A

Жижиг

A

Дунд

A

Том
http://zgm.mn/post/3014/

“СОД МОНГОЛ ГРУПП” ХХК-ИЙН ОЙН БАЯРЫН НААДАМ ӨРГӨН ДЭЛГЭР БОЛЛОО

“СОД МОНГОЛ ГРУПП” ХХК-ИЙН ОЙН БАЯРЫН НААДАМ ӨРГӨН ДЭЛГЭР БОЛЛОО
 0 сэтгэгдэл

A

Жижиг

A

Дунд

A

Том
http://zgm.mn/post/3014/


Улс эх орныхоо эдийн засгийн хөгжилд 20 жилийн туршид тасралтгүй , үнэтэй хувь нэмэр оруулж ирсэн “Сод Монгол Групп” компанийн тэгш ойн баяр энэ сарын 3-ны өдөр Хүй долоон худагт болж, 50 мянга орчим наадамчин олон хуран цугласан байна. “Сод Монгол Групп” ХХК-ийн эрийн гурван наадамд улс аймгийн цолтой 128 бөх зодоглож, Ховд аймгийн Зэрэг сумын харъяат "Алдар" спорт хорооны, Зэвсэгт хүчний 034 дүгээр анги, “Ховд” бөхийн дэвжээ, "Булган өгөөж" ХХК-ийн бөх Улсын харцага Баярхүүгийн Бат-Өлзий түрүүлж наадамчин олноо баясгав. Мөн их нас, дааганы уралдааныг амжилттай зохион байгуулж, Архангай аймгийн Хашаат сумын харьяат, улсын аварга Ч.Санжаадамбын хоёр хүлэг айрагдав. Нэг насанд хоёр хүлгээ айрагдуулна гэдэг хүссэн хэн бүхний гаргах амжилт биш. Баяр наадмын төгсгөлд “Сод Монгол Групп” ХХК супер азтануудаа шалгаруулж, “Приус-30” маркын автомашин бэлэглэж наадамчин олны талархлыг хүлээсэн юм.

“Сод Монгол Групп” ХХК нь 1999 онд бизнесийн үндсэн чиглэл болох газрын тосны бүтээгдэхүүний худалдаа чиглэлээр үүсгэн байгууллагдсан бөгөөд өдгөө худалдаа, газрын тосны бүтээгдэхүүний барилга байгууламж, энтертайнмент бизнес, аялал жуулчлал, авто зам, газар тариалан, IT технологи, уул уурхай, дизайн зэрэг салбаруудад үйл ажиллагаа явуулдаг нэр хүндтэй томоохон групп компани болтлоо өргөжин хөгжиж чадлаа.

“Сод Монгол Групп” нь бизнесийн чиглэл бүрт чанар стандартыг баримтлан, тэргүүний зорилгоо болгож ирсэн билээ. Үүний нэг тод жишээ бол бид монголын сая сая хэрэглэгчиддээ газрын то сны бүт ээгд эхүүний чанараар дэлхийд тэргүүлдэг ОХУ-ын хамгийн чанартай газрын тосны бүтээгдэхүүн, шатахууныг түгээсээр ирсэн юм. Бид 20 жилийн өмнөх чанарыг өнөөдөр ч хэрэглэгчдэдээ түгээж байгаагаараа бахархдаг.


Иймдээ “Сод Монгол Групп”- ийн түгээдэг газрын тосны бүтээгдэхүүн, шатахууныг тогтмол хэрэглэгчдийн тоо 1.5 сая хол давсан байна. Бид ОХУ-ын газрын тосны бүтээгдэхүүний үйлдвэрлэл, худалдааны тэргүүлэгч аж ахуй нэгжүүд болох Роснефть НХН, Газпром, ТНК-ВП, Урал-Ойл зэрэг компаниудтай хамтран ажиллаж, чанарын шаардлагад нийцсэн бүх төрлийн автобензин А-80, АИ-92, АИ-95, супер АИ-98, агаарын хөлгийн ТС-1 шатахуун, дизелийн түлш /өвөл, зун/, галлагааны зориулалттай М-100 мазут болон битум БНД-90/130 зэрэг нефтийн бүтээгдэхүүнийг импортлон дотоодын зах зээлийн 15 хувийг дангаараа хангаж, энэ салбартаа тэргүүлэгч топ гурван аж ахуйн нэг болоод байна.

