэ жишгээр алт тушаалт өмнөх саруудтай харьцуулахад нэмэгдэх боломжтой. Төв аймгийн Заамар сумын Хайлааст багийн нутагт үйл ажиллагаа явуулж буй “Эко Алтан Заамар” компанийн уурхайд гарсан гэнэтийн осол алтны салбарынханд маш том сануулга болов.

Нөгөөтэйгүүр хөдөлмөрийн аюулгүй ажиллагаа, хариуцлагатай уул уурхайн талаарх ойлголтоо компаниуд эргэж харах цаг болсныг энэхүү харамсалтай үйл явдал харууллаа. Үүнтэй холбогдуулан алтны компаниудын үйл ажиллагаанд Мэргэжлийн хяналтын ерөнхий газраас хяналт шалгалт хийхээс гадна Уул уурхай, хүнд үйлдвэрийн яам алтны салбар дахь журам, дүрэм, хариуцлагын асуудал ярьж эхэллээ. Алтны салбар дахь эдгээр бэрхшээлүүд алт олборлолт болон алт тушаалтад хүртэл нөлөөлж мэдэхээр байна. Ашигт малтмалын нөөц ашигласны төлбөрийн хэмжээ 10 хувь болсноор алтны арилжаа далд хэлбэрт шилжих хамгийн том эрсдэл болох юм. Ийм нөхцөлд хууль бус арилжаа цэцэглэж, хулгайгаар хил давуулан борлуулах, татвараас зугтаах үзэгдэл 2014 оноос өмнө газар авч байсан билээ. Алт тушаалт дорвитой нэмэгдэхгүй, сар тутам буурсаар байвал валютын нөөцөд ирэх ачаалал нэмэгдэнэ гэсэн үг. Ийм нөхцөлд төв банк зах зээлд үүссэн валютын ханшийн огцом хэлбэлзлийг сааруулах үүднээс ам.доллар нийлүүлэх боломж хомсдох талтай. Үүнийг гурван эдийн засагч тутмын хоёр нь хэлж байна. Ашигт малтмалын нөөц ашигласны төлбөрийг 2.5 хувиар үргэлжлүүлэн сунгах эсэхийг төв банк бус УИХ, Засгийн газар шийдэх л үлдээд байна. Ирэх оноос эргэн төлөгдөх их өрийн чимээ сонсогдож эхэлсэн энэ үед манай улсад ам.доллар даллах металлын нэг нь алт юм. Ийм нөхцөлд алтны татвараар далайлган ил болж яваа салбараа эргээд хөнтрөх эрсдэл бидэнд байна. Компаниудын алт тушаалтаас эдийн засгийн тамир тэнхээ шалтгаалах билээ.

БАЙР СУУРЬ

АЛТ ТУШААЛТ ХУМИГДАЖ БАЙГАА НЬ ВАЛЮТЫН ХАНШИД НӨЛӨӨЛӨХ ҮҮ

ВАЛЮТЫН НӨӨЦӨӨ НЭМЭГДҮҮЛЖ ЧАДАХГҮЙ БОЛ ХАНШИЙН ЭРСДЭЛ НЭМЭГДЭНЭ

Эдийн засагч Г.Ганзориг

-Манай улсын хувьд алт валютын нөөц бүрдүүлдэг гол хэрэгсэл. Өнгөрсөн хугацаанд алт эдийн засагт, ялангуяа валютын ханш тогтвортой байхад онцгой нөлөө үзүүлж ирсэн. Ашигт малтмалын нөөц ашигласны төлбөр 2.5 хувь болсноор алт тушаалт жил болгон нэмэгдэж, өнгөрсөн жил түүхэн дээд хэмжээндээ хүрсэн. Харин энэ жилийн хувьд нөхцөл байдал өөрчлөгдөж мэдэхээр байна. Гадаад өр ихтэй, хөрөнгө оруулалт дорвитой нэмэгдэж чадахгүй байгаа энэ үед валютын нөөцөө нэмэгдүүлж чадахгүй бол валютын ханшид огцом савлагаа үүсэх эрсдэл мэдээж бий. Валютын ханш нэг илрэл нь.

