A

Жижиг

A

Дунд

A

Том
http://zgm.mn/post/3533/

Гуравдагч хөршийн бодлого 2019 онд

Гуравдагч хөршийн бодлого 2019 онд
 0 сэтгэгдэл

A

Жижиг

A

Дунд

A

Том
http://zgm.mn/post/3533/
  • ШХАБ нь АНУ ба өрнөдийн эсрэг ажиллаж мэдэх цэрэг-улс төрийн эвслийндалд дүрээ олж авсан гэж үзэх бүрэн үндэстэй 
  • “Төв Ази дахь хуучин Зөвлөлт Холбоот Улсын БНУ-уудаас америкийн цэргийн баазыг гаргах хугацааг товлохыг АНУ-д уриалсан тунхаглал” мэт эрх зүйн баримт бичиг, актууд Монгол-Америкийн харилцаанд хамаарахгүй ээ гэсэнтэй агаар нэгэн дуулдаж байв


Гадаад бодлого, геополитик дээр ертөнц гүн хямралд орсон, хуваагдсан, хоёр их хөрш маань манай гуравдагч хөршүүдтэй зөрчилдөн дайсагнасан нөхцөлд ШХАБ-д жинхэллээ гэхэд бүрэн эрхт гишүүний хүлээх хариуцлага (ял) ямар болж ирэхийг бид мэдэхгүй. “ШХАБ-д элсэхээр ямар үр дагавартай вэ?” хэмээн Ерөнхийлөгчийн тамгын газрын дарга хэлснийг хэрэгсэхгүй өнгөрч болохгүй. Элссэний дараах хариуцлагыг битүүхэн хэлсэн байх. ШХАБ-ын ерөнхий чиглэл хэний эсрэг, хэний төлөө вэ? 2005 онд Астанагийн саммитаас “Төв Ази дахь хуучин Зөвлөлт Холбоот Улсын Бүгд Найрамдах улсуудаас америкийн цэргийн баазыг гаргах хугацааг товлохыг АНУ-д уриалсан тунхаглал” гэгчийг батлан гаргаж бай жээ. Энэ нь хоёр талын харилцааны аливаа, ямар ч асуудлыг шийдвэрлэх платформ болгож ШХАБ-ыг ашиглаж болохгүй хэмээх анхны тохиролцоог Оросын шаардлагаар (Орос-Америкийн харилцаанд АНУ-ыг шахах дарамтлах) зөрчсөн анхны алхам болжээ. Ийнхүү ШХАБ нь АНУ ба өрнөдийн эсрэг ажиллаж мэдэх цэрэг-улс төрийн эвслийн далд дүрээ олж авсан гэж үзэх бүрэн үндэстэй. Уг саммитаар Иран, Энэтхэг, Пакистан нь ажиглагчийн статустай болсон. АНУ-ын цэргийн баазтай холбогдуулан гаргасан тэрхүү тунхаглал нь өрнөдийг сөрсөн, хэрэг дээрээ тулган шаардсан геополитикийн анхны ультиматум нь байсан билээ. Яг ийм фонон дээр Монгол-Америкийн улс төрийн харилцаа, стратегийн түншлэл, батлан хамгаалахын харилцааг аваад үз дээ. Сөргүүллээ хэмээн намайг зэмлэх байх. Сөргүүлж байгаа бус, яг бодитой байгааг нь бичиж байна. Бүгд баримт, эх сурвалжтай. Баярхүүгийн санаанаасаа гаргаад ирсэн нэг ч мөр байхгүй. 2019 оноо дүгнэн бичиж байна. Ерөнхийлөгчийн айлчлалыг энд давтан бичихгүй. 2019 оны хувьд түүний айлчлал Монгол-Америкийн харилцааны хөгжлийн шинэ үе шатыг эхлүүлсэн. АНУ-ын Энэтхэг-Номхон далайн цэргийн командлалын командлагч адмирал Филип С.