Манай компани нь нийгэм эдийн засгийн томоохон бүс нутаг болох Улаанбаатар хот болон Дархан-Уул, Эрдэнэт, Өмнөговь, Дорноговь, Сэлэнгэ, Дорнод, Хөвсгөл, Говьсүмбэр, Хэнтий, Өвөрхангай, Төв аймагт 100 гаруй шатахуун түгээх станц, дөрвөн газрын тосны бүтээгдэхүүний агуулах, нефть хангамжийн баазтай ба нийт ажиллагсдын 80 хувийг нефтийн мэргэжлийн их дээд сургууль, коллежийг төгссөн чадварлаг боловсон хүчин бүрдүүлэн ажиллаж байна.

20 жилийн туршид зогсолтгүй хөдөлмөрлөж урагшилж, чанарыг дээдлэн, техник технологийн  дэвшлийг тогтмол нэвтрүүлж ирлээ. Бидний амжилтын үндэс нь бидэнтэй 20 жилийн турш хамтдаа байсан хэрэглэгчид билээ.


• “Сод Монгол Групп”-ийн түгээдэг газрын тосны бүтээгдэхүүн, шатахууныг тогтмол хэрэглэгчдийн тоо 1.5 сая хол давсан байна.
• “Сод Монгол групп” өнөөдөр Монгол Улсын газрын тосны бүтээгдэхүүний хэрэгцээний 20 хувийг нийлүүлж, улсын төсөвт дангаараа 10 гаруй тэрбум төгрөгийн татвар төвлөрүүлж буй юм. 

• Монгол Улсын төсвийн орлого болоод эдийн засгийн өсөлтөд компаниудын үзүүлэх нөлөөг илэрхийлэх энэ индикаторт “Сод Монгол групп” сүүлийн долоон жил дараалан шалгарсан юм.

Бизнесийг зөвхөн мөнгөний төлөөх хөлс хөдөлмөр бус, харин сайн сайхныг бүтээж, бусдад түүнийгээ түгээж, нийгмийн оюун санаанд эерэг нөлөө үзүүлэх хэрэгсэл хэмээн үздэг “Сод Монгол Групп”-ийн бас нэгэн эрхэм зорилго юм. Энэхүү зорилгоо бодит байдал болгон хэрэгжүүлж, “Өргөө” кино театрын төслийг 10 гаруй жилийн өмнөөс эхлүүлсэн. Энэ нь “Сод Монгол групп”-ийн монголчуудын соёл, боловсрол, оюун санаанд хийсэн бодит хөрөнгө оруулалтын нэг билээ.

Нээлтийн товоо зарласнаас хойш Монголын нийгмийг шуугиулж, өдгөө бодит мэт уудам орчинг мэдрүүлж, төсөөлөл, уран зөгнөл, үлгэр домгийн ертөнцөөр аялуулсаар байгаа “Өргөө IMAX” кино театр үүний тод нотолгоо болох биз ээ. Мөн дэлхийн цөөхөн оронд нээгдээд буй хамгийн сүүлийн дэвшилтэт технологи лазер синемаг нээснээр “Сод Монгол групп” нь хэрэглэгчдэд оюуны хөрөнгө оруулалт хийгээд зогсохгүй техникийн дэвшилтэй хөл нийлүүлэн алхаж буйн бодит илрэл юм.

Хийсэн бүтээснээ хэвлэлээр сурталчлахаас илүүтэй хүмүүст түүнээ мэдрүүлэхийг эрмэлздэг “Сод Монгол Групп” нь бизнесээ өргөжүүлэхийн зэрэгцээ эх орны хөгжилд бодит хувь нэмэр оруулж буй үндэсний томоохон группын нэг мөн.