АЛТ ТУШААЛТ БУУРАХ НЬ ВАЛЮТЫН ХАНШИД ШУУД НӨЛӨӨ ҮЗҮҮЛЭХГҮЙ

Эдийн засагч, судлаач Г.Рагчаасүрэн

-Алтны гадаад зах зээлийн үнэ харьцангуй сайн байгаа. Энэ оны төсөөлөл ч өмнөх жилүүдтэй харьцуулахад тогтвортой байхаар байна. Тийм учраас алт үйлдвэрлэгчид алтаа борлуулж чадвал ашгаа олно. Төв банкны зохицуулалт, худалдан авалт бол шууд улсын гадаад валютын нөөц нэмэгдэх эх үүсвэр болдог. Дотоодод нэгэнт бий болсон алт ном журмынхаа дагуу гадаад зах зээлд гарснаар тухайн алт эргээд манай улсын эдийн засагт ам.доллар болж ирнэ. Эдийн засгийн утгаар нь авч үзвэл, алт тушаалт буурах нь валютын ханшид шууд нөлөө үзүүлэхгүй. Төв банкаар дамжиж гарснаар бүртгэл үүсэж байгаа. Энэ нь төлбөрийн тэнцэл дээр бичигдэж, ийм хэмжээний алт гарч, төдий тооны ам.доллар орж ирсэн гэж тодорхой болдог.

КОМПАНИУД 10 ХУВИЙН ТАТВАР ТӨЛСӨН Ч АШИГТАЙ АЖИЛЛАХ БОЛОМЖТОЙ

Монголын эдийн засгийн шинжилгээ, судалгааны төвийн гүйцэтгэх захирал Г.Бумчимэг

-Алтны салбарт төрөөс боломж олгож ирсэн. Үүний нэг нь Ашигт малтмалын нөөц ашигласны төлбөрийг тодорхой хугацаанд 2.5 хувь болгосон явдал юм. Алтны үнэ, ханш сүүлийн жилүүдэд тогтвортой, өсөлт өндөр байна. Ийм нөхцөлд компаниуд 10 хувийн татвар төлсөн ч ашигтай ажиллах боломж эндээс харагдаж байна. Энэ оноос 2.5 хувийн үйлчлэх хугацаа дууссан ч компаниуд олборлосон алтаа дотооддоо тушаах хэмжээний нийгмийн хариуцлагатай болж, хууль бус худалдааг цаашид өөгшүүлэхээс татгалзах байх гэж найдаж байна. Алт тушаалт энэ он гарсаар нэлээд буурсан ч энэ нь валютын ханшид шууд нөлөө үзүүлэх хэмжээний эрсдэл биш. Алт бол нийтийн баялаг. Тиймээс тогтвортой татварын орчныг бүрдүүлэх хэрэгтэй. Зөвхөн валютын нөөц бүрдүүлнэ гэж хараад байнга татвараар оролдох нь өрөөсгөл.

A

Жижиг

A

Дунд

A

Том

Австрали цагаачдын тоогоо цөөлөх бодлого баримтална

 0 сэтгэгдэл

A

Жижиг

A

Дунд

A

Том

Эдүгээгийн бодлогодоо ирээдүйг багтаахыг зөвлөв

Зөвхөн улс орон гэлтгүй хувь хүн, айл өрх, бизнесийн байгууллага алсыг харах нь чухал

 0 сэтгэгдэл


Автомат жолоодлоготой машины туршилтыг АНУ-ын Калифорни, Мичиган зэрэг мужид хийхээс өмнө буюу 2014 онд Сингапур улс энэ “ухаант” хүлгийг хэрхэн зохицуулахаа хэлэлцэж байжээ. Хэдхэн жилийн өмнө төсөөлөл төдий байсан жолоочгүй автомашины туршилтууд ар араасаа амжилттай болж эхэлснээр 2017 онд Сингапур замын зарим дүрмээ шинэчилж эхэлсэн аж. Гэтэл автомат жолоодлоготой машин дэлхийн тээврийн хэрэгслийн ирээдүй болох нь хэдийн тодорхой болж, томоохон компаниуд энэ үйлдвэрлэл рүү хошуурч эхлээд байхад дэлхийн дийлэнх улсад энэ өөрчлөлт үл таних, шинэ зүйл хэвээр байна.

