A

Жижиг

A

Дунд

A

Том
http://zgm.mn/post/1762/

Газрын тосны төлөв тодорхойгүй байна

 0 сэтгэгдэл

A

Жижиг

A

Дунд

A

Том
http://zgm.mn/post/1762/


Газрын тосны салбар 2018 онд их савлалаа. Үнэ нь аравдугаар сард сүүлийн дөрвөн жилийн үнэмлэхүй түвшинд өссөнөө дараа сард нь 30 гаруй ам.доллараар навс унав. Тус үйлдвэрлэлийн салбарт хэт нийлүүлэлт, эрэлт хоёр оны турш сэтгэл зовоосоор тогтворгүй өнгөрлөө.


Хүчний харьцаа ч өөрчлөгдөж байгааг Вена хотноо 12 дугаар сарын эхээр болсон ОПЕК-ын уулзалт тод харуулав. Тэргүүлэх олборлогч Саудын Арабтай хамтран нийтээр олборлолтоо бууруулах тохиролцоонд ОХУ гол зуучлагч болов. Харин газрын тосны үнийг хямдруулах Ерөнхийлөгч Дональд Трампын шаардлагатай зэрэгцэн нөгөө талд нь АНУ-ын үйлдвэрлэгчид занарын тосыг урьд үзэгдээгүй ихээр олборлодог боллоо. Ингэснээр АНУ-ын нийлүүлэлт ОПЕК-ийн гишүүд, ОХУ-ын жил гаруй хугацааны хүчин чармайлтыг талаар болгох аюул үүсгэв.Энэ онд “ердийнхөөс аюултай” тодорхой бус нөхцөл үргэлжилж мэдэхийг Олон Улсын Эрчим Хүчний Агентлагийн (IEA) газрын тосны зах зээл хариуцсан тэргүүн Нил Аткинсон анхааруулж байна. Олборлох үйлдвэрлэлд геополитикийн тодорхой бус нөхцөл гол уршигтайг ConocoPhillips-ийн гүйцэтгэх захирал Райан Ланс анхааруулав.


Занар эрчим хүчний үйлдвэрлэлийн гэрэлт цэг болно
ConocoPhillips-ийн гүйцэтгэх захирал Райан Ланс:


“Хөрөнгө оруулалтаасаа хамаарч олборлолт нь шуурхай өсөж, буурдаг умард Америкийн занар олборлолт газрын тосны зах зээлийг эмзэг хэвээр нь үлдээх болов уу. Нөөц, үйлдвэрлэлийн хүчин чадлын үүднээс авч үзвэл умард Америкийн занар олборлолт дэлхийн эрчим хүчний үйлдвэрлэлийн гэрэлт цэг болж байна. Занарын тос нь нийт олборлох салбарын дүр төрхийг өөрчилж, АНУ-ыг байгалийн хий, шингэрүүлсэн хийн үйлдвэрлэлээр дэлхийд тэргүүлэгч болгож өглөө. Занарын олборлолт нь дэлхийн олборлох үйлдвэрлэлийн өсөлтийг олон жил хангах төлөвтэй.”

ОПЕК-ын шинэ байр суурийн ачаар Brent-ийн үнэ тогтворжино
Pimco-гийн портфолио менежер Грег Шернау: 


“Таваарын хөрөнгө оруулагчдын хувьд сүүлийн дөрвөн жилд ганц хүчин зүйлээс шалтгаалан тэнцвэр алдагдаж, үнэ хувирдаг үе төгсөж байгаа болов уу. ОПЕК зах зээлд байр сууриа хадгалахын төлөө 2014 онд өрсөлдөөнөөс ухарч газрын тосны үнэ буурахад хувь нэмрээ оруулсан. Хоёр жилийн дараа байр суурь нь эрс эргэж үнэ өсгөхөд оролцлоо. харин 2019 онд ОПЕК хэт олборлолт, хомсдолын аль алийг хязгаарлахыг хичээх хэрээр ийм эрс зөрөөтэй бодлого алга болно. ОПЕК-ийн шинэ байр суурийн ачаар Brent-ийн үнэ тогтворжиж таарна. Дээр нь олон улсын далайн тээврийн Байгууллага (IMO) 2019 оны эцсээс эхлэн хөлөг онгоцны түлшин дэх хүхрийн агуулгыг хязгаарлахаар шийдсэн нь Brent гэх мэт хөнгөн чанарын, хүхрийн орц багатай тосны эрэлтийг ихэсгэнэ.”

Газрын тосны зах зээл цаашид улам тархай болно
JPMorgan-ы глобал зах зээлийн стратегич Дэвид Лебовиц:


“Занар олборлогчид 2019 онд үүрэг хариуцлагаа илүү ухамсарлаж ажилладаг болох байх. Олборлолтоо өсгөх, хөрөнгө оруулах тал дээр занарын тос үйлдвэрлэгчид илүү хариуцлагатай болж байгаа бололтой. Иймд хэдэн жилийн өмнөх шиг нийлүүлэлт хэрээс хэтрэхгүй байх. Катар ОПЕК-оос гарч шатдаг хийнд төвлөрөхөөр шийдсэн нь зах зээл цаашид улам тархай болохын дохио бололтой.

