A

Жижиг

A

Дунд

A

Том
http://zgm.mn/post/3343/

Даатгалын салбар дахь ажилтнуудын тэгш байдлыг хангах асуудлаарх дэлхийн хуралд оролцов

Даатгалын салбар дахь ажилтнуудын тэгш байдлыг хангах асуудлаарх дэлхийн хуралд оролцов
 0 сэтгэгдэл

A

Жижиг

A

Дунд

A

Том
http://zgm.mn/post/3343/

Даатгалын салбарт олон нийтийн тэгш оролцоог бий болгох зорилготой  Dive In дэлхийн хөдөлгөөнд "Смарт Брокерс" ХХК-ийн захирал Д.Солонго Монголын Даатгалын брокеруудын холбоог төлөөлөн оролцлоо. Тэрээр,"даатгалын салбарт ажилтнуудын эрх тэгш харилцааг хангах чиглэлээр "Смарт Брокерс" ХХК-ийн үйл ажиллагаа, хэрэгжүүлж байгаа бодлого нь дэлхийн хөгжлийн чиг хандлагатай уялдаж байгаа ч, илүү хурдтай байхыг шаардаж байна" гэж хэлсэн юм. Мөн даатгалын салбарын хэмжээнд нэгдэж, цогц арга хэмжээ авах шаардлагатай байгааг онцлов. 

Хүний эрхийг дээдлэн, тэгш боломж олгох тухай асуудалд бизнесийн нийт салбар анхаарах болсон. Харин даатгалын салбарт үүнд  чиглэсэн Dive In арга хэмжээг 2015 онд санаачлан эхлүүлснээс хойш дэлхийн 33 улсын 60 хотод зохион байгуулагдаж салбарын 9000 гаруй ажилтныг хамардаг болтлоо өргөжсөн байна.

Dive In нь даатгалын салбарт бүгдийн тэгш оролцоог хангасан ажлын орчинг бий болгох соёлыг хөгжүүлэн дэмжих олон улсын хөдөлгөөн бөгөөд салбарын мэдлэг, мэдээлэл, тэргүүн туршлагыг ашиглан эерэг өөрчлөлт авчрах, шат давхарга бүрдээ ялгаварлан гадуурхалтыг халах эрхэм зорилготой юм.

Мөн дэлхийн хэмжээнд цаг уурын өөрчлөлт, цахим халдлага зэрэг эрсдэлүүд тулгарч байгаа энэ үед эдгээр өөрчлөлтийг зөв удирдаж, даван туулах чадварлаг боловсон хүчнийг татахын тулд салбарынхаа нэр хүндийг өргөх нь энэхүү хөдөлгөөний зорилго юм. 

Тус компани 2020 онд энэхүү арга хэмжээнд илүү олуулаа оролцож, цаашид Монгол Улсад зохион байгуулахыг зорьж байна гэв. 

Дэлгэрэнгүй мэдээллийг https://diveinfestival.com/about-us/ холбоосоор авах боломжтой.

A

Жижиг

A

Дунд

A

Том

Коронавирусээс авах сургамж буюу Цагаан сарыг ад үзэх шалтгаан

 0 сэтгэгдэл
  • Өвчин тархахаас болгоомжилсон болохоор Цагаан сар хориглох шийдвэрийг олон нийт дэмжсэн байх. Нөгөөтэйгүүр, иргэд энэхүү нүсэр баяраас үнэндээ залхжээ
  • Бид нэг жил тэмдэглэхгүй байж болж байгаа юм чинь хойшид ч арай даруухан, зардал чирэгдэл багатай хийдэг болчихвол хэн хэндээ амар байхсан