Дэвидсон зургадугаар сарын 13-нд Монголд “морилсон”. Дэс дарааллаараа бол тэрбээр цэргийн талаас АНУ-ын гурав дахь том хүн. Ерөнхийлөгч, Штабуудын дарга нарын хорооны даргын (Жанжин штабын дарга гэсэн үг) дараа энэ нөхөр орох байх, араас нь Европ дахь цэргийн командлагч нь. Адмирал Дэвидсон Ерөнхийлөгч Х.Баттулгад бараалхсан. Манай төрийн дээд албан тушаалтан, Засгийн газрын гишүүд, цэргийн бие бүрэлдэхүүнтэй уулзсан. АНУ-ын Энэтхэг-Номхон далайн цэргийн командлал болон Монгол Улсын Зэвсэгт хүчний Жанжин штабын хамтран зохион байгуулж буй олон улсын энхийг сахиулах “Хааны Эрэлд” цэргийн сургуулилтын нээлтийн ёслолын ажиллагаанд оролцсон. Энэтхэг-Номхон далайн цэргийн командлалын стратеги нь бүс нутагт чөлөөтэй бөгөөд нээлттэй олон улсын хэв журам сахиулж түгээн дэлгэрүүлэхэд чухал бааз суурь болох явдал юм. Ингэхийн тулд Монгол-Америкийн хоорондын бат бөх түншлэл болон чухал ач холбогдол бүхий хамтын ажиллагаан дээр суурилж хамтран ажиллах учиртай. АНУ-ын Энэтхэг-Номхон далайн цэргийн командлалын үйл ажиллагааны цар хүрээ нь АНУ-ын баруун эргээс Энэтхэгийн баруун хязгаарын хил болон Антарктидаас Хойд туйл хүртэл дэлхийн гадаргуун тэн хагас болох далай тэнгисийг хүртэлх бүсийг хамардаг. АНУ-ын цэргийн эл командлал нь АНУ-ын Зэвсэгт хүчний газар зүйн байршлаар хуваагдсан Нэгдсэн цэргийн зургаан командлалын нэг нь юм. Адмирал Дэвидсон нь Энэтхэг-Ази-Номхон далайн бүсийн АНУ-ын цэргийн ахлах дээд албан тушаалтан бөгөөд АНУ-ын Батлан хамгаалахын сайдаар дамжуулан АНУ-ын Ерөнхийлөгчид ажлаа тайлагнадаг. АНУ-ын Номхон далайн тэнгисийн цэргийн флот, АНУ-ын Номхон далайн агаарын цэргийн хүчин, АНУ-ын Номхон далайн арми болон АНУ-ын Номхон далай дахь тэнгисийн явган цэргийн хүчин гэсэн дөрвөн командлалаас бүрддэг. Эдгээр цэргийн командлал нь Хавай мужид төвлөрдөг бөгөөд тухайн хүчний баазууд нь бүс нутагт суурин болон түр хугацаагаар цэргийн үйл ажиллагаа явуулдаг гэхчлэн манай БХЯ-наас хэвлэлд өгсөн мэдээлэлд дэлгэрэнгүй бичжээ. Мөн түүнтэй давхцан манай улсад айлчилсан АНУ-ын Энэтхэг-Номхон далайн цэргийн командлалын Агаарын хүчний командлагч генерал Чарльз Браун Монгол Улсын Зэвсэгт хүчний Агаарын цэргийг хөгжүүлэн төлөвшүүлэхэд АНУ-ын Энэтхэг-Номхон далайн цэргийн командлалын зүгээс хамтын ажиллагааны гэрээний хүрээнд бүх талаар дэмжлэг үзүүлж ажиллахаа илэрхийллээ гэсэн мэдээ явж байсан.АНУ-ын БХЯ-наас 55 хуудас бүхий “Indo-Pacific Strategy Report” тайланг танилцуулсан. Д.