Эдийн засгийн хүндрэлийн үед Монгол Улсын шилдэг татвар төлөгчийн эрэмбэд аж ахуйн нэгжүүд “суудал” сэлгэсээр байдаг. Монгол Улсын төсвийн орлого болоод эдийн засгийн өсөлтөд компаниудын үзүүлэх нөлөөг илэрхийлэх энэ индикаторт “Сод Монгол групп” сүүлийн долоон жил дараалан шалгарсан юм. Өнгөрсөн жилийн дүнгээр л гэхэд наймдугаар байрт эрэмбэлэгджээ. Татварын ерөнхий газраас Шилдэг татвар төлөгч 100 аж ахуйн нэгжийг удахгүй шинэчлэн тодорхойлох ба энэхүү үзүүлэлтээр “Сод Монгол групп” улам бүр ахисан дүн харуулж байна.

Монгол Улсдаа хамгийн өндөр хүчин чадалтайд тооцогдох “Сод Монгол групп” өнөөдөр Монгол Улсын газрын тосны бүтээгдэхүүний хэрэгцээний 20 хувийг нийлүүлж, улсын төсөвт дангаараа 10 гаруй тэрбум төгрөгийн татвар төвлөрүүлж буй юм. Засгийн газар, МҮХАҮТ-аас хамтран жил бүр шалгаруулдаг Топ100 аж ахуйн нэгжийн эрэмбэ Монголын компаниудын дунд бас нэгэн өрсөлдөөн болдог. Энэ рейтингэд “Сод Монгол” сүүлийн 15 жил тасралтгүй шилдгээр шалгарсан нь Монголын эдийн засгийн тулгыг түшилцсэн томоохон компани болсныг илтгэдэг.

A

Жижиг

A

Дунд

A

Том

“Цөмөөхэй” баллет тоглоно

 0 сэтгэгдэл

Жил бүрийн шинэ жилийн баяраар П.И.Чайковскийн “Цөмөөхэй” бүжгэн жүжиг дэлхийн таван тивийн театрт амилдаг. Монголын балетын хөгжлийн сангийн тэргүүн, Соёлын элч, гавьяат жүжигчин Д.Алтанхуягийн санаачилсан уламжлалын дагуу уг балетыг энэ жил зургаа дахь жилдээ Монголын үзэгчдэд хүрэхээр болжээ. Монголын балетчдын амилуулсан “Цөмөөхэй” бүжгэн жүжгийг энэ сарын 20-28-ны өдөр ДБЭТ-ын тайзнаа тоглох бөгөөд тасалбарын үнэ 20-140 мянган төгрөг.

A

Жижиг

A

Дунд

A

Том

Д.Хосбаяр "Үр" кино үйлийн үрийг өгүүлнэ

 0 сэтгэгдэл
  • "Үр" кино хүмүүсийн сэтгэл зүйд айдас, бодрол төрүүлнэ
  • Энэ дүр хууль бус арга, залиар мөнгө олж, хүн чанар, ёс зүйг үл эрхэмлэх залууг илэрхийлдэг. Мэдээж буруу үйлийн үр эцэстээ өөрт нь ирж, таагүй үр дүнд хүрнэ

Hайруулагч Чений анхны бие даасан уран бүтээл болох “Үр” уран сайхны кино өчигдөр нээлтээ хийлээ. Аймшгийн, драмын төрлийн тус киног Dream энтертайнмент хийсэн бөгөөд кино зохиолыг бодит амьдралаас сэдэв лэн бүтээжээ. “ҮР” киноны гол дүрийн жүжигчин Д.Хосбаяртай ярилцлаа

-Энэ дүр таны тоглож байсан бусад дүрээс ямар онцлогтой вэ. Кинонд тоглох саналыг хэрхэн авав? 

-”Үр” кинонд би эсрэг дүр бүтээсэн. Өмнө нь ийм төрлийн кинонд тоглож, сөрөг дүр дээр ажиллаж байгаагүй болохоор найруулагч дүрийн санал тавихад их сонирхолтой санагдаж, хүлээж авсан. Мөн энэ дүр надаас тэс өөр зан, суртахуунтай хүнийг илэрхийлдэг. Муу санаатай, бусдыг өөлж, бохир мөнгөний төлөө хөөцөлдсөн залуугийн дүрийг гаргах амаргүй байлаа. Эсрэг дүрийг муухай харж, хараалын үгтэй текст хэлээд болчихдоггүй болохыг ойлгосон. 

-Таны тоглосон дүр үзэгчдэд юу ойлгуулж, өгүүлэхийг зорьсон бэ? 

-Буруу замаар будаа тээвэл буцахдаа шороо тээнэ хэмээх монгол ардын зүйр үг бий. Анх зохиолоо уншихад л миний дүр энэ утга санааг илэрхийлж байсан. Хүн хөдөлмөр, хичээл зүтгэл, ур чадвар, ухаанаараа амжилтад хүрдэг бөгөөд амжилт мөнгө дагуулдаг шүү дээ. Харин энэ дүр бол хууль бус арга, залиар мөнгө олж, хүн чанар, ёс зүйг үл эрхэмлэх залууг илэрхийлдэг. Мэдээж буруу үйлийн үр эцэстээ өөрт нь ирж, таагүй үр дүнд хүрнэ. Тиймээс киноны дүрээрээ дамжуулан буруу хийсэн үйлдэл бүхэн үр дүнтэй, муу үйлийн үрийг өөртөө бүү хураа гэх санааг илэрхийлэхийг хичээсэн. Ариун, цагаан хөдөлмөрөөр амьдралаа босгох нь хүний эрхэм чанар юм. 

-Манай улсын уран бүтээлчид 1993 оноос аймшгийн кино хийж эхэлсэн түүхтэй. Үүнээс хойш энэ төрлийн олон кино үзэгчдийн хүртээл болсон. “Үр” кино аймшгийн төрлийн бусад киноноос юугаараа онцлог вэ, бодит амьдралаас сэдэвлэн бүтээсэн гэсэн? 

-Ихэнх аймшгийн кино чөтгөр, шулмыг өгүүлж хүмүүсийг цочоож, айлгадаг. Манай кино сэтгэл зүйн драм төрлийн кино. Хүмүүсийн сэтгэл зүйд айдас, бодрол төрүүлэхээр хийгдсэн гэдгээрээ онцлог. Улмаар муу зүйл хийж, бусдын амьдралыг бусниулан, буруу аргаар амьдарвал үйлийн үр заавал ирдэг болохыг үзэгчдэд ойлгуулна. Хэдий энэ бие, энэ насаа зовлонгүй өнгөрөөсөн ч үйлийн үр үр удмыг нь дагаж байдаг гэх санааг өгүүлсэн. Кино зохиолыг найруулагчийн танилд тохиолдсон амьдралаас сэдэвлэж бичсэн тул бодит амьдралтай ойр, үзэгчдэд маш олон зүйлийг ойлгуулахаар өгүүлэмжтэй сайн уран бүтээл болсон.

A

Жижиг

A

Дунд

A

Том

Үхэрчин хүүгийн хэв маяг дэлхийг байлдан дагуулсан

 0 сэтгэгдэл
  • Зэрлэг өрнөдийн романтик төрх Холливудын анхаарлыг татав
  • Гэвч зэрлэг Өрнөдийн романтик төрх Холливудын анхаарлыг татаж 1920-иод онд Зоригт ковбойчуудын зэрлэг индианчуудтай хийсэн тулааныг харуулсан кино ихэд түгж, Вестерн гэдэг нэр авчээ. Ийм жанрын гол төлөөлөгч Клинт Иствудыг дэлхий даяар мэдэх байх

Дэлбэгэр бүрх, давируултай гутал, жинс, бугуйл, кантри хөгжим, родео-морь булгиулах тэмцээн зэрэг нь ямар нэг байдлаар Америкийн үхэрчдийн бүтээсэн дэд соёл юм. Үхэр ба хүү буюу cow, boy гэх хоёр үгээс бүрдэх үхэрчин хүү буюу cowboy гэдэг үг XVIII зууны Англид анх үүссэн түүхтэй. Харин насанд хүрсэн үхэрчин хүнийг cowherd буюу үхэр маллагч гэдэг байж. Одоо бидний мэдэх ковбой хэмээх үхэр туугч залуусын сонгодог хэв маяг ердөө 30 жил, 1860-1890 оны орчимд оршин тогтсон байна. 1846-1848 оны дайны өмнөхөн Шинэ Мексик, Аризона, Невада, Калифорни, Юта, Техас зэрэг Мексикийн харьяанд байсан мужууд АНУ- ын бүрэлдэхүүнд оржээ. Чухамдаа Техасыг авсан нь АНУ, Мексикийн дайны галыг өдөөх цучил болсон юм. АНУ аж үйлдвэр, хүн ам байхгүй шахам асар уудам газрыг эрхэндээ авав. Шинэ муж улсууд руу шилжин суурьшигчид хошуурч, нутгийн иргэдийн соёлыг авсны дотор “вакеро” хэмээх тууварчдын ажлыг уламжлав. Энэ нэр  дундад зууны Испаниас үүсэлтэй агаад ган гачгийн улмаас мал сүрэгтээ өвс бэлчээр хайн нүүдэллэгчдийг хэлдэг байжээ. Морь сайн унадаг, сүргээ хамгаалан зэвсэг барихад бэлэн, задгай тэнгэр дор өдөр шөнөгүй малаа сахидаг адал явдал хайгч шинэ маягийн малчдын бүлэг бий болсон гэдэг. Америкийн шинэхэн мужуудад вакеро нь ковбой болон хувирчээ. Тэд зүүн эргийн нутаг руу худалдах сүргийг тууж, заримдаа мянган бээрийг туулан төмөр замын станцад хүргэх ажил эрхэлдэг байв. Хүнд хөдөлмөр, хатуу амьдралын ийм хэв маягийг Америкт “вестерн” хэмээн нэрлэсэн. Улмаар баруун нутгийн хүн ам олширч, төмөр зам тавигдсанаар сонгодог ковбойн амьдрал үгүй боллоо. Гэвч зэрлэг өрнөдийн романтик төрх Холливудын анхаарлыг татаж, 1920-иод онд зоригт ковбойчуудын зэрлэг индианчуудтай хийсэн тулааныг харуулсан кино ихэд түгж, вестерн гэдэг нэр авчээ. Ийм жанрын гол төлөөлөгч Клинт Иствудыг дэлхий даяар мэдэх байх. Ийнхүү киноны ачаар ковбойн хэв маяг массын соёлд нэвтэрсэн  хэрэг. Ийнхүү киноны ачаар ковбойн хэв маяг массын соёлд нэвтэрсэн хэрэг. XX зууны хоёрдугаар хагаст өөрийн хөгжим (кантри), спорт (морь, бух булгиулах родео, бугуйлдах тэмцээн), шашинтай (ковбойн сүм хүртэл байгуулагдсан) бас мэдээж хувцасны хэв загвартай бүхэл бүтэн дэд соёл болон дэлгэрэв. Ковбойн сонгодог гутлын хошуу хэт нарийсаж, бараг шовх гэмээр үзүүртэй болов. Бүсний толь морь унахад саад хийдэг боловч жинхэнэ техас эрийн бэлгэдэл нь суран бүсэн дээрх том дэгжин толь юм. Дэлбэгэр бүрхний бүх төрөл дотроос стетсон хэмээх өндөр оройтой нь моодонд орж, ковбойн гангарааны салшгүй хэсэг болжээ. Цаашлаад ковбойн стиль сонгодог хэв шинжээ алдаж чөлөөт урсгал руу хальснаас 1960-аад оны хиппи залуