Өчигдөр 3х3 Олон улсын сагсан бөмбөгийн холбооноос 2019 оны “Шилдэг шинэ залуу” тоглогчдыг зарласан бөгөөд тус жагсаалтад манай улсын “Улаанбаатар ММС энержи” багийн тоглогч А.Ананд багтсан юм. Олон улсын холбооны сайтад “Дэлхийн цомын тэмцээнээр төдийлөн амжилт үзүүлж чадаагүй ч Монголын сор болсон энэ тамирчин биднийг гайхшруулж чадсан. U23 насны дэлхийн аварга шалгаруулах тэмцээний үеэр тэр яг л араатан шиг байж, амжилттай тоглосон. Цаашдаа Дэлхийн цомд амжилт үзүүлэх нь түүний хувьд цаг хугацааны л асуудал” хэмээн бичжээ.

• Сугалаа энэ сарын 16-нд болно
• Лампард аваргуу­дын лигийн түүхэнд тоглогч болон дасгалжуулагчийн хувиар хасагдах шатанд өрсөлдөх эрхтэй болсон анхны англи хүн болов

Буурал тивийн хамгийн нэр хүндтэй тэмцээн болох аваргуудын лигийн зургадугаар тойргийн тоглолт болсноор Плей оффт өрсөлдөх 16 багийн 14 нь тодорлоо. Одоогоор хасагдах шатанд “Бавари”, “Барселона”, “Борусси Дортмунд”, “Валенси”, “Лейпциг”, “Ливерпүүл”, “Лион”, “Манчестер Сити”, “Наполи”, “ПСЖ”, “Реал Мадрид”, “Тоттенхэм”, “Челси”, “Ювентус” багууд шөвгөрөөд байна. Харин үлдсэн хоёр баг урд шөнийн тоглолтоос тодрох учиртай байлаа. Өнгөрсөн жил гайхалтай амжилт үзүүлэн хагас шигшээд шалгарсан Нидерландын нэр төр, авьяаслаг залуучуудын ундарга болсон “Аякс” талбайдаа Испанийн “Валенси”-г хожиж чадсангүй. Ингэснээр тэдний аваргуудын лигийн аялал эрт дуусч байна. Харин Английн угсаатнууд болох “Челси” гүүрэн дээрээ Францын “Лилл”-г 2:1-ээр буулган авснаар шөвгөрлөө. Ингэснээр Фрэнк Лампард аваргуудын лигийн түүхэнд тоглогч болон дасгалжуулагчийн хувиар хасагдах шатанд өрсөлдөх эрхтэй болсон анхны англи хүн болов. “Челси” клуб “H” хэсгийн хоёрдугаар байраар гарсан тул дүрэм ёсоор бусад хэсгийг тэргүүлсэн багтай сугалаагаар таарна. Ингэхдээ өөрийн хэсгийн тэргүүн баг болох “Валенси”, мөн нэг улсын лигт тоглодог “Ливерпүүл”, “Манчестер Сити”-тэй энэ шатанд таарч тоглохгүй. Үүнээс харахад Испанийн “Барселона”, Германы “Бавари Мюнхен”, Италийн “Ювентус”, Германы “Лейпциг”, Францын “ПСЖ” гэсэн таван багаас аль нэгтэй нь таарна. Харин энэ үед Италийн Милан хотын Сан-Сиро цэнгэлдэхэд “Интер” клуб “Барселона”-г хүлээн авч, энэ жил 17 настай Ансу Фатигийн хийсэн гоолоор хожигдлоо. Ансу Фати тус тоглолтод гоол оруулснаар аваргуудын лигийн түүхэнд хамгийн залуудаа буюу 17 нас 40 хоногтойдоо гоолдсон тоглогч болсон юм. Топ түвшний клубээс Италийн “Интер”, Нидерландын “Аякс”-ын хамт тэмцээнээ дуусгаж байна. Тэгвэл Оросын “Зенит” Португалд заавал хожих даалгавартай зочлон очсон ч биелүүлж чадалгүй Санкт-Петербург руу буцлаа. Энэ боломжийг нь Францын “Лион” ашиглан талбайдаа Германы “Лейпциг”-тай тэнцсэнээр шөвгийн 16-д үлдэж байна. Аваргуудын лигийн эхний дөрвөн хэсгийн тоглолтыг үр дүнг танилцуулъя. Наполи 4:0 Генк Зальцбург 0:2 Ливерпүүл Аякс 0:1 Валенси Бенфика 3:0 Зенит Б.Дортмунд 2:1 Прага Челси 2:1 Лилль Интер 1:2 Барселона Лион 2:2 Лейпциг А, В, С, D хэсгийн тоглолтууд урд шөнө болсон бөгөөд эндээс С, D хэсгийн хоёрдугаар байраар шалгарах баг тодрох ёстой байв. Ирэх даваа гарагт буюу энэ сарын 16-нд Швейцарын Ньон хотноо 2019-2020 оны аваргуудын лигийн шилдэг 16 багийн хасагдах шатны сугалаатай. Харин эхний тоглолт 2020 оны хоёрдугаар сарын 18, 19, 25, 26-нд хэсгээсээ хоёрдугаар байраар шалгарсан багуудын талбайд болно. Тэгвэл хариу тоглолт гуравдугаар сарын 10, 11, 17,18-нд болсноор шөвгийн наймд үлдэх багийн нэр тодрох учиртай.