Трампын засаг захиргаанаас Энэтхэг, Номхон Далайн бүс нутагт аюулгүй байдлын чиглэлээр явуулж буй бодлогын талаар тайлбарахдаа “Түншлэлийг бэхжүүлэх” хэсэгт “Энэтхэг, Номхон Далайн бүс нутгийн Сингапур, Тайвань, Шинэ Зеланд, Монгол гэсэн дөрвөн улстай түншлэлээ улам бэхжүүллээ” хэмээн бичжээ. “Дээрх дөрвөн улс нь дэлхий дахинд АНУ-ын явуулж буй ажиллагаануудад оролцож, олон улсад нээлттэй, чөлөөт дэг журам тогтоож буй үйлсийг идэвхтэй дэмждэг, найдвартай, чадварлаг түншүүд” гэж үнэлсэн байх юм. Бүс нутгийн эл дөрвөн улстай түншлэлээ өргөжүүлэх бодлого баримтлна, Трампын засаг захиргаа Ази, Номхон Далайн бүс нутагт Хятадын нөлөөг хязгаарлах бодлого эрчимтэй явуулж байна. Бүс нутгийн нэр томъёог хоёр жилийн өмнөөс “Энэтхэг, Номхон далайн бүс” хэмээн өөрчлөн нэрлэх болсон нь Ази тивд Хятадын нөлөөг бууруулах зорилгынх нь нэг илрэл гэж тэнд бичээтэй байгаа ШХАБ-ын түнш, хил залгаа, найрсаг харилцаат Хятадыг шууд нэрлэж чичлэсэн хэрэг юм. Эл сурвалжлага нийтлэгдсэний дараахан “Why the US Should Build on Its Role as Mongolia’s “Third Neighbor” гэсэн гарчиг бүхий лут өгүүлэл америкийн нэг судлаач бичжээ. Залгуулаад Монголд АНУ-ын Ерөнхийлөгчийн Үндэсний аюулгүй байдлын зөвлөх Элчин сайд Жон Болтон (одоо бол биш) морилж, хамгийн түрүүнд Ерөнхийлөгч Х.Баттулгад бараалхжээ. Энэ айлчлал АНУ-ын зүгээс хоёр улсын харилцаа, хамтын ажиллагаанд ач холбогдол өгч буйн илрэл, АНУ-ын Мянганы Сорилтын Корпорацитай байгуулсан компакт гэрээ хоёр орны хамтын ажиллагаанд чухал үүрэгтэй, эдийн засаг, цэргийн хамтын ажиллагааг гүнзгийрүүлэх, мөн бусад салбарын харилцаа, хамтын ажиллагааг өргөжүүлэн хөгжүүлэх асуудлаар санал бодлоо солилцсон, ялангуяа цэргийн хамтын ажиллагаа идэвхтэй хөгжиж буйд сэтгэл хангалуун буй, АНУ-ын зүгээс Монгол Улсын Зэвсэгт хүчний энхийг дэмжих ажиллагаанд оруулж буй хувь нэмрийг өндрөөр үнэлдэг, бүс нутгийн аюулгүй байдал, тэр дундаа эрчим хүчний салбарын асуудлаар ярилцав гэсэн албан ёсны мэдээ явж байсныг бид уншсан. Гэтэл БХЯ-дын харилцаа юу юугүй дараагийн шатныхаа хамтын ажиллагаа руугаа шилжиж, АНУ-ын Батлан хамгаалахын шинэ сайд Марк Эспер Монгол Улсад айлчилжээ. Тэрээр твиттерийн жиргээндээ: “Монголд ирлээ! АНУ-Монголын нийтлэг үнэт зүйлс, түншлэлийн бат бэх хэлхээ холбоо, дэлхий даяар ардчилал, эрх чөлөөг дэмжих үүргээ батлан харуулах болно!” гэcэн нь чухамдаа ШХАБ-ын 2005 оны Астанагийн саммитаас “Төв Ази дахь хуучин Зөвлөлт Холбоот Улсын БНУ-уудаас америкийн цэргийн баазыг гаргах хугацааг товлохыг АНУ-д уриалсан тунхаглал” мэт эрх зүйн баримт бичиг, актууд Монгол-Америкийн харилцаанд хамаарахгүй ээ гэсэнтэй агаар нэгэн дуулдаж байв.