Дээр нь хэрэглэгчдэд төдийгүй бодлого тодорхойлогчдод ч сэтгэл зүйн тохиргоо шаардлагатай. Учир нь бид ДНБ-ий 70 хувь нь хэрэглэгчээс шалтгаалдаг, хэрэглээнд хөтлөгддөг эдийн засагтай. Хэрэглэгчийн тоо өссөөр байгаа нь цаашид газрын тосны үйлдвэрлэлд хуучнаасаа ч илүү нөлөөтэйг бүгд ухамсарлаж ойлгох нь чухал.”

Энэ онд дэлхийн газрын тосны зах зээл 2018 оных шиг савлахгүй
Олон улсын Эрчим Хүчний Агентлагийн газрын тосны зах зээлийн тэргүүн Нил Аткинсон:


“Газрын тосны зах зээлийн цаашдын хандлагыг шинэ оны эхний байдлаар үнэлбэл ердийнхөөсөө аюултай нөхцөлд байна. Эрэлт, нийлүүлэлтийн тэнцвэрийг хангахад тодорхой бус байдлын урт жагсаалт гарахаар байна.

ОПЕК-ийн гишүүд болон тус байгууллагын гишүүн бус 10 улс олборлолтоо танахаар саяхан тохиролцсон. Тохиролцоо бүтэлтэй болох аваас газрын тосны зах зээл дэх хэт нийлүүлэлт багасаж, тэнцвэр тогтоно. Ираны газрын тос худалдан авагчдад АНУ хоёр дахь удаагаа зөвшөөрөл олгох эсэхийг та бид харах нь. Венесуэл цаашид дахиад олборлолтоо бууруулах болов уу?.

Юутай ч 2019 онд дэлхийн газрын тосны зах зээл 2018 оных шиг савлахгүй хэмээн ОУЭХА найдаж байна. Газрын тосны үнэ баррел нь 85 ам.доллараас хэтэрвэл хэрэглэгчдэд таагүйг 10 дугаар сарын эхний нөхцөл бидэнд ойлгууллаа. Нөгөө талаар баррел тосны үнэ 55 ам.доллараас доош орох нь үйлдвэрлэгчдэд мөн сайнгүй.”

A

Жижиг

A

Дунд

A

Том

Дижитал эрин глобалчлалын шинэ үеийг даллаж байна

Глобалчлалаас хэн ч зугтаж чадаагүй шиг

 0 сэтгэгдэл


Дэлхийн эрүүл мэндийн байгууллага дэлгэцэнд донтох эмгэгийг албан ёсоор сэтгэцийн өвчнөөр бүрхсэн нь саяхан. Бас засгийн газрууд, компаниуд кибер халдлагыг хохирол ихтэй эрсдэлийн жагсаалтад оруулж, хувь хүнээс эхлээд бүхий л түвшинд нууцлал, хувийн мэдээллийн аюулгүй байдал шийдэл хүлээсэн сэдэв болж байна. Мөн залуу үеийнхэн, үр хүүхдүүд маань ирээдүйд технологийн мэдлэг, чадваргүйгээр дэлхийтэй хөл зэрэгцэн алхаж, салбартаа манлайлж чадах эсэх нь эргэлзээтэй юм. Улс орнуудын эдийн засаг, зах зээлүүдийн өсөлтийг жолоодогч компаниудад технологийн салбарынхан давамгайлж, түүнийг дагасан мэдлэг, технологи дамжуулалт мөн улс орнуудын маргааны хурц сэдэв болж буй цаг үед бид амьдарч буй билээ. Угтаа дэлхийн нөгөө хагаст тулгарч буй асуудал Африкт ч, Азид ч, далайн чанадад ч, бас Монголд ч цаг хугацааны хувьд ижил тохиолдож, нэг ижил шийдэл хүлээж байна. Тиймээс ч дэлхийн манлайлагчид, шийдвэр гаргагчид, шинийг санаачлагчид хэр зэрэг ойртон нягтарч, хоорондоо ойлголцоно, тэр хэмжээгээр асуудлыг хамтдаа шийддэг эринд бид хэдийн хөл тавьжээ.

Дэлхийн таван тивийн 189 улсын 7.5 тэрбум хүн технологийн асар хурдтай эрин үед ийн нийтлэг бэрхшээлтэй, нийтлэг үнэт зүйлтэй, бас нэгдмэл эв санааг эрэлхийлж байгаа нь глобалчлалын давалгаа хүн төрөлхтнийг хэдийн нөмрөн авсныг илтгэнэ.

Иймээс ч энэ жил дэлхийн эдийн засгийн чуулган (ДЭЗЧ)-ы оролцогч 3000 гаруй эрхэм дижитал эринд глобалчлалыг хэрхэн хүртээмжтэй, тогтвортой авч явах талаар ухаанаа уралдуулж, мэдлэг мэдээллээ хуваалцаж байгаа юм.

