A

Жижиг

A

Дунд

A

Том
http://zgm.mn/post/4263/

Европын тэрбумтан Аманчио Ортегагийн амжилтын түүх

Европын тэрбумтан Аманчио Ортегагийн амжилтын түүх

A

Жижиг

A

Дунд

A

Том
http://zgm.mn/post/4263/
  • Ядуу амьдралаас дэлхийн хамгийн баян гурван эрхмийн нэг болоход шинийг санаачлагч зан чанар нь нөлөөлжээ
  • Нэртэй бизнесмэн болохын тулд хөдөлмөрлөж, шинийг санаачилдаг байсан нь Ортегаг амжилтад хүрэхэд хамгийн их нөлөөлжээ

Билл Гэйтсийг ардаа орхиж дэлхийн баян эрхмүүдийн нэгээр тодорсон хүн бол Испанийн тэрбумтан Аманчио Ортега Гаона билээ. Тэрбээр ZARA хэмээх загварлаг дэгжин хямд үнэтэй брэндийг үүсгэн байгуулж, бизнесээ амжилтад хүргэсэн ухаалаг бизнесмэн. Ортега сүүлийн жилүүдэд Европын хамгийн баян хүнээр тодорч буй. Түүний хөрөнгө 83.2 тэрбум ам.доллараар хэмжигдэж байна. Түүний үүсгэн байгуулсан Индитекс группийн харьяанд алдарт ZARA­-гаас гадна Pull and Bear, Massimo Dutti, Bers­hka, Stradivarius, Oysho, Zara Home, Uterqüe зэрэг бэлэн хувцас, зүүлт гоёл жижиг эд хэрэглэл, гэр ахуйн барааны найман брэнд багтдаг. Үүнээс хамгийн алдартай, хамгийн том нь ZARA брэнд. Тус брэндийг 1975 онд анх үйлдвэрлэж эхэлсэн бөгөөд Индитексийн тулгын чулуу байсан юм. Өдгөө дэлхийн 94 оронд Индитекс группийн нэрийн бараа ны 7405 дэлгүүр ажилладаг бөгөөд үүний 2400 нь ZARA-гийнх аж. Нийт 162 мянга гаруй хүнийг ажлын байраар хангадаг томоохон групп гэдгээрээ онцлог. Амжилтын эзэн ноён Аманчио Ортега Гаона 1936 оны гуравдугаар сарын 28­-нд Испанийн баруун хойд эргийн Леон хэмээх мужийн Бустонго де Арбос хэмээх бяцхан сууринд төрсөн бөгөөд түүнийг балчир байхад тэднийх зэргэлдээх Ла Коруна хэмээх тосгонд нүүн очсон байна. Ортегагийн эцэг нь төмөр замын жирийн ажилчин, ээж нь айлд үйлчлэгч хийдэг байжээ. Аманчио дээрээ хоёр ах, нэг эгчтэй айлын отгон хүү юм. Түүний бага нас туйлын ядуу өнгөрсөн бөгөөд тэрбээр эцэг эхдээ тус дэм болохын тулд 14-хөн насандаа сургуулиас гарч хувцасны дэлгүүрт туслах ажилтнаар оржээ. Энэ тухайгаа тэрбээр “Нэг удаа би ээжтэйгээ хүнсний дэлгүүрт ортол ээж дэлгүүрийн эзнээс зээлээр идэх юм өгөөч гэж гуйсан. Тэгтэл худалдагч “Сеньёора минь дээ, одоо ахиж танд зээлээр юм өгч чадахгүй, явж үз” хэмээн биднийг хөөхөд би ихэд ичиж билээ. Ингээд сургуулиасаа гарч ажил хийж мөнгө олохоор хатуу шийдсэн” хэмээн өгүүлжээ. Хүү цамц эвхэхээс эхлэн оёх, материал сонгох гээд хувцас үйлдвэрлэх бүхий л шат дамжлагатай танилцан сурав. Энэ хугацаандаа тэрбээр хэн нэгний оёсон хувцсыг зарснаас хэрэглэгчдийн таашаалд нийцсэн хувцсыг өөрөө маш хурдан хийж зарвал мөнгө хийх асар их боломж буйг олж харжээ. Үүнийгээ ажил хэрэг болгохоор банкнаас тухайн үеийн ханшаар 30 ам.дол­лартай тэнцэх песо зээлэн авч анхны эхнэр Розалиятайгаа хамт том өрөөндөө зүйж ширсэн гэрийн халаад оёж, нутгийн дэлгүүрүүдэд нийлүүлж эхэлсэн нь өнөөгийн алдарт ZARA­-гийн үндэс суурь байжээ. Анхны эхнэр Розалия Мера түүнтэй адил ажилчин айлаас гаралтайгаас гадна, мөн л 11 насандаа амьдралын эрхээр сургуулиасаа гарч оёдолчин болжээ. Тиймээс бүсгүй оёж шидэхдээ гаргуудаас гадна хувцас загварын өндөр мэдрэмжтэй сэргэлэн цовоо бүсгүй байж. Розалия дур булаам харагдуулдаг дотуур хувцас хийж эхэлсэн нь тэр үедээ мода болж байв. Тэдний бизнес нэлээд өргөжиж захиалганд дарагдаж, ажилчин нэмж авахад хүрчээ. Ингээд мөнгө цуглуулсны эцэст 1975 онд дэлгүүр нээж Аман­чио, Розалия хоёр өөрсдийн үзэх дуртай киноны гол баатар Зорбагийн нэрээр нэрлэ­жээ. Гэвч тэдний дэлгүүрээс нь холгүй яг ижил нэртэй баар байснаас хэдэн үсгийг нь өөрчилж ZARA болгосон байна.