A

Жижиг

A

Дунд

A

Том

Халдашгүй байдлын дэд хороо улстөржсөн шийдвэр гаргасан гэв

 0 сэтгэгдэл
  • Ц.Нямдорж: Ерөнхий прокурор цаашид гарах үр дагаврыг бүрэн хариуцна
  • Н.Номтойбаяр бүрэн эрхийг нь түдгэлзүүлэх эсэхийг шийдэх төрийн болон хууль зүйн байнгын хорооны хуралдаан УИХ-ын чуулганыг нээлттэй явуулах санал гаргав

УИХ-ын гишүүний бүрэн эрхийг түдгэлзүүлэх ерөнхий прокурорын саналыг хэлэлцэх хуулийн хугацаа аль хэдийн өнгөрсөн ч парламент Н.Номтойбаярын асуудлаар шийдвэр гаргаж чадаагүй л байна. Өнгөрсөн баасан гарагт МАН-ын бүлэг чуулганы хуралдаанаас хоёр цагийн завсарлага авч, энэ талаар гурван цаг гаруй ярилцсаны эцэст санал хураалт явуулалгүй нээлттэй орхиж, бүлгийн гишүүдийн олонхын саналаар бус Халдашгүй байдлын дэд хорооны хурлын шийдвэрийг дагах нь зөв гэдэг шийдэлд хүрсэн юм. Мөн хуралдаанд оролцсон МАН-ын дарга У.Хүрэлсүх Н.Номтойбаярын бүрэн эрхийг түдгэлзүүлэхийг бүлгийнхнээсээ шаардсанаас гадна түүнд хандан өөрийн санаачилгаар бүрэн эрхээсээ түдгэлзээд шалгуулах санал тавьсан байна. Харин УИХ-ын гишүүн Н.Номтойбаяр хууль зөрчөөгүй, харин зодоон хийсэн асуудалдаа хариуцлага хүлээхэд бэлэн байна гэдгээ илэрхийлжээ. МАН-ын бүлгийн хурлын дараа Халдашгүй байдлын дэд хороо хаалттай хуралдаж, ерөнхий прокурор Б.Жаргалсайханы мэдээлэлтэй танилцан, Н.Номтойбаярын тайлбар няцаалтыг сонсжээ. Хоёр цаг хэлэлцсэний дүнд тус дэд хорооны таван гишүүн санал нэгтэйгээр гишүүний бүрэн эрхийг түдгэлзүүлэх нь зүйтэй гэж үзсэн юм. Дэд хорооны шийдвэрийн талаар тус хорооны дарга Ц.Нямдорж “Нэг талаас Н.Номтойбаяр гишүүнийг тойрсон хардлага сэрдлэг их байгаа, нөгөө талаас албан тушаал нь гишүүнийг шалгахад саад болж байна гэх байр суурь байгаа учраас түдгэлзүүлж байгаад шалгуулж, нэрээ цэвэрлээд авчихвал гэсэн үүднээс ийм шийдвэр гаргалаа. Ерөнхий прокурор дотор нь байгаа асуудлаар нарийн мэдээлэл өгөхгүй байна. Тиймээс ерөнхий прокурор санал оруулж ирсэн учраас үүнийхээ хариуцлагыг цаашдаа хүлээх байх” гэсэн юм. Харин Н.Номтойбаяр байр сууриа илэрхийлэхдээ “Халдашгүй байдлын дэд хороо хуулийн хүрээнд нотлох баримт дээр тулгуурлах биш, улстөржсөн шийдвэр гаргадаг юм байна. Надад хууль зөрчсөн үйлдэл байхгүй. Тиймээс одоо УИХ-аар хэлэлцэх явцыг нээлттэй явуулах хэрэгтэй” гэжээ. Халдашгүй байдлын дэд хороо шийдвэрээ гаргасан учраас энэ долоо хоногт Дэгийн хуулийн дагуу Н.Номтойбаяр гишүүний бүрэн эрхийг түдгэлзүүлэх эсэхийг Төрийн байгуулалтын болон Хууль зүйн байнгын хороо хэлэлцсэний дараа чуулганы нэгдсэн хуралдаанаар эцэслэн шийдвэрлэх юм. 

Н.Номтойбаяр: Г.Батхүү агсантай холбоотой мэдээллийг шалгуулахаар цагдаад гомдол гаргана

Харин УИХ-ын гишүүн Н.Номтойбаяр Г.Батхүү агсны гэр бүлийнхний хийсэн мэдээлэлтэй холбогдуулан байр сууриа ийн илэрхийлсэн юм. 