80 настай эмээгийн минь хувьд Цагаан сар хамгийн их догдлон хүлээдэг хэрнээ хамгийн их айдаг баяр нь. Мэдээж үр хүүхэд, ач зээ нараа тойруулан сууж, халуун ам бүлээрээ уулзалдах нь эмээгийн ганц хүсэл. Харин дуусаж өгдөггүй үргэлжилсэн их баяр эмээг багагүй ядраадаг юм. Бүр шинийн долоон, найман болчихоод байхад “Хөгшин дээрээ очиж золгохгүй бол алдас болно” гэсэн шүү юм ярьж архи сэнгэнүүлсэн залуус орж ирэх нь хөдөөд бол энгийн үзэгдэл. Олон зуун хүний хөлд дарагддаг болохоор бэлтгэх идээ будаа, бэлэг сэлтийг яриад ч яахав. Үйлчилгээнд дайчлагдаж буй охид, хүүхнүүд ёстой л борви бохис хийлгүй ажиллаж өдрийг авна. Тэднийг харахаар Д.Нацагдоржийн “Цагаан сар ба хар нулимс” өгүүлэгт гардаг Цэрмаа бүсгүй өөрийн эрхгүй санаанд ордог юм. Хамаатан саднаараа нийлж, элбэж дэлбэж байгаад л энэ баярын ард гардагсан. Харин Цагаан сарын дараа эмээгийн даралт ихсэж, эмнэлэг бараадах нь бараг ёс шахуу болжээ. Үнэнийг хэлэхэд 80 настай хөгшин байтугай залуус бид ч энэ нүсэр баярын дараа ядаргаанд орсноо мэдэрдгийг нуух юун. Энэ жилд коронавирусийн халдварын улмаас улс орон даяар Цагаан сар тэмдэглэхийг албан ёсоор хорилоо. Гэр бүлийнхээ хүрээнд золгож болох ч үр хүүхдээ дагуулж, хамаатан саднаараа нийлж айл хэсэхээргүй болсон. Нэгэнт нөхцөл байдал амаргүй, аюулт өвчин тархах магадлал нэн өндөр учраас төрийн хууль журмыг дагахаас аргагүй. Анзаараад байхад Цагаан сар тэмдэглэхгүй байх энэхүү шийдвэрийг олон нийт тун баяртай хүлээн авлаа. Эсэргүүцэж дургүйцсэн хүн лав харагдсангүй. Өвчин тархахаас болгоомжилсон болохоор хориглох шийдвэрийг олон нийт дэмжсэн нь мэдээж. Нөгөөтэйгүүр, иргэд энэхүү нүсэр баяраас үнэндээ залхжээ. Цагаан сарын үеэр монголчууд 350 гаруй тэрбум төгрөгийг гадагш урсгадаг гэх статистик бий. Энэ мөнгөний дийлэнх нь урд хөршийг зорьж, оронд нь гарын бэлэг гэх хэрэгтэй хэрэггүй хог новш болон орж ирдэг. Үүнээс гадна дотооддоо урсгаж буй мөнгөн дүнг тооцвол бараг их наяд төгрөгт дөхөж очно. Энэ баяр өрхийн санхүүд ямар их дарамт учруулдгийг эндээс харж болно. Ямар сайндаа л “монголчууд гурван сарын хүнсээ баярын гурав хоногт идэж дуусгадаг” гэх яриа гарах вэ дээ. Нэгэнт хорьсон учраас энэ жил ихэнх айл Цагаан сар хийхгүй байх. Хийсэн зарим нь урьдынх шиг нүсэр зардал гаргахгүй нь тодорхой. Бид нэг жил тэмдэглэхгүй байж болж байгаа юм чинь хойшид ч арай даруухан, зардал чирэгдэл багатай хийдэг болчихвол хэн хэндээ амар байхсан. Энэ нь мэдээж биднээс л хамаарна. Шинэ хуучирчихаад байхад айл хэсэж дарамт учруулдаггүй, гарын бэлэг гэж Эрээнээс хог зөөдөггүй, залуу гэр бүл том ууц тавьж баярхахгүй, гарын бэлгээрээ хоорондоо өрсөлдөхгүй байхаас энэ бүхэн эхэлнэ. Үнэндээ Цагаан сар жил ирэх тусам нүсэр болж, зардал нэмэгдэж буй нь монголчууд бидний нэрэлхүү, барьцамтгай, бусдын дор орохгүйг хичээдэг хөгийн зангаас эхтэй. Тэднийх тавгийн идээгээ долоон давхар өрсөн байхад манайх юугаараа дутдаг юм, тэдний ууцнаас л томыг тавих юм шүү, хүний нүүр улайлгахааргүй бэлэг өгөх ёстой гэх мэтээр өөр хоорондоо өрсөлдсөөр байгаад одоо түүнийхээ ард гарч чадахаа больжээ. Монголчуудын цагаан сар тэмдэглэх байдлын талаар МУИС-ийн Нийгмийн ухааны сургуулийн багш С.Бямбадорж манай сонинд өгсөн ярилцлагадаа “Цагаан сар гэхээр хүмүүс яагаад дургүйцээд байна вэ. Учир нь энэ баяр орчин үеийнхээ шаардлагад нийцэхгүй болж байна. Тиймээс арай хөнгөн хэлбэрээр зохиодог болмоор байгаа юм. Монгол хүнд олны жишгийг дагана гэж аюултай зүйл байна шүү дээ. Сэтгэлгээний энэ саадыг даваад гарчихвал аяндаа цэгцрэх учиртай” хэмээж байв. Цагаан сарыг нэг жил тэмдэглэхгүй байлаа гээд хохирох зүйлгүйг энэ жилийн үйл явдал харуулж байна. Харин монгол ёс заншил, өв уламжлалаа хадгалсан энэхүү баяраа хэт нүсэр тэмдэглэдгээ л болимоор байна. Үгүй бол тээршээж, ад үзэх хүний тоо жилээс жилд нэмэгдэх шинжтэй болжээ. 