Хүмүүс туялзуур сэлэмний спортоор хичээллэх гэж байгаа бол хүүхэд байхаасаа л эхлэх хэрэгтэй гэж боддог. Тийм биш юм. Яг үнэндээ туялзуур сэлмээр хичээллэж эхлэхэд хамгийн тохиромжтой үе бол 30­-40 нас. Гэхдээ мэдээж олимпын аварга болох зорилгоор биш. Хэрвээ тив, дэлхий, олимпод нэрээ дуурсгасан алдартай тамирчин болохыг хүсвэл таван настайгаасаа эхлэн хичээллэх нь хамгийн тохиромжтой.

ТУЯЛЗУУР СЭЛМЭЭР ХИЧЭЭЛЛЭСНЭЭР...

● Ялж, бас ялагдаж сурна. Ялагдлаас их зүйл сурч, ялалтаас баяр баяслыг мэдэрч өөртөө итгэх итгэл нэмэгддэг. 

● Туялзуур сэлэм бол анхны олимпоос өнөөг хүртэл хөтөлбөрөөс хасагдаагүй яваа дөрөвхөн төрлийн нэг.

● Манай улсад долоогоос дээш насны охид, хөвгүүд туялзуур сэлмээр хичээллэж эхэлж байна. Гэхдээ хүүхдийг таван наснаас нь эхэлж хичээллүүлж болдог.

● Тархины цусан хангамжийг сайжруулж, анхаарлаа төвлөрүүлэх чадварыг нэмэгдүүлдэг.

● Тэдний хувийн сахилга бат өндөр төлөвшиж, олон нийттэй харилцах хандлага эрс сайжирна.

● Хурдан хугацаанд оновчтой шийдвэр гаргах, түргэн сэтгэн бодож, дүгнэлт гаргах чадвартай болно.

● Гэрийн даалгавар болон ажил хөдөлмөрт сайн зуршил бий болгоход тусалдаг.

● Хурд хүч, орон зай, богино хугацаанд хариу үйлдэл үзүүлэх чадвар, цагтай ажиллах мэдрэмж зэргийг хэрхэн нэгтгэж ажиллах хийсвэр сэтгэлгээг хөгжүүлэхэд эерэг нөлөө үзүүлдэг. Тиймээс туялзуур сэлэмний спортыг биеийн хүчний шатар хэмээн нэрлэдэг.

ИДЭВХТЭЙ ДАСГАЛ ХӨДӨЛГӨӨН

Туялзуур сэлэмний жирийн бэлтгэл хийхэд нэг цагт 420­-700 ккал шатаадаг байна. 

ТУЯЛЗУУР СЭЛЭМ АЮУЛГҮЙ СПОРТ

Тулааны спортын төрлүүдээс хамгийн аюулгүй нь туялзуур сэлэм. Тулааны явцад бэртэл авах магадлал ердөө 20 хувь. Уг спортын хувцсыг таныг хамгаалахын тулд зохион бүтээсэн билээ. Маск, цамц, бээлий, өмд, урт оймс, пүүз зэрэг таныг бэртлээс хамгаална. 

ХҮЧИРХЭГ ЗҮРХ

Туялзуур сэлэмний идэвхтэй дасгал хөдөлгөөн нь глюкозын түвшинг нэмэгдүүлж, цусны даралт бууруулж, зүрхний цусан хангамжийг сайжруулдаг юм.

ААШ ЗАНД ҮЗҮҮЛЭХ НӨЛӨӨЛ

Бие махбодийн болон сэтгэл зүйн хүнд байдлыг даван туулах арга замыг сайжруулаж, өөрийгөө хянах чадварыг нэмэгдүүлж, уур уцаа­рыг удирдах, түүнийг зөвөөр даван туулах чадварыг суулгадаг. Энэ нь стресс болон сэтгэлийн дарамтыг багасгахад ихээхэн хувь нэмэртэй байдаг аж. 

ЭНЭ ТИЙМ ЧҮНЭТЭЙ БИШ ЮМ

Хувцас хэрэглэлийн хувьд таны өдөр тутмын ажил хэрэг, эсвэл арга хэмжээнд оролцдог хувцаснаас бага зардалтай. Та нэг удаа иж бүрэн хувцсаа авсан байхад удаан хугацаанд солих шаардлагагүй. Бэлтгэл болон дотоодын тэмцээнд ашиглах хувцас хэрэглэл цөм нийлээд 500 мянган төгрөгт багтана. Харин мэргэжлийн тамирчдын олон улсын стандартын иж бүрэн хувцас хэрэгсэл, сэлэм зэрэг бүгд багтаад 1500­-2000 ам.доллар болдог. Нэг авсан хувцсаа багадаа 3­4 жил хэрэглэх боломжтой. 

БАГААР АЖИЛЛАХ ЧАДВАР 

Ганцаарчилсан болон багийн тулаан хийдэг учир багаар ажиллах чадварт суралцуулна.

ТА ХАРААХАНХӨГШРӨӨГҮЙ БАЙНА

Та хэдэн ч настай байж болно. Тэгвэл туялзуур сэлмээр хичээллэж залуу байгаагаа мэдэр. Хөгширч биш хөшиж үхдэг гэдэг шүү дээ. Өнөөдөр Монголд туялзуур сэлмээр хичээллэж буй хамгийн ахмад тамирчин 48 настай. Тэгэхээр танд ч боломж бий. 

ЗУГААТАЙ БАЙДЛААРЭРҮҮЛ БАЙХ АРГА

Гүйлтийн зам дээр гүйх эрүүл мэндээ хамгаалах хамгийн үр дүнтэй аргуудын нэг л дээ. Гэхдээ бидний ихэнхид жаахан уйтгартай санагддаг. Зугаатай байдлаар эрүүл мэндээ хамгаалах өөр нэг арга хэрэгтэй. Туялзуур сэлэмний клуб бол яг тохирсон сонголт. Та туялзуур сэлэмний клубээс “мөлхөөд” л гарна. Гэхдээ их зугаатай байна. Энэ спортын хамгийн сайхан нь өдөр ирэх тусам улам хүчтэй болж байгаагаа мэдэрч, сэлэмний урлагийг улам илүү эзэмшиж байгаагаа мэддэгт оршиж байна. 

ШИНЭ ЧАДВАРУУД СУРНА

Өмнө өөрт байгааг мэддэггүй байсан чадваруудаа сэлмээр дамжуулж олж авна гэдэг гоё биш гэж үү. Та өмнө нь сонсож ч байгаагүй үг, хөдөлгөөн, сэлэмний урлагийг сурах болно. Насанд хүрсэн хойноо сэлэмний урлагийг эзэмшихийн нэг давуу тал нь та шинэ юм сурч байгаадаа маш мэдрэмтгий байж, түүнээсээ таашаал авдаг юм.

ТАРХИНЫ ЭРҮҮЛМЭНДЭД ТУСТАЙ

Тархины ямар нэгэн өвчнөөс урьдчилан сэргийлэх хамгийн үр дүнтэй арга нь тархиа байнгын ажиллагаатай байлгах гэж үздэг. Дунд насныхан ихэнх цагаа нүд, гараа хөдөлгөхөд л зарцуулаад байх шиг. Харин туялзуур сэлэм нь биеийнхээ хөдөлгөөн бүрийг бүх тархиараа удирддаг юм. Тархи судлалын олон улсын сэтгүүлд гарсан нийтлэлд туялзуур сэлэмний нөлөө нь тав хоногийн дараагаас л гарч эхэлснийг онцолжээ. Биеийн хүчний шинэ эрдэм сурангаа тархиа эрүүлжүүлээд байна гэдэг нь гайхамшигтай.

ХҮНДЛЭЛ, НАЙРСАГ ХАРИЛЦАА

Энэ бол туялзуур сэлэмний хамгийн сайхан нь. Туялзуур сэлэм нь хүмүүсийг хооронд нь холбодог том зүйл. Бусад спортыг бодвол туялзуур сэлэм нь нас, хүйс, ур чадвараар нь зааглахгүйгээр холбох боломжтой. “Шинэков”-­ууд ихэвчлэн туршлагатай, ахмад сэлэмчдээс суралцаж, тэднийг үзэж, харилцан нөхөрлөж чаддаг. Мөн тэмцээний үеэр ч сайхан нөхөрлөлүүд бий болдог.

БИЕИЙН ХҮЧНИЙ ДАСГАЛ

Энэ бол биеийн хүчний спорт. Фитнесс. Хөлбөмбөг, гар бөмбөг шиг л таныг хөдөлгөж чадах тийм спорт. Харин бусад спортоос ялгаатай нь биеийн бүх хэсгээ хянаж тэмцэлддэг. Хэрэв та сэлэм бариад өрсөлдөгчтэйгөө тулалдаж л байгаа бол биеийн бүх хэсгийг хяналтдаа байлгаж байх ёстой. Хөдөлгөөн бүрээ хянаж, нямбай гүйцэтгэх шаардлагатай. Энэ нь биеийн олон хэсгийг хөгжүүлдэг ба овсгоог нэмэгдүүлдэг. Тулалдаж байгаа тамирчин хооронд биеэрээ хүрэлцдэггүй тул жингийн ялгаа байхгүй, гэмтэл хамгийн багатай спортуудын нэг зүй ёсоор ордог. 

ТАНСАГ

Туялзуур сэлэм бол тан­саг спорт. Кино­нуудад гардаг сэ­лэм ний тулаануудыг бод. Цаанаа л нэг ихэмсэг Одоо танай хүүхэд хамгийн аюул­гүй замаар, дээр дурдсан өгөөжүүдийг хүртээд тулалдах нь. Бүх спорт гоё. Гартаа бөмбөг барьж болно, өрсөлдөгчтэйгээ ба рилдаж болно. Гэхдээ гартаа сэлэм бариад зогсох бол тансаг. Энэ төрлийг язгууртны спорт гэсэн нь ч учиртай. Хүүхдүүд тань найзууддаа гайхуулж ярих болно. Найзууд нь дагана, сэлэм нөхөрлөлийг бий болгоно. Дашрамд дурдахад хүүхэд дунд сургуулиа төгсөөд гадаад орны аль нэг сургуульд орох өргөдлөө бичихэд туялзуур сэлмээр хичээллэж байсан түүх нь том давуу тал болдог юм