-Би хууль зөрчөөгүй учраас өөрийн хүсэлтээр УИХ-ын гишүүний бүрэн эрхээсээ түдгэлзэхгүй. Г.Батхүү агсантай холбоотой хэргийн талаарх мэдээллүүдийг шалгуулахаар цагдаагийн байгууллагад гомдол гаргаж байгаа. Сонинд нийтлэгдсэн 13 секундын бичлэг гэх мэдээллийн ард хэн байгааг шалгахад АПУ компанийн эздийн хамаарал бүхий этгээд Ж гэгч Номтойбаярыг гүтгэх гэрч хайж байгаа, иргэн Г цагдаагийн байгууллагад ажиллаж байсан хүнээр дамжуулан АПУ-гийн Батсайханд хэрэг болох хүнийг нэг тэрбумаар шагнана гэсэн байсан. Дээрх мэдээлэлд дүгнэлт хийхэд талийгаачийн ар гэрийнхэн онц ноцтой гэмт хэрэгт намайг алуурчин болгож яллах арга хэмжээг зохион байгуулалттайгаар явуулж байна. Тиймээс дээр дурдагдсан хүмүүсийг цагдаагийн байгууллагад шалгуулна. Би полиграфийн шинжилгээг хоёр удаа өгсөн. Гэтэл энэ дүгнэлтийг илт худал гуйвуулсан. Полиграфийн тестийн хүрээнд талийгаачийн унасан газраар явсан уу, цохисон уу гэх мэт маш олон зүйл асуусан. Ингэхэд миний хариулт 80-90 хувь үнэн гэж гарсан. Ингэж гуйвуулж байгаагийн шалтгаан нь талийгаачийн дүү Дорнодод, хүүхэд нь Өвөрхангайд нэр дэвших гэж байгаатай холбоотой.

A

Жижиг

A

Дунд

A

Том

Ч.Улаан сайд эзгүй тул Халдашгүй байдлын дэд хороо шийдвэр гаргасангүй

 0 сэтгэгдэл
  • УИХ-ын гишүүн Н.Номтойбаярыг хэлэлцэхдээ өөрийг нь байлцуулах эсэхийг шийднэ
  • 48 цагийн дотор хэлэлцэх байсан ч гурван гишүүн нь гадаадад томилолттой байсан учраас өнөөдрийг хүртэл хэлэлцээгүй юм

УИХ-ын Халдашгүй байдлын дэд хороо өчигдөр хуралдлаа. Хуралдаанаар Н.Номтойбаяр гишүүний бүрэн эрхийг түдгэлзүүлэх тухай ерөнхий прокурорын саналыг хэлэлцсэн юм. Гэхдээ дэд хороо Н.Номтойбаяр гишүүний хүсэлтийг танилцуулах, түүнийг хуралдаанд байлцуулах эсэх зэрэг процессын асуудлаа хэлэлцээд, өнөөдөр үргэлжлүүлэн хуралдахаар болов. Энэ талаар Халдашгүй байдлын дэд хорооны дарга Ц.Нямдорж "Дэд хорооны хуралдаан үргэлжилж байна. Маргааш Ч.Улаан сайдыг ирэхээр үргэлжлүүлэн хуралдах бөгөөд Н.Номтойбаярыг байлцуулж, маргааш шийдвэрээ гаргах байх” гэв. Тус дэд хороо таван хүний бүрэлдэхүүнтэй бөгөөд ХЗДХ-ийн сайд Ц.Нямдорж ахалдаг ба бүрэлдэхүүнд нь УИХ-ын гишүүн Д.Лүндээжанцан, Н.Энхболд, Ө.Энхтүвшин, Ч.Улаан нар байдаг. Харин Ч.Улаан сайд гадаадаас ирээгүй байгаа аж. Сануулахад, энэ сарын 16-нд Улсын ерөнхий прокурор Б.Жаргалсайхан УИХ-ын гишүүн Н.Номтойбаярын бүрэн эрхийг түдгэлүүлэх саналыг өргөн мэдүүлсэн. Үүний дагуу Халдашгүй байдлын дэд хороо 48 цагийн дотор хэлэлцэх байсан ч гурван гишүүн нь гадаадад томилолттой байсан учраас өнөөдрийг хүртэл хэлэлцээгүй юм. Өчигдөр дөрвөн гишүүний бүрэлдэхүүнтэй хуралдсан ч, ийн шийдвэр гаргасангүй.

A

Жижиг

A

Дунд

A

Том

УИХ дахь Монгол Ардын Намын бүлгийн нийт гишүүд, бүлгийн дарга Д.Тогтохсүрэн танаа