A

Жижиг

A

Дунд

A

Том

Сэжигтэй хүмүүсийн шинжилгээний хариу сөрөг гарчээ

 0 сэтгэгдэл
  • Эрүүл мэндийн байгууллагаас өгч буй зөвлөмжийг хатуу мөрдөхийг анхаарууллаа
  • Улс орон бүр коронаврусийг цар тахлын хэмжээнд хүргэхгүйн төлөө бололцоотой бүхнээ хийхгүй бол маргааш оройтно

Эрүүл мэндийн яам COVED-19 вирусийн тархалтын талаарх мэдээллийг өдөр бүр хүргэж буй. Ням гаригт мөн ээлжит мэдээллээ хийлээ. Тус яамны Олон нийттэй харилцах, тандалт шуурхай удирдлагын хэлтсийн дарга Д.Нарангэрэл “Нийт өвчлөл 2800 тохиолдлоор нэмэгдэж, 68500 хүнд халдварласан байна. Одоогоор 1666 нас баралт бүртгэгджээ. Египетэд нэг тохиолдол бүртгэгдсэнээр дэлхийн 26 улсад тархлаа” гэв. ХӨСҮТ-ийн захирал Д.Нямхүү “Манай улсад хэд хэдэн сэжигтэй тохиолдол бүртгэгдсэн ч шинжилгээний хариу сөрөг гарсан. Одоогоор Завхан аймаг, Налайх дүүрэг, ХӨСҮТ-д гурван хүнийг тусгаарласан. Бүгдийнх нь шинжилгээний хариу сөрөг гарлаа” хэмээн мэдээлэл өглөө. Мөн Замын-Үүдэд хилээр орж ирсэн 103 иргэнийг зочид буудалд байрлуулж, ажиглалт хийж байгаа аж. Тэдний дунд байсан халуурсан шинж тэмдэгтэй нэг иргэнийг тусгаарласан байна. Зарим хүн асуумж бөглөхдөө далайн захаар явсан, түүхий загас идсэн тухайгаа бичиж байгаа ч ЭМЯ-наас өгсөн зөвлөмжийг мөрдөхгүй байгаа нь ажиглагджээ. Тиймээс эрүүл мэндийн байгууллагаас өгч буй зөвлөмжийг хатуу мөрдөхийг анхааруулж байна. Завхан аймгийн Сонгино суманд сэжигтэй тохиолдол бүртгэгдсэнтэй холбоотойгоор Их уул суманд 24 цагийн хяналтын пост ажиллуулж буй бөгөөд тус газраар дайрч өнгөрдөг Увсын тээврийн хэрэгслүүдийг зогсоохгүй явуулж байна. Түүнчлэн ДЭМБ-ын Ерөнхий нарийн бичгийн дарга Тедрос “Улс орон бүр коронавирусийг цар тахлын хэмжээнд хүргэхгүйн төлөө бололцоотой бүхнээ хийхгүй бол маргааш оройтно” гэдгийг анхаарууллаа. Иймээс хүн бүр хариуцлагатай байж, халдвар хамгааллын дэглэмийг чанд мөрдөхийг эрүүл мэндийн байгууллагаас сануулсаар байна.