Түүхэнд газар зүйн их нээлтийн үеэс эхэлсэн гэж үздэг глобалчлал өдгөө дөрөв дэх эрин үедээ ирээд буйг ДЭЗЧ-ыг үүсгэн байгуулагч Клаус Шваб чуулганы нээлтийн үеэр онцолсон билээ. Улам бүр харилцан хамааралтай болж буй дэлхийн хөгжлийн төв нь хүн байх бөгөөд энэ хөгжлийг илүү хүртээмжтэй, тогтвортой явуулах нь форумын чиглэх гол асуудал юм.

1990-ээд оноос эрчимтэй явагдсан гэж үздэг глобалчлал хүмүүст сайн сайхныг авчирсан уу, улс орнуудад хүн төрөлхтний хөгжлийн ололд дэвшлийг ашиглах боломж байж чадав уу гэдгийг цэнхэр гарагийн хөгжлийг залагч эрхмүүд эргэн харж, салбар бүрийн төлөөлөл нухацтай хэлэлцэж байгаа билээ. Яагаад гэвэл тэдэнд хөгжлийн замналаа эргэн харах хэд хэдэн шалтгаан байгаа юм.

Юуны өмнө технологийн дэвшил, дижитал ертөнцийн хурдыг одоогийн систем, хандлагаар гүйцэхгүй гэдэг тодорхой болсон. Магадгүй танд арай хол сонсогдож байж мэднэ. Гэхдээ таны хүүхэд шүд нь цухуйж амжаагүй байхдаа гар утсыг тань хараад авах гэж нэхдэг бол технологийн хурдыг та нэгэнт гүйцэхгүй болсон гэсэн үг.

Глобалчлалын өөр нэг сүүдэртэй тал нь эдийн засгийн өсөлт, хөгжлийн хурд нийгэм дэх тэгш бус байдлын зааг ялгааг улам тэлж байна. Тун саяхан дэлхийн нийт хүн амын тал хэсгийнх нь амьжиргаа өдөрт 5.5 ам.доллараас бага байгааг судалгаагаар тогтоосон. Бас 10 хүүхэд тутмын нэг нь дархлаажуулалт, вакцинд огт хамрагдаж чаддаггүй гэсэн олон улсын байгууллагуудын тооцоо бий. Үүний хажуугаар ногоон дэлхийдээ хүмүүс дэндүү хайр гамгүй хандсанаас дэлхийн дулаарал, уур амьсгалын өөрчлөлт эрчимтэй явагдаж буй. Үүнд хамгийн их санаа зовж байгаа нь шинэ мянганыхан бөгөөд ирээдүйд тулгарах хамгийн том эрсдэл гэж тэд үзэж буй юм.

Харин дэлхийн хэмжээнд авч үзвэл, глобалчлалын гол залуур болсон эдийн засаг, худалдааны эрч сүүлийн 10 жилд саарч эхэлснийг гэрчлэх судалгаа McKinsey хийсэн байна. Тухайлбал, 2007 онд дэлхийн нийт экспорт ДНБ-ий 28.1 хувьтай тэнцэж, 2.1 дахин хурдтай өсөж байсан бол 2011 оноос хойш саарсаар, 2017 онд 22.5 хувьтай тэнцэх болжээ. Гэтэл нөгөө талд дижитал хувьсгалын ачаар зах зээл дээрх ажил үйлчилгээний өсөлт бараа бүтээгдэхүүнийхээс 60 хувиар илүүрхээд эхэлсэн нь ирээдүйд эдийн засгийн өсөлт, бизнесийн амжилтыг технологи зална гэдэг нь тодорхой юм. Нэмүү өртөг шингэсэн бараа бүтээгдэхүүний арилжаа 13 их наяд ам.доллараар эргэлдэж байгаа бол ажил үйлчилгээнийх 13.4 их наяд ам.доллар болж гүйцэж түрүүлсэн байна. Брэнд, программ хангамж, үйл ажиллагааны систем болон оюуны бусад өмч 2000 онд компаниудын нийт хөрөнгийн 5.4 хувийг эзэлдэг байсан бол 2017 онд 13.1 хувь болж нэмэгдээд байгаа юм.

Ийнхүү технологийн дэвшлээс хэн ч зугтах аргагүй болж, харин ч илүү ойртох тусам илүү боломж гарч ирнэ. Яг л тэртээ 28 жилийн өмнө глобалчлал эрчээ авч байсан үе шиг. Аливаа зүйл улам хувьсан өөрчлөгдөж байдаг. Тэгвэл энэ өөрчлөлтөд хүн бүр, улс болгон, дэлхий ертөнц хэрхэн дасан зохицох вэ.

A

Жижиг

A

Дунд

A

Том

Amazon хамгийн өндөр үнэлгээтэй компани боллоо

 0 сэтгэгдэл

A

Жижиг

A

Дунд

A

Том

БНХАУ-ын ам.долларын өр аюултай хэмжээнд хүрлээ

 0 сэтгэгдэл

A

Жижиг

A

Дунд

A

Том

Үхрийн махнаас татгалзвал өвчлөлийн түвшин буурна

 0 сэтгэгдэл