 0 сэтгэгдэл

Нээлттэй захидал

Монгол Улсын Их Хурлын 2016 оны сонгуулиар ард түмнийхээ итгэлийг хүлээж, ялалт байгуулан, УИХ-ын гишүүнээр сонгогдсон Та бүхэн ард иргэдийнхээ аж амьдралыг сайжруулах, улс орноо хөгжүүлэх бодлогыг амжилттай тодорхойлж, олон жил шийдвэрлэж чадахгүй байсан Үндсэн хуульд нэмэлт, өөрчлөлт оруулах, нийслэлийн агаарын бохирдлыг бууруулах, уул уурхайн баялгийг эзэд болох ард түмэнд илүү хүртээмжтэй болгох, өндөр настан, ахмадуудын тэтгэвэрийн зээлийг тэглэх зэрэг олон асуудлыг зоригтойгоор, цаг хугацаа алдалгүй, богино хугацаанд үр дүнтэй шийдвэрлэж байгаа нь ард иргэд бидний талархлыг зүй ёсоор хүлээж байгаа билээ. Эдгээр үр өгөөжтэй, хөгжлийн хувьд асар их ач холбогдолтой Та бүхний батлан гаргасан бодлогын олон шийдэл, санаачилгыг өндөр үнэлэхээс илүүтэйгээр Та бүхний нийгэмд шударга ёсыг тогтоохын төлөө тэмцэж буй хичээл зүтгэлийг эрх чөлөө, шударга ёсыг эрхэмлэдэг Монголын ард түмэн онцгойлон талархан дэмжиж, хууль шүүхийн өмнө иргэн бүр албан тушаал, хөрөнгө орлогын хэмжээнээс үл шалтгаалан ижил тэгш эрхтэй байх жишгийг нийгэмд тогтоон төлөвшүүлж буйг дэмжиж, Та бүхнийг шударга ёсны үлгэр жишээ байх ёстой хэмээн итгэл найдвар тавин харж байна. Хууль зөрчиж, гэмт хэрэг үйлдсэн байж болзошгүй хөрөнгө мөнгөтэй хүмүүс нь хууль, шүүхийн асуудлыг мөнгөөр шийдвэрлэдэг, намын томилгоотой нь намаараа хамгаалуулдаг, хууль хүчний байгууллагынхан бие биендээ найр тавин өөрсдийгөө хамгаалан, асуудлыг шийддэг тэр цаг үе дуусгавар болж байна гэдгийг сүүлийн жилүүдэд энгийн иргэд бид амьдрал дээрээ мэдэрч, шударга ёсыг тогтоох үйлсэд Та бүхний манлайлал дор нэгдэн, улс эх орныхоо хөгжил цэцэглэлтийн төлөө итгэл төгс урагшлан тэмцэж байна. Нийгмийн шударга ёсыг тогтоох аливаа тэмцэл үе шат бүхэндээ эсэргүүцэл, сорилттой тулгарч, даван туулж ирснийг бидний монголчуудын түүх бэлхэнээ гэрчилнэ. Сонгогч бидний итгэлийг авч, төрийн эрх барих дээд байгууллагад сонгогдсон эрхэм төрийн түшээд маань гэмт хэрэг үйлдсэн байж болзошгүй олон тохиолдолд албан тушаалын халдашгүй байдлаараа халхавч хийн, хууль хүчний байгууллагуудын мөрдөн шалгах үйл ажиллагаанд ноцтой саад учруулж, хэргийг удаашруулж, улмаар мөрдөн шалгах боломжгүй болгох, хуулийн хөөн хэлэлцэх хугацааг дуусгах, хэргийг хэрэгсэхгүй болгох талаар албан тушаал, эрх мэдлийн байдлаа ашиглан нөлөөлөх зэрэг оролдлого нь иргэдийн төрдөө итгэх итгэлийг хөсөрдүүлж, хууль шүүхийн өмнө иргэн бүр тэгш байх төрт ёсны суурь зарчмыг уландаа гишгэж, төрийн эрх барих дээд байгууллагын нэр хүндийг өмнө нь хэзээ ч байгаагүйгээр унагаж байна. Төрийн эрх барих дээд байгууллагад ажиллаж байгаа гэмт хэрэг үйлдсэн байж болзошгүй эрх баригч намын гишүүд нь сайн дураараа албан тушаалын халдашгүй байдлаасаа татгалзаж эсхүл хуулийн дагуу албан тушаалын халдашгүй байдлыг нь түдгэлзүүлж, жирийн иргэдийн адил хууль, шүүхийн өмнө ижил тэгш байлгаж, хуулийн байгууллага шалгаж үнэн мөнийг цаг тухайд нь тодорхойлж байж сая шударга ёс тогтож, сайн сайхан цаг ирэх учиртай. Монгол Ардын Намаас нэр дэвшиж, УИХ-ийн гишүүнээр сонгогдсон, Засгийн газрын гишүүнээр ажиллаж байсан Н.