A

Жижиг

A

Дунд

A

Том

Валентины баярыг хэрхэн тэмдэглэх вэ

 0 сэтгэгдэл

Өнөөдөр бол Гэгээн Валентины өдөр. Вирусийн халдвар гарч, хөл хорио тогтоосон учраас хосууд энэ өдрийг гэртээ тэмдэглэх шаардлагатай болсон. Валентины баярыг гэрээс гарахгүйгээр хэрхэн романтик тэмдэглэж болох тухай сонирхолтой зөвлөгөө хүргэж байна. Ганц бие хүмүүсийг ч мартаагүй шүү.

Гэртээ романтик оройн зоог барих нь санхүүд хэмнэлттэй 

Энэ өдөр ресторануудын ширээ захиалга дүүрч, хосын өрөөний үнэ тэнгэрт хаддаг. Гэхдээ гэртээ сайхан ширээ засаж, хайртынхаа дуртай хоолыг өөрийн гараар хийж өгөх нь санхүүд хэмнэлттэйгээс гадна хосын харилцаанд эергээр нөлөөлөх болно. Дуртай хоолыг нь бэлтгэхээс гадна ширээгээ гоёмсог бүтээлгээр бүтээгээрэй. Эцэст нь чихэрлэг улаан дарс сонгож, лаа асаахаа мартуузай. 

Хайрыг харж чадахгүй ч киноноос мэдэрч болно

Бүх цаг үеийн хамгийн сонгодог сонголтод кино үзэх хувилбар заавал багтдаг. Энэ өдөр гэртээ гэрлэн чимэглэл асааж, дуртай амттанаа бэлтгээд хайрттайгаа хамт романтик кино үзээрэй. "Би түүнийгээ үргэлж санадаг. Хайр яг л салхи шиг, би харж чадахгүй ч мэдэрч чадна" гэж Walk to remember кинонд өгүүлдэг. 

Халуун ваннд хэвтэж, алжаалаа тайлаарай

Хамтдаа сарнайн дэлбээгээр дүүргэсэн халуун ваннд хэвтэж, алжаалаа тайлах нь баярын уур амьсгалыг мэдрүүлэх болно. Мөн лаа асааж илүү романтик орчин бүрдүүлээрэй.

Мөрөөдлийн жагсаалтаа шинэчил

Хосуудын харилцаанд ярилцах хамгийн чухал гэж сэтгэл зүйчид зөвлөдөг. Хайрттайгаа хамт хийж үзэх шинэ содон зүйлс, романтик аяллын төлөвлөгөөгөө боловсруулахад энэ өдөр хамгийн тохиромжтой. Баярт зарцуулах байсан төсвөө аяллын хуримтлалдаа нэмэрлэ. Үүний дараа бол зож байсан үеийнхээ захидал, цахим зурвасуудаа уншиж дурсамжаа сэргээгээрэй.

Ганц бие ч гэсэн гандан буурахгүй

Ганц бие байгаадаа гансарч, уйтгарлаж сууна уу. Цаг нь болоогүй учралын төлөө цагаасаа эрт шаналах хэрэггүй ээ. Таныг илүү олон учрал, гайхалтай дурлал хүлээж байгаа шүү.

Хэрхэн ганц бие байх вэ

Гал цогтой ганц бие уншигчдадаа How to be single киног санал болгоё. Таныг уйдаахгүй гэдэгт итгэлтэй байна.

Найзуудын үдэшлэг хийцгээе

Энэ өдрийг зөвхөн хостойгоо өнгөрүүлэх ёстой гэж үү. Удаан уулзаагүй найзуудтайгаа хамт бяцхан үдэшлэг хийвэл ямар вэ. Хамтдаа сонирхолтой тоглоом тоглож, амттай хоол идэж хөгжилдөх хэрэгтэй. Хоорондоо бэлэг солилцсон ч болно. Финландад хоёрдугаар сарын 14-ийг “Найзуудын өдөр” болгон тэмдэглэдэг аж.

Өөртөө бэлэг худалдан ав

Та өөрийгөө санхүүгийн ямар их хэмнэлттэй амьдардаг гэдгээ мэдэх үү. Хэрвээ хостой байсан бол хэн нэгэнд зориулах байсан тэр мөнгөө өөртөө зарцуулах хэрэгтэй. Массажинд орж, шинэ загварын хувцас, сонирхолтой ном гээд хүссэнээ худалдан ав. Сургалтад бүртгүүлсэн ч болох юм. 