Тус брэндийн дэлгүүр хэдхэн жилийн дотор дэлхийн хэмжээнд өргөжиж, Европ, Ази, Австрали тивд нээгджээ. Ашиг орлого нэмэгдэхийн хэрээр ноён Ортега бизнесийнхээ хүрээг тэлж, 1991 онд Pull and Bear хэмээх өсвөр насныхан болон залууст зориулсан брэнд, 1999 онд Massimo Dutti, 1999 онд Stradivarius брэндийг тус тус худалдан авчээ. 2001 онд Oysho хэмээх дотуур хувцас, фитнесс бэлтгэлийн хувцасны брэнд, 2003 онд Zara home хэмээх гэр ахуйн барааны брэнд, 2008 онд Uterqüe хэмээх гоёл чимэглэл, савхин хувцас акссесуарын брэнд гаргажээ. Хувцас үйлдвэрлэхэд том компаниуд загвар гаргахаас эхлээд 3­4 сарыг зарцуулдаг бол ZARA-­гийн хувьд 2­3 долоо хоногт л шинэ хувцсаа зах зээлд нийлүүлдгээрээ давуу талтай. Тус компани жилдээ 12 мянган шинэ загвар гаргадаг байна. Ортега сурталчилгаанд мөнгө зарцуулахыг мөнгө үрсэн дэмий хэрэг гэж үздэг нэгэн. Маркетингийн зардлын оронд дэлгүүрийнхээ дотоод засал чимэглэл, ерөнхий дизайнд үнэ хайрладаггүй. Испани тэрбумтан өндөр боловсролтой нэгэн биш учраас бусадтай ихэмсэг харьцдаггүй. Ажилтан бүрийнхээ үгийг сонсож, нээлттэй байдаг учраас амжилтад хүрсэн гэж зарим хүн үздэг байна. Өдгөө 80 настай хэдий ч ямаа, тахиа маллаж, ач, зээ нараа халамжилдаг аж. Түүний хувьдаа авсан хамгийн үнэтэй хөрөнгө нь 45 сая ам.доллараар худалдаж авсан Global Express BD­700 онгоц юм. Ортега анхны эхнэр Розалия Мерагаас 20 жилийн дараа салж, өөрөөсөө 20 орчим насаар дүү амраг Флориятайгаа гэрлэжээ. Анхны эхнэрээсээ хүү охинтой бөгөөд хүү нь тархины гэмтэлтэй төрсөн нь хосын амьдралд хүнд цохилт болсон байна. Анхны эхнэр Розалия Перез нь 2013 онд нас бартлаа Испанийн хамгийн баян эмэгтэй байсан бөгөөд амжилттай бизнес эмэгтэй, мөн л ухаалаг хөрөнгө оруулагч байжээ. ZARA-­г өвлөх эрхмээр хоёр дахь эхнэр Флория Перезээс төрсөн охин нь тодроод байгаа аж. Ортега өөрөө боловсрол эзэмшиж чадаагүйдээ харамсдаг бөгөөд жил бүр 500 оюутныг өөрийн нэрэмжит тэтгэлгээр АНУ, Канадын их дээд сургуулиудад сургадаг байна. Тэрбээр 2017 онд 320 сая ам.долларыг хорт хавдар оношлон эмчлэх 290 ширхэг аппарат авахад зориулан Испанийн эрүүл мэндийн яаманд хандивласан нь түүхэнд байгаагүй том хүмүүнлэгийн тусламж болжээ. Нэртэй бизнесмэн болохын тулд хөдөлмөрлөж, шинийг санаачилдаг байсан нь Ортегаг амжилтад хүрэхэд нь хамгийн их нөлөөлжээ. 

A

Жижиг

A

Дунд

A

Том

SARS-COV-2 вирус “хөнөөлт тэмтрүүл” илрүүлэв

SARS-COV-2 вирус халдварласан эс дотроос “хөнөөлт тэмтрүүл” гаргах замаар бие махбодод хурдтай тархдаг болохыг АНУ-ын Калифорнийн их сургуулийн эрдэмтэд илрүүллээ. Шинэ төрлийн коронавирус нь халдварласан эсийн бүрхүүл дотроос гадагшаа “хөнөөлт” үйлчилгээтэй утас гаргадаг нь “халдварлах процессыг хурдасгадаг бололтой” хэмээн судалгааны ажлыг удирдсан профессор Неван Кроган тайлбарлаж байна. Ихэнх төрлийн вирус ийм “тэмтрүүл” маягийн утас ялгаруулдаггүй. Энэ удаагийн нээлт нь хорт хавдрын эмчилгээнд ашиглаж ирсэн эмийн бүтээгдэхүүнээс алийг нь коронавирустэй тэмцэхэд ашиглаж болохыг тодорхойлоход тус болно хэмээн эрдэмтэд үзэж байна.