Номтойбаярт нь 3 зүйл ангиар эрүүгийн хэрэг үүсгэж, УИХ- ын гишүүний бүрэн эрхийг нь түдгэлзүүлэх саналыг Улсын Ерөнхий Прокуророос УИХ-д 2020 оны 1 дүгээр сарын 16-нд хүргүүлсэн байна. Үүний дагуу УИХ дахь Халдашгүй байдлын дэд хороо хуралдаж эхэлсэн боловч ирц бүрэлдээгүй гэх шалтгаанаар түр завсарласан талаар хэвлэлд мэдээлжээ. Н.Номтойбаярын бүрэн эрхийг нь түдгэлзүүлэхээр гаргасан 3 зүйл ангийн нэг нь бидний хайрт хүү, нөхөр, аав, ах Г.Батхүү агсны талаар худал мэдүүлэг өгсөнтэй холбоотой болохыг Н.Номтойбаярын хийсэн хэвлэлд өгсөн ярилцлагаас олж мэдлээ. Бидний хайрт хүн Г.Батхүү агсан Төрийн ордонд учир битүүлгээр амь эрсдэхэд хамгийн сүүлд уулзсан хүн нь УИХ-ын гишүүн Н.Номтойбаяр байсан бөгөөд энэ талаараа ч тухайн үедээ өөрөө хэвлэлийн бага хурал хийж мэдэгдэж байсан. Монгол төрийн төлөө зүтгэж явсан эрдэнэт хүний амь нас Төрийн ордонд учир битүүлгээр үрэгдээд даруй 8 сар гаруй хугацаа өнгөрчээ. Энэ хугацаанд хэргийн учиг тайлагдаж, үнэн мөнөөр шийдэгдэх болов уу хэмээн үрээ алдсан өндөр настай эцэг эх, нөхрөө алдсан авааль гэргий, ааваасаа өнчирч үлдсэн 4 хүүхэд, ахыгаа алдсан дүү нар нь төрийн болон хууль хүчний байгууллагад итгэж, горьдлого тээсээр өдийг хүрлээ. Хууль хүчний байгууллага уг хэргийг богино хугацаанд үнэн зөвөөр шийдвэрлэхэд саад болж буй УИХ-ын гишүүний бүрэн эрхийг түдгэлзүүлэх асуудлыг хуулийн дагуу шийдвэрлэхэд эрх баригч МАН манлайлан, удирдан чиглүүлж, хууль шүүхийн өмнө иргэн бүр тэгш байх нөхцөлийг хангаж, шударга ёсоор цангасан ард иргэдийнхээ хүсэл зоригт нийцсэн шийдвэр гаргахыг хичээнгүйлэн хүсч байна. УИХ-ын гишүүн Н.Номтойбаярын согтууруулах ундаа хэтрүүлэн хэрэглэсэн үедээ хийсэн олон удаагийн танхайн сэдэлтэй гэмт үйлдлүүд, албан тушаалын байдлаа урвуулан ашиглаж, төсвийн мөнгийг шамшигдуулсан болон түүнийгээ мөнгөөр шийдэж, хэрэгсэхгүй болгосон талаар хэвлэл мэдээллийн хэрэгсэл, нийгмийн сүлжээгээр сүүлийн жилүүдэд тасралтгүй гарч, олон түмний жигшил, дургүйцлийг ихээр хүргэж байсан. Түүний хамгийн сүүлийн хүний эрх чөлөөнд халдаж, танхайрч буй зодооны бичлэг нийгмийн сүлжээгээр тарж, түүнийг номхруулах, шударга шийтгэл оногдуулах төр, хууль, хүчний байгууллага байхгүй юм байна гэдэг ойлголт олон түмний дунд түгэж, зөвхөн хувь хүнийх нь хувьд биш, эрх барьж буй МАН, төрийн эрх барих дээд байгууллага УИХ-д итгэл алдаж харуусах, эсэргүүцэн тэмцэх уур амьсгал ард орны дунд давамгайлж эхлэх бодит аюул байна. Алдсан хүн арван тамтай гэдэг. Хайрт хүнээ алдсан бидэнд газар хатуу, тэнгэр хол байна. Бид зөвхөн үнэн зөв, шударга ёсыг л хүсч байна. Энэ асуудлыг хэрхэн шийдвэрлэх нь зөвхөн эрх баригч намын дотор шударга ёсыг тогтоох төдий бус Монголын нийгэмд шударга ёсыг тогтоох хамгийн эгзэгтэй сорилт шалгуур болох юм. Эрх баригч МАН Монголын ард түмнийхээ талд байж, хатуу хэцүүг туулж, шударга ёсыг тогтоож чадна гэдэгт гүнээ итгэж байна. 