Хүссэн зүйлээ хий 

Эцэст нь хэлэхэд энэ нийтлэлийг заавал хийх ёстой зүйлийн жагсаалт болгож битгий уншаарай. Таныг өөрөөс чинь илүү мэдэх нэгэн гэж үгүй. Тиймээс танд аз жаргал, сэтгэл ханамж бэлэглэдэг юу ч хийсэн болно.

A

Жижиг

A

Дунд

A

Том

Алекс Хайкенс: Хүүхдүүдийн хоол тэжээл, аюулгүй байдлыг мартаж болохгүй

 0 сэтгэгдэл
  • Сургууль, цэцэрлэг хаагдсантай холбогдуулан хүүхдийн аюулгүй байдал, хамгааллын асуудлыг мартаж болохгүй
  • Мөн өнөөгийн нөхцөл байдлаас үүдэлтэй санхүүгийн болон нийгэмд үзүүлж буй олон үр дагаврыг даван туулахад нь бага насны хүүхэдтэй айл өрхөд дэмжлэг үзүүлэх чиглэлээр нэмэлт ажлуудыг зохион байгуулах нь зүйтэй. Энэ ажлын хүрээнд бага насны хүүхэдтэй айл өрхөд учирч буй санхүүгийн дарамтыг бууруулахын тулд хүүхдэд нэмэлтээр бэлэн мөнгөний тусламж үзүүлэх санал зөвлөмжийг бид холбогдох талуудад хүргүүлсэн

НҮБ-ын Хүүхдийн Сангаас шинэ коронавирусээс урьдчилан сэргийлэх ажлын хүрээнд хүүхэд хамгааллын асуудалд анхаарч байна. Энэ талаар НҮБ-ын Хүүхдийн Сангийн Суурин төлөөлөгч Алекс Хайкенстэй ярилцлаа.

-Дэлхий дахинд шинэ коронавирусийн халдвар эрчимтэй тархаж байна. Энэ үед хүүхдийн асуудалд НҮБ-ын Хүүхдийн Сангаас хэрхэн анхаарч байна? 

-Шинэ коронавирусийн эсрэг Монгол Улсын Засгийн газраас авч хэрэгжүүлж буй арга хэмжээний хүрээнд хүүхдийн эрүүл мэнд, боловсрол, хамгаалал, хоол тэжээл, нийгмийн хамгаалал болон мэдээлэл харилцаа зэрэг чиглэлээр НҮБ-ын Хүүхдийн Сангаас дэмжлэг үзүүлэн ажиллаж байна. Ялангуяа цэцэрлэг, сургуулийн үйл ажиллагааг түр хугацаагаар зогсоосонтой холбогдуулан бага насны хүүхэд ажлын өдрүүдэд харах хүнгүй буюу эцэг эхийн хараа хяналтгүй гэртээ үлдэж байгаа. Хүүхдийн аюулгүй байдлыг хангах, болзошгүй эрсдлээс урьдчилан сэргийлэхэд хороо, сумдын хамтарсан багийг идэвхжүүлэх, цэцэрлэгийн болон бага ангийн хүүхэдтэй эцэг эхэд төрийн эсвэл хувийн хэвшлийн байгууллагад ажилладгаас үл хамааран ажлын цагийн уян хатан нөхцөлийг хэрэгжүүлэх шаардлагатай. 

-Хоол тэжээлйин дутагдлын талаар хийсэн судалгаа бий юу? 

-Сургууль, цэцэрлэгийн үдийн хоол нь тодорхой хэмжээнд дэм болдог байсан эмзэг болон ядуу өрхийн хүүхдийн хоол тэжээлийн асуудалд санаа зовниж, энэ асуудалд онцгойлон анхаарах тухай санал-зөвлөмжийг бид Шадар сайдад хүргүүлсэн. Мөн өнөөгийн нөхцөл байдлаас үүдэлтэй санхүүгийн болон нийгэмд үзүүлж буй олон үр дагаврыг даван туулахад нь бага насны хүүхэдтэй айл өрхөд дэмжлэг үзүүлэх чиглэлээр нэмэлт ажлуудыг зохион байгуулах нь зүйтэй. Энэ ажлын хүрээнд бага насны хүүхэдтэй айл өрхөд учирч буй санхүүгийн дарамтыг бууруулахын тулд хүүхдэд нэмэлтээр бэлэн мөнгөний тусламж үзүүлэх санал зөвлөмжийг бид холбогдох талуудад хүргүүлсэн. Цаашид үүсэж болох нөхцөл байдлыг хэд хэдэн хувилбараар тодорхойлж тохирсон хариу арга хэмжээг урьдчилан төлөвлөх үүднээс нийгэмд үзүүлэх үр нөлөөний түргэвчилсэн үнэлгээг мөн хамтран хийх саналыг хүргүүлсэн. 

