A

Жижиг

A

Дунд

A

Том
http://zgm.mn/post/1799/

Нүүрсний экспорт базаахгүй эхэллээ

Нүүрс ачсан автомашины тоо өмнөх оныхоос 20-30 хувиар бага байна

 0 сэтгэгдэл

A

Жижиг

A

Дунд

A

Том
http://zgm.mn/post/1799/


Монголын нүүрс экспортлогчдын хоног тоолон хүлээсэн импортын хоригийн хугацаа дууслаа. Сүүлийн хоёр жил биднийг орлогоор таслаагүй нүүрсний борлуулалт оны өмнөхөн гэнэт зогсож, доллараар цангах дохио 2018 онд хангинаж эхэлсэн. Харин хуучин хоригоос салгах шинэ он айлчлан ирснээр Монгол Улс худалдааны хязгаарлалтаас мултарч, нүүрсний экспортоо хэвийн үргэлжлүүлэх боломж бүрдсэн юм. Тэгвэл бүтэн сар хаалттай байсан урд хөршийн үүд нээгдэж, Монголын нүүрсний экспорт хүлээснээс суларсан эсэхийг бид тодрууллаа.

Энэ долоо хоногийн мягмар гараг буюу өчигдрийн байдлаар Гашуунсухайт-Ганцмод боомтоор нүүрс ачсан 400 орчим автомашин нэвтэрчээ. Тус боомтоор нэвтэрсэн ачааны автомашины тоо сүүлийн гурван өдөр 350-450-д хэлбэлзэж буй бол оны эхний өдрүүд буюу нэгдүгээр сарын 2-5-нд ердөө 3-150 тээврийн хэрэгсэл хил гарчээ. Нүүрс тээвэрлэгч компаниудад “C” ангиллын зөвшөөрөл олгоогүйгээс оны эхний өдрүүдэд ийн саатсан гэж “Гашуунсухайт автозам” компаниас мэдээллээ.

Харин энэ долоо хоног эхлэхэд автомашинууд тээвэрлэлтээ хэвийн явуулж байгаа аж. Боомтоор нэвтэрч буй автомашины тоо өмнөх оны мөн үеэс 20-30 хувиар бага байна. Тиймээс тээврийн замд ачаалал дараалал харьцангуй бага байгаа аж.

Тавантолгойн бүлэг ордоос нүүрс экспортолж буй “Эрдэнэс тавантолгой”, орон нутгийн өмчит “Тавантолгой” болон “Энержи Ресурс” компанийн олборлолт хэвийн үргэлжилж байгаа. Гол гурван компани өдөрт дунджаар 700-800 автомашин нүүрс олборлож буй аж. Үүний дийлэнхийг “Эрдэнэс тавантолгой” компани бүрдүүлж байна.

Монгол Улс энэ онд төсвийн орлогынхоо арван төгрөг тутмын нэгийг нүүрснээс олохоор төлөвлөсөн. Тиймээс Хятадын хилээр нэвтэрч буй тонн нүүрс бүр Монголын нийгэм, эдийн засгийн энэ оны хөгжлийг тодорхойлоход түлхэц үзүүлнэ. Монгол Улс энэ онд 42 сая тонн нүүрс экспортолж, 1.3 их наяд төгрөг олохоор төсөвт тусгасан. Эрдсийн экспортын 43 хувьтай тэнцэх энэ мөнгийг олохын тулд бид сард хамгийн багадаа 3.5 сая тонн нүүрс экспортлох учиртай. Ингэж байж төсвийн орлого бүрдэж, төрийн албан хаагчдын цалингаас эхлээд хөгшдийн тэтгэвэр, хүүхдийн мөнгийг тогтмол тавина. Манай нүүрсний нийт экспортын 60 орчим хувийг гаргадаг Гашуунсухайт-Ганцмод боомтоор өдөрт дунджаар 1500-1600 автомашин нэвтрүүлж байж, бид энэ оны өөдрөг зорилтоо биелүүлж чадна. Гэвч оны эхний есөн өдрийн байдлаар үүний гуравны нэгтэй тэнцэх хэмжээний нүүрсийг урд хөршид нийлүүлж байна. Товчхондоо, бид 2019 оныг базаахгүй эхэлж байна. Тиймээс нүүрснээс нэг их наядыг амархан олчихно хэмээн санаа амарч суугаа сангийн бодлого тодорхойлогчид ч сайнгүй эхлэлээс сэрэмж авахад илүүдэхгүй болж байна.