Айсуй өөрчлөлтийн салхийг соргогоор мэдэрч, урьдаар бэлтгэж эхэлсэн Сингапурын энэ жишээг ирээдүйд чиглэсэн сэтгэлгээ, алсын хараа хэмээн дэлхий нийт үзэж байна. урагшлах бүртээ ирээдүйг тооцож алхах нь аливаа улс орны дэвжин дээшлэх, хүртээмжтэй өсөлтийг бий болгох нэг хөшүүрэг болчихоод байгааг азийн хөгжлийн банкны шинжээчид хэлж байгаа юм. Эдүгээ иргэдэд ээлтэй өсөлтөөрөө дэлхий нийтэд гайхагдаж буй Финланд, Сингапур, Австрали улсын хөгжлийн нэг хөзөр нь яах аргагүй алсын хараа, ирээдүйд чиглэсэн бодлого байсныг тэд онцолж байгаа юм.

Тухайлбал, дэлхийн хамгийн аз жаргалтай улсаар тодорсон Финланд улсын парламентад ирээдүйн асуудал эрхэлсэн байнгын хороо ажилладаг байна.  Тус улсын парламент нийгэм, эдийн засаг, экологийн аливаа асуудлыг хэлэлцэхдээ заавал 13 гишүүнтэй ирээдүйн асуудал эрхэлсэн байнгын хорооноос санал авдаг. Финланд улсад хууль тогтоох байгууллагын түвшинд алсын хараатай бодлого боловсруулахад анхаардаг бол Сингапурт үүнийг Засгийн газар хэрэгжүүлдэг байна.

Зөвхөн улс орон гэлтгүй хувь хүн, айл өрх, бизнесийн байгууллага алсыг харах нь чухал. Тухайлбал, дэлхийн хүнсний салбарын томоохон тоглогчдын нэг Coca Cola одоогоос 15-20 жилийн өмнө эрүүл мэндэд ээлтэй бүтээгдэхүүний үйлдвэрлэлээ эрчимжүүлж эхэлжээ. Хийжүүлсэн ундаа дэлхий нийтийг байлдан дагуулж байсан 1990 оны сүүлчээр тус компани амжилтдаа ташууралгүй, ирээдүйн хэрэглэгчдийн хүсэл сонирхлыг судалж байсан. Улмаар хэтдээ хэрэглэгчид элсэн чихэр их хэмжээгээр агуулсан хүнснээс татгалзана гэдгийг эртнээс таамаглаж байсан тул шинэ төрлийн бүтээгдэхүүний хөгжүүлэлтэд анхаарч эхэлсэн. Улмаар элсэн чихэр агуулаагүй Coca Cola Zero ундааг 2005 онд зах зээлд танилцуулж байжээ.

• Финландын парламент Ирээдүйн асуудал эрхэлсэн байнгын хороотой.

• Ирээдүйгээ ийн төлөвлөснийхөө ачаар Coca Cola компани өнөөг хүртэл дэлхийн хамгийн шилдэг 100 компанийн тоонд багтаж, 200 гаруй оронд бүтээгдэхүүнээ борлуулж байна.

• Урагшлах бүртээ ирээдүйг бодолцон алхах нь аливаа улс орны дэвжин дээшлэх, хүртээмжтэй өсөлтийг бий болгох нэг хөшүүрэг болдог.

Ирээдүйгээ ийн төлөвлөснийхөө ачаар тус компани өнөөг хүртэл дэлхийн хамгийн шилдэг 100 компанийн тоонд багтаж, 200 гаруй оронд бүтээгдэхүүнээ борлуулж байна.

Өөрчлөлт, хувьслыг эртнээс илрүүлж, бодлого төлөвлөлтөө бодит байдлаас түрүүлж боловсруулах нь тогтвортой, хүртээмжтэй өсөлт, өгөөж дагуулдаг аж. Тэгвэл Монгол Улсад ирээдүйг угтсан бодлого төлөвлөлт бий юу. Алс хэтийг харах нь байтугай улсыг жолоодох бодлого сонгуулийн мөчлөгийн цаг хугацааны хайчинд орж, улс орны хөгжил ирээдүй рүү бус хөмөрсөн тогоон дотор эргэсээр.

Мянганы хөгжлийн зорилтод суурилсан Үндэсний хөгжлийн цогц бодлого гэж урт бөгөөд сүржин нэртэй баримт бичиг бий. Үүнийг баталснаас хойш даруй долоон жил улирсан ч стратегийн 105 зорилтын ердөө ганц хувь, 436 дэд зорилтын 4.1 хувь нь л биелсэн хэмээн албаныхан мэдээлж байв.

“Маргаашийн өөхнөөс өнөөдрийн уушги” гэдэгчлэн эдүгээгийн бодлогодоо ирээдүйг хавчуулж, багтааж байх нь эрчтэй хөгжиж буй орнуудад чухал болохыг Азийн хөгжлийн банкны шинжээчид уламжилж байна. Төрийнхөө туг болохуйц бодлогыг тунхаглаж, түүндээ хүрэхийн төлөө иргэн бүр өдөр тутам зүтгэж, тэмүүлснээр тогтвортой өсөлтийг бий болгодог хэмээн тайванийн тамкангийн их сургуулийн ирээдүйн бодлогын судалгааны төвийн захирал Сун Мэй Мэй хэлсэн юм.

A

Жижиг

A

Дунд

A

Том

АНУ-ын фермерүүд Хятадад ургацаа худалдахыг хүсчээ

 0 сэтгэгдэл

A

Жижиг

A

Дунд

A

Том

Тэрбумтан төрүүлдэг зах зээлд монголчууд “өлгий”-тэй байна

Интернэт тоглоомын ертөнцөөс төрөх тэрбумтнуудын тоо нэмэгдсээр

 0 сэтгэгдэл


Хэрэглэгчийн тоо нь 2.3 тэрбум давсан ертөнц үүсээд 20 хүрэхгүй жил болж байна. Гэхдээ шинэ зуунтай зэрэгцэн үүссэн энэ ертөнц дэлхийн бизнесийн салбарын хамгийн өсөлттэй зах зээлд тооцогдож, хөрөнгө оруулагчдыг хошууруулсаар. Монголчуудын ашиг орлого олохоосоо илүү зугаацах, алжаал тайлах хэрэгсэл болгон түлхүү ашигладаг интернэт тоглоомын ертөнцөөс дэлхийн бизнест цахиур хагалсан шинэ тэрбумтнууд төрсөөр байна.

Зэр зэвсэг хайж, амьд үлдэхийн төлөө тэмцдэг Free Fire тоглоомыг хөгжүүлэгч Sea компанийн хувь эзэмшигч, хятад гаралтай Форрест  Ли 41 насандаа дэлхийн тэргүүн баячуудын эгнээнд бичигдэж эхэлснийг Bloomberg хэдхэн хоногийн өмнө мэдээллээ. Тус компанийн бүтээсэн виртуал ертөнцөд элсэгчдийн тоо АНУ-ын хүн амыг хэдийн давжээ. Форрест Ли Сингапурт төвтэй Sea компанийн хувьцааны 13.8 хувь буюу нэг тэрбум орчим ам.долларын хөрөнгө эзэмшиж байна. Эхний тэрбумтан нь Форрест ли биш юм. Тулаанчдын тэмцлийг өгүүлэх Fortnite тоглоомыг бүтээсэн, тэрбумтан  Тим Суини мөн энэ тоглоомоос мэндэлсэн түүхтэй.

Ийнхүү гарт үл баригдах хийсвэр ертөнц дэлхий нийтийг соронз мэт татаж, чиглэх хөрөнгө, санхүүгийн урсгал ч үржихийн хүрдээс хурдтай өсөж байна. Ухаалаг төхөөрөмжөөс хэт хамаатай болсон орчин цагийн дэлхийд видео тоглоомын байлдан дагуулалт үргэлжилсээр байна.

ТЕХНОЛОГИЙН МАНЛАЙЛАГЧИД ТОГЛООМ РУУ ХОШУУРАВ

Хэрэв та үргэлж биш юмаа гэхэд үе үе гар утсаараа тоглоом тоглож цаг нөхцөөх эсвэл тархиа  амраадаг бол аль хэдийн энэ ертөнцийн нэг гишүүн болсон гэсэн үг. Ер нь дэлхийн хаана л бол хаана утаснаас уяатай байдаг хэрэглэгчид тоглоомын зах зээлийг тэлж, хөрөнгө оруулалт, хөгжигсдийн тоо нь нэмэгдэх гол шалтгаан болоод байна. Интернэт тоглоом нийт орлогынхоо талаас илүүг нь зөвхөн хөдөлгөөнт утаснаас олдог байна.

Newzoo-гийн мэдээлснээр энэ зах зээлийн хэмжээ 2018 оны байдлаар 137.9 тэрбум ам.долларт хүрчээ. Хүний бүтээсэн, хийсвэр хорвоо ертөнцийг чиглэх мөнгөний хэмжээ сүүлийн жилүүдэд тасралтгүй нэмэгдэж буй бөгөөд ирээдүйд ч өсөлтөө хадгалах өөдрөг таамгийг шинжээчид танилцуулж байгаа юм. 2021 онд гэхэд нийт орлого нь 180 тэрбум ам.доллар давах төлөвтэй.

Тоглоом ийнхүү ашиг олж болох “авдар” болж эхэлсэн тул технологийн компаниуд энэ салбар луу хошуурсан. Тухайлбал, БНХАУ-ын Tencent Holdings компани нийтлэлийн эхэнд өгүүлсэн хоёр тэрбумтны компанид хувь эзэмшдэг. Зөвхөн Tencent Holdings гэлтгүй бидний сайн мэдэх Microsoft, Apple, Sony зэрэг технологийн манлайлагчид тоглоомын ертөнцийн гол тоглогчид юм. Алдарт Apple л гэхэд хамгийн ашиг хүртдэг компаниудын нэгд тооцогддог бөгөөд өөрийн программ хангамжийн онлайн дэлгүүр буюу App store-оор дамжуулан, энэ төрлийн тоглоом борлуулж байна. Үүнээс гадна монгол залуусын түгээмэл тоглодог World of Warcraft -ийг бүтээгч Activision Blizzard-ийн зах зээлийн үнэлгээ 29.93 тэрбумаар хэмжигдэж байна. Ер нь эдгээр компани тоглоом сонирхогчдыг тоглохоос өөр аргагүй болтол нь сонирхол, хүслийг нь төрүүлээд зогсохгүй мөнгөн урсгалыг ч соронз шиг татдаг байна.

ӨСӨЛТИЙН ИРЭЭДҮЙ ЭНЭТХЭГ, БНХАУ

Энэ зах зээл рүү урсаж буй гурван ам.доллар тутмын нэг нь  Хятадын зах зээлийнх аж. Хүн амын тоогоор тэргүүлэгч энэ гүрэн дэлхийн интернэт тоглоомын зах зээлийн өлгий нутагт тооцогдох боллоо. Үүнээс гадна сүүлийн жилүүдэд хамгийн ирээдүйтэй зах зээлээр Энэтхэг улс нэрлэгдэж байна. Энэтхэгийн интернэт тоглоомын зах зээл хурдтай өсөж, үүнийг нь ч соргогоор анхаарсан Хятадын Alibaba, Tencent зэрэг компани тус улсад үүрээ засаж эхэлжээ. Уг нь БНХАУ, Энэтхэг улс бол монголчуудад хамгийн ойр зах зээл. Мөнгө буцалж буй энэ зах зээлийн хамгийн эрэлттэй бүс нутаг, улс орнуудтай Монгол Улс улс төр, эдийн засаг, хүн хоорондын нягт харилцаатай оршин тогтнож байна гэсэн үг.

Ингээд бодохоор дэлхийн том компаниуд хүртэл хошуурч буй энэ бизнест монголчууд зөвхөн хэрэглэгчийн байр сууринаас оролцох бус орлого олох боломж байсаар байна. Сүүлийн жилүүдэд манай технологийн салбарын залуус хамтран энэ төрлийн гарааны бизнесүүдийг хөгжүүлж буй ч өнөө хэр олон улсын түвшинд өрсөлдөхүйц тоглоом бүтээсэн нь тун ховор. Гэхдээ хэд хэдэн компани олон улсад бүтээгдэхүүнээ нэвтрүүлжээ. Тухайлбал, монгол залуусын Nomadic Bear Games компани сүүлийн таван орчим жил тогтвортой үйл ажиллагаа явуулж байна. Өнгөрсөн онд дэлхийн зах зээлд хоёр ч бүтээгдэхүүнээ амжилттай нэвтрүүлсэн компанийн нэгэн тоглоомыг олон улсын хэрэглэгчид 12 сая удаа татжээ.

Тус компани тоглоомын зах зээл дэх гар утсанд суурилсан, Hyper Casual буюу хэцүү биш хэдий ч тоглоход таатай мэдрэмж төрүүлдэг төрлийн тоглоом бүтээдэг аж. Ингэхдээ өөрсдийн үзэл санааг шингээж, дэлхийн дийлэнх хэрэгчдийн сонирхолд нийцүүлэхийг зорьдог байна. Дэлхийн маш олон залуустай бид өрсөлддөг ч монгол хүний ур ухаан, сэтгэлгээний чадвараараа бусдаас ялгарахыг зорьдог хэмээн компанийн үүсгэн байгуулагч Х.Хангай ярилаа.

Ер нь манай тоглоом бүтээгчдийн дийлэнх нь сонирхогчийн шинж чанартай, бор зүрхээрээ энэ салбарт ажиллаж байна. Тиймээс Монголын тоглоом сонирхогчдын дунд Mongolian Game Developers Contest тэмцээн энэ өдрүүдэд болж байна. Одоогоор нэгдүгээр шат нь үргэлжилж буй бөгөөд 54 багийн 167 оролцогч бүртгүүлж, 19 бүтээл ирүүлжээ.

Басхүү Монгол Улс интернэт тоглоомын салбарын хэрэглэгчдийн хувьд дэлхийгээс нэг их хоцролгүй, зэрэгцэн алхаж байгаа гэхэд болно. Цаашлаад энэ төрлийн тоглоомд хүүхэд залуус донтох, зүй бусаар ашиглах зэрэг сүүдэртэй талууд ч түгээмэл болж буй. Харин тоглоом бүтээх, бий болгох, орлого олж, ашиг хүртэхдээ монголчууд хоцорч, унхиагүй байсаар.

Уг нь хил хязгаар гэж үгүй энэ салбар Монгол шиг далайд гарцгүй, жижиг зах зээлтэй улсад орлого олж болох талбар. Дээрээс нь дэлхий дахинд энэ төрлийн тоглоом нь зөвхөн арилжаа, сурталчилгаанаас орлого олоод зогсохгүй тоглоомын дүрүүдийнх нэр, хувцас, хэрэглэл нь чамлахааргүй мөнгө авчирдаг байна. Гэхдээ Монгол Улс өнөө хэр энэ хорхой хүргэм зах зээлд олон улстай өрсөлдөхөд бэлэн биш, “өлгий”-тэй хэвээр байна.