A

Жижиг

A

Дунд

A

Том

Сингапур, Малайзын хооронд хил нэвтрэх шинэ журам тогтооно

Сингапур, Малайзын Ерөнхий сайд нар утсаар ярилцаж, хоёр талаас хил нэвтрэх бизнесийн байнгын аяллын шинэ журам боловсруулж, хэрэгжүүлэх талаар тохиролцов. “Харилцан ногоон гэрэл асааж байгаа нь хил дамнасан онц чухал бизнесийн ба албан аяллыг зохицуулах болно” гэж Сингапурын Гадаад хэргийн яам мэдээллээ. Байнгын зорчигч тээврийн үйлчилгээг сэргээснээр урт хугацааны оршин суух зөв шөөрөлтэй иргэд үе үе эх орондоо ирэх боломжийг нээх юм. Энэхүү тохиролцоо дэлхийг хамарсан цар тахлын дараа улсуудын хооронд анх удаа хил нэвтрэх журам хэрэгжүүлж байгаа учир бусад оронд үлгэр жишээ болох ач холбогдолтой. Коронавируст бага өртсөн Шинэ Зеланд ба Австрали улсуудын хооронд мөн төсөөтэй гэрээ байгуулах асуудлыг авч үзэж байна. Сингапур, Малайзын Ерөнхий сайд нар тус тусын албан хүмүүст “Тохиролцооны үйл ажиллагааны нарийн зүйлийг зөвшилцөх даалгавар өгсөн” гэж Гадаад хэргийн яамны мэдээнд дурджээ.

Эх сурвалж: https://www.bloomberg.com/

A

Жижиг

A

Дунд

A

Том

Facebook-ийн зарыг эсэргүүцсэнээс Закерберг $7.2 тэрбумыг алдав

Олон компани нийгмийн сүлжээнээс зараа татсан явдал Facebook-ийг үндэслэгч Марк Закербергийг 7.2 тэрбум ам.доллараар ядуурууллаа. Баасан гарагт эдний хувьцааны үнэ 8.3 хувиар унасан нь сүүлийн гурван сарын хамгийн муу үзүүлэлт юм. Unilever тэргүүтэй дэлхийн зарын томоохон компаниуд нийгмийн сүлжээг эсэргүүцсэний дараа ийм уналт болжээ. Unilever-ийн төлөөлөгч хэлэхдээ тус компани энэ жил Facebook-тэй хамтран ажиллахгүй гэж мэдэгдсэн байна. Ийм зөрчлийн дараа Facebook-ийн зах зээлийн үнэлгээ 56 тэрбум ам.доллараар унасан бол Закербергийн хөрөнгийн хэмжээ доошилж, 82.3 тэрбум болсныг Bloomberg-ийн тэрбумтны индекс мэдээллээ. Энэхүү уналт нийгмийн сүлжээг үндэслэгчийн дэлхийн тэргүүн баячуудын жагсаалт дахь байрыг нэг шатаар бууруулсан байна. Оронд нь байр ахисан Louis Vuitton-ы босс Бернар Арно дэлхийн хамгийн баян гурван хүний жагсаалтад Жефф Безос, Билл Гейтс нарын хамт бичигджээ.

A

Жижиг

A

Дунд

A

Том

Ачилга, уналгын нохдыг хүн төрөлхтөн маш эрт үеэс үржүүлж байжээ

ОХУ-ын эрдэмтэд Сибирийн алслагдмал арлаас олдсон, 9,500 жилийн тэртээ амьдарч байсан нохойн үлдэгдэлд генийн судалгаа хийж үзээд өнөө цагийн Гренландын нохойтой тун төстэй болохыг тогтоолоо. Энэ удаагийн судалгаа нь хүн төрөлхтөн эрдэмтдийн таамагладгаас бүр өмнө буюу 10 мянган жилийн өмнөөс чарганд хөллөх нохой үржүүлж байсныг баталж байна. Марианы хотгор хар тугалгын бохирдолтой SARS-COV-2 вирус “хөнөөлт тэмтрүүл” илрүүлэв. Сибирийн умардын Жохов арлаас олдсон эртний хүмүүсийн суурьшилд малтлага хийж үзэхэд олон тооны нохойн үлдэгдэл, мөн нохой чарганд хөллөхөд ашигладаг байж болзошгүй эд өлгийн зүйлс олдсон юм. Эрдэмтдийн баг Жохов арлаас олдсон нохойн үлдэгдлийг 33 мянган жилийн настай Сибирийн чононы үлдэгдэл, Гренландын чарганы хөллөгөөнд үржүүлдэг орчин цагийн нохойн гентэй харьцуулж судалжээ.