-Хүүхдүүдэд теле хичээл зааж байгаа. Гэхдээ хүүхэд бүрт хүртээмжтэй байх эсэх нь эргэлзээтэй байна. Энэ талаар та ямар бодолтой байна вэ? 

-БСШУСЯ-тай хамтран телевизийн хичээлийг казах, тува хэлтэй хүүхдүүдэд эх хэл дээр нь хүргэхэд НҮБ-ын Хүүхдийн Сангаас дэмжлэг үзүүлж байгаа. Мөн эцэг, эхэд зориулан хүмүүжлийн эерэг арга болон зөв дадал хэвшилд хүүхдээ сургах тухай видео зөвлөмжийг орон даяар хүргэхээр бэлтгэлээ. Хүүхдүүдэд тусгайлан зориулсан эрүүл ахуйн зөвлөмж бүхий видео шторкуудыг бүтээж, телевиз, нийгмийн сүлжээгээр түгээх ажилд Эрүүл мэндийн яамтай хамтран ажиллаж байна. Гэр бүл, олон нийт, зорчин явагчдад зориулсан шинэ коронавирусийн халдвараас сэргийлэх тухай зөвлөмж бүхий зурагт болон мэдээллийн хуудсыг боловсруулан хэвлэх ажлыг НҮБ-ын Хүүхдийн Сангаас дэмжсэн. Эдгээрийг эрүүл мэндийн төвүүдээр дамжуулан иргэд олон нийтэд хүргэхээс гадна хилийн боомтоор орж, гарч буй зорчин явагчдад түгээнэ. Зөв, бодитой мэдээлэл, зөвлөмжийг олон нийтэд хүргэх нь нэн чухал. 

-Манай улс хамгаалалтын хувцас хэрэгсэл, амны хаалт дутагдалтай байгаа. Энэ зүйлээр хангахад Хүүхдийн Сан дэмжлэг үзүүлэх үү? 

-НҮБ-ын Хүүхдийн Сан одоогийн байдлаар Баянзүрх дүүрэг болон Баянхонгор аймагт эмнэлгийн халдвар хамгаалал, хяналтыг дэмжиж ажиллаж байна. Үүн дотроо хувийн хамгаалах хувцас хэрэглэл, амьсгалын замын өвчлөлд хэрэглэх эмнэлгийн нэн шаардлагатай тоног төхөөрөмжийн бэлэн байдлыг хангахад дэмжих болно. Цаашдаа энэ чиглэлээр хөрөнгө босгох ажлыг бид мөн хийж байгаа. 

-Коронавирусээс урьдчилан сэргийлэх талаар манай улсын авч хэрэгжүүлж буй арга хэмжээний талаар та юу хэлэх вэ. Учир дутагдалтай зүйл бий юу? 

-Монгол Улсын Засгийн газраас шинэ коронавирусийн тархалтаас урьдчилан сэргийлэх, хүн амыг хамгаалах чиглэлд шуурхай арга хэмжээ авч хэрэгжүүлж байгаад НҮБ-ын Хүүхдийн Сан талархаж байна. Ялангуяа эрүүл мэндийн салбар үүн дээр үр дүнтэй манлайлан ажиллаж байгаа нь сайн хэрэг. Гэвч сургууль, цэцэрлэг хаагдсантай холбогдуулан хүүхдийн аюулгүй байдал, хамгааллын асуудлыг мартаж болохгүй. Мөн одоо төлөвлөсний дагуу ирэх сарын 2-нд хичээл, ороод эхлэхэд цэцэрлэг, сургуулиудын бэлэн байдал нэн чухал. Халдваргүйжүүлэлтээ хэрхэн хийх вэ, хүүхдүүдийг хэрхэн хамгаалах вэ гээд бид одооноос бэлтгэж байх ёстой. Тиймээс НҮБ-ын Хүүхдийн Сан хүүхдийн эрүүл мэнд төдийгүй боловсрол, хамгааллын чиглэлд Засгийн газрыг дэмжин ажиллана.