Дээрээс нь ирэх өдрүүдэд хоёр улсын уламжлалт баярууд залгана. Хятадын хаврын баяр, Монголын сар шинийн баяр ирэх сарын 5-нд зэрэгцэн тохиохоор байна. Үүнээс үүдэн урд хөрш хоёрдугаар сарын 4-10- ыг албан ёсны амралтын өдөр болгожээ. Өмнөх онуудын нэг болон хоёрдугаар сард нүүрсний нийлүүлэлт харьцангуй буурдаг нийтлэг дүр зураг ажиглагдаж ирсэн. Харин энэ онд нийтлэг үзүүлэлтээс илүү багасчээ.

• Энэ долоо хоногийн мягмар гарагийн байдлаар Гашуунсухайт-Ганцмод боомтоор нүүрс ачсан 400 орчим автомашин нэвтэрчээ. 

• Оны эхний өдрүүд буюу нэгдүгээр сарын 2-5-нд ердөө 3-150 тээврийн хэрэгсэл хил гарчээ. 

• Манай нүүрсний нийт экспортын 60 орчим хувийг гаргадаг Гашуунсухайт-Ганцмод боомтоор өдөрт дунджаар 1500-1600 автомашин нэвтрүүлж байж, бид энэ оны өөдрөг зорилтоо биелүүлж чадна.

Харин нүүрсний экспортын 30 хувийг нийлүүлдэг Шивээхүрэн-Сэхэ боомтоор өдөрт дунджаар 650-750 машин нүүрс гарч байгаа аж.

Тус боомтоор Нарийнсухайтын бүлэг ордод олборлолт хийдэг Southgobi Sands, МАК, “Өсөх зоос”, “Шинхуа-МАК” зэрэг компани нүүрсээ экспортолж байна.

Ер нь урд хөршийн томоохон хотуудад агаарын бохирдол бууртал буюу ирэх сар хүртэл БНХАУ дулааны нүүрсэнд нүүр өгөхгүй хэвээр байх нь. Харин үүнд нь коксжих нүүрс экспортлогчид хэлмэгдэж магадгүй байна.

A

Жижиг

A

Дунд

A

Том

Инфляц гацаатай үед төв банк түр завсарлана

 0 сэтгэгдэл

A

Жижиг

A

Дунд

A

Том

Австрали цагаачдын тоогоо цөөлөх бодлого баримтална

 0 сэтгэгдэл

A

Жижиг

A

Дунд

A

Том

Эдүгээгийн бодлогодоо ирээдүйг багтаахыг зөвлөв

Зөвхөн улс орон гэлтгүй хувь хүн, айл өрх, бизнесийн байгууллага алсыг харах нь чухал

 0 сэтгэгдэл


Автомат жолоодлоготой машины туршилтыг АНУ-ын Калифорни, Мичиган зэрэг мужид хийхээс өмнө буюу 2014 онд Сингапур улс энэ “ухаант” хүлгийг хэрхэн зохицуулахаа хэлэлцэж байжээ. Хэдхэн жилийн өмнө төсөөлөл төдий байсан жолоочгүй автомашины туршилтууд ар араасаа амжилттай болж эхэлснээр 2017 онд Сингапур замын зарим дүрмээ шинэчилж эхэлсэн аж. Гэтэл автомат жолоодлоготой машин дэлхийн тээврийн хэрэгслийн ирээдүй болох нь хэдийн тодорхой болж, томоохон компаниуд энэ үйлдвэрлэл рүү хошуурч эхлээд байхад дэлхийн дийлэнх улсад энэ өөрчлөлт үл таних, шинэ зүйл хэвээр байна.

Айсуй өөрчлөлтийн салхийг соргогоор мэдэрч, урьдаар бэлтгэж эхэлсэн Сингапурын энэ жишээг ирээдүйд чиглэсэн сэтгэлгээ, алсын хараа хэмээн дэлхий нийт үзэж байна. урагшлах бүртээ ирээдүйг тооцож алхах нь аливаа улс орны дэвжин дээшлэх, хүртээмжтэй өсөлтийг бий болгох нэг хөшүүрэг болчихоод байгааг азийн хөгжлийн банкны шинжээчид хэлж байгаа юм. Эдүгээ иргэдэд ээлтэй өсөлтөөрөө дэлхий нийтэд гайхагдаж буй Финланд, Сингапур, Австрали улсын хөгжлийн нэг хөзөр нь яах аргагүй алсын хараа, ирээдүйд чиглэсэн бодлого байсныг тэд онцолж байгаа юм.

Тухайлбал, дэлхийн хамгийн аз жаргалтай улсаар тодорсон Финланд улсын парламентад ирээдүйн асуудал эрхэлсэн байнгын хороо ажилладаг байна.  Тус улсын парламент нийгэм, эдийн засаг, экологийн аливаа асуудлыг хэлэлцэхдээ заавал 13 гишүүнтэй ирээдүйн асуудал эрхэлсэн байнгын хорооноос санал авдаг. Финланд улсад хууль тогтоох байгууллагын түвшинд алсын хараатай бодлого боловсруулахад анхаардаг бол Сингапурт үүнийг Засгийн газар хэрэгжүүлдэг байна.

Зөвхөн улс орон гэлтгүй хувь хүн, айл өрх, бизнесийн байгууллага алсыг харах нь чухал. Тухайлбал, дэлхийн хүнсний салбарын томоохон тоглогчдын нэг Coca Cola одоогоос 15-20 жилийн өмнө эрүүл мэндэд ээлтэй бүтээгдэхүүний үйлдвэрлэлээ эрчимжүүлж эхэлжээ. Хийжүүлсэн ундаа дэлхий нийтийг байлдан дагуулж байсан 1990 оны сүүлчээр тус компани амжилтдаа ташууралгүй, ирээдүйн хэрэглэгчдийн хүсэл сонирхлыг судалж байсан. Улмаар хэтдээ хэрэглэгчид элсэн чихэр их хэмжээгээр агуулсан хүнснээс татгалзана гэдгийг эртнээс таамаглаж байсан тул шинэ төрлийн бүтээгдэхүүний хөгжүүлэлтэд анхаарч эхэлсэн. Улмаар элсэн чихэр агуулаагүй Coca Cola Zero ундааг 2005 онд зах зээлд танилцуулж байжээ.

• Финландын парламент Ирээдүйн асуудал эрхэлсэн байнгын хороотой.

• Ирээдүйгээ ийн төлөвлөснийхөө ачаар Coca Cola компани өнөөг хүртэл дэлхийн хамгийн шилдэг 100 компанийн тоонд багтаж, 200 гаруй оронд бүтээгдэхүүнээ борлуулж байна.

• Урагшлах бүртээ ирээдүйг бодолцон алхах нь аливаа улс орны дэвжин дээшлэх, хүртээмжтэй өсөлтийг бий болгох нэг хөшүүрэг болдог.

Ирээдүйгээ ийн төлөвлөснийхөө ачаар тус компани өнөөг хүртэл дэлхийн хамгийн шилдэг 100 компанийн тоонд багтаж, 200 гаруй оронд бүтээгдэхүүнээ борлуулж байна.

Өөрчлөлт, хувьслыг эртнээс илрүүлж, бодлого төлөвлөлтөө бодит байдлаас түрүүлж боловсруулах нь тогтвортой, хүртээмжтэй өсөлт, өгөөж дагуулдаг аж. Тэгвэл Монгол Улсад ирээдүйг угтсан бодлого төлөвлөлт бий юу. Алс хэтийг харах нь байтугай улсыг жолоодох бодлого сонгуулийн мөчлөгийн цаг хугацааны хайчинд орж, улс орны хөгжил ирээдүй рүү бус хөмөрсөн тогоон дотор эргэсээр.

Мянганы хөгжлийн зорилтод суурилсан Үндэсний хөгжлийн цогц бодлого гэж урт бөгөөд сүржин нэртэй баримт бичиг бий. Үүнийг баталснаас хойш даруй долоон жил улирсан ч стратегийн 105 зорилтын ердөө ганц хувь, 436 дэд зорилтын 4.1 хувь нь л биелсэн хэмээн албаныхан мэдээлж байв.

“Маргаашийн өөхнөөс өнөөдрийн уушги” гэдэгчлэн эдүгээгийн бодлогодоо ирээдүйг хавчуулж, багтааж байх нь эрчтэй хөгжиж буй орнуудад чухал болохыг Азийн хөгжлийн банкны шинжээчид уламжилж байна. Төрийнхөө туг болохуйц бодлогыг тунхаглаж, түүндээ хүрэхийн төлөө иргэн бүр өдөр тутам зүтгэж, тэмүүлснээр тогтвортой өсөлтийг бий болгодог хэмээн тайванийн тамкангийн их сургуулийн ирээдүйн бодлогын судалгааны төвийн захирал Сун Мэй Мэй хэлсэн юм.

A

Жижиг

A

Дунд

A

Том

АНУ-ын фермерүүд Хятадад ургацаа худалдахыг хүсчээ

 0 сэтгэгдэл