ТАЛИЙГААЧ ГАВААГИЙН БАТХҮҮ АГСНЫ ЭЦЭГ ЭХ, ЭХНЭР, ҮР ХҮҮХДҮҮД, ДҮҮ НАР НЬ 

2020 ОНЫ 1 ДҮГЭЭР САРЫН 22

A

Жижиг

A

Дунд

A

Том

Г.Батхүү агсны хэргийг илрүүлэхэд УИХ-ын дэд хороо саад болж байна

 0 сэтгэгдэл
  • АН эрх баригчдыг гэмт хэрэгт холбогдсон гишүүдээ хаацайлж байна хэмээн шүүмжлэв 
  • Энэ хэргийг илрүүлж, гэм буруутанд ял оноох нь шударга ёсонд нийцнэ гэсэн хатуу байр суурьтай байгаа
  • Ёс зүйн дэд хорооны гишүүд хуульд заасан чиг үүргээ умартаж намын гишүүдээ хаацайлан, хууль бус үйлдлийг хамгаалж, бусдад бурууг тохох арга саам эрэлхийлэх замаар ёс төдий шийдвэр гаргаж байгаа

УИХ дахь АН-ын зөвлөлөөс УИХ-ын зарим гишүүний хууль бус үйлдэлтэй холбогдуулан спикер Г.Занданшатарт шаардлага хүргүүллээ. Тус шаардлагад “УИХ дахь МАН-ын бүлгийн зарим гишүүний хууль бус үйлдэлтэй холбогдуулан Г.Занданшатар танд шаардлага хүргүүлж байна. Тухайлбал ЖДҮХС-гаас зээл авсан гишүүд, Төрийн ордонд хүний амь нас хохирсон гэмт хэрэгт шалгагдаж буй асуудал, зарим гишүүдийн хөрөнгө орлого огцом өссөн талаар хуулийн байгууллага болон төрийн бус байгууллагуудын төлөөллөөс хуульд заасан үндэслэл журмын дагуу шалгуулах, хариуцлага тооцуулахаар албан бичиг, шаардлагыг УИХ-ын гишүүний Халдашгүй байдлын болон Ёс зүйн дэд хороонд удаа дараа хүргүүлсэн. УИХ-ын бүтцийн нэгж болох Халдашгүй байдлын дэд хороо, Ёс зүйн дэд хорооны гишүүд хуульд заасан чиг үүргээ умартаж намын гишүүдээ хаацайлан, хууль бус үйлдлийг хамгаалж, бусдад бурууг тохох арга саам эрэлхийлэх замаар ёс төдий шийдвэр гаргаж байгаа нь төрийн нэр хүндийг уландаа гишгэн сонгогч иргэдийг үгүйсгэж үл хүндэтгэж буй үйлдэл гэж үзэж байна. УИХ-ын дэд болон байнгын хороодоос гарч буй шийдвэрүүд асуудлыг шийдвэрлэхгүй, хуульд нийцэхгүй байгааг анхааралдаа авч хуулийн дагуу ажиллахыг танаас шаардаж байна. Тиймээс цаашид УИХ-ын байнгын болон шуурхай шийдвэрлүүлэхээр анх удаа олон нийтэд хандаж байгаа. АН энэ хэрэгтэй холбогдуулан Олон улсын парламентын холбоо (ОУПХ) болон холбогдох байгууллагуудтай хамтран ажиллаж байгаа. Өмнө нь ч гэсэн бид С.Зориг агсны хэрэгт ОУПХ-той хамтран ажиллаж байсан. Манай нам Г.Батхүү агсны хэрэгт холбогдуулан хуулийн байгууллагаас албан ёсны мэдээлэл гартал хэн нэгнийг буруутгах байр суурь илэрхийлэхгүй. Гэхдээ энэ хэргийг илрүүлж, гэм буруутанд ял оноох нь шударга ёсонд нийцнэ гэсэн хатуу байр суурьтай байгаа. Тийм ч учраас УИХ-ын байнгын болон дэд хороодыг хуулийн дагуу ажлаа хийхийг шаардаж байгаа юм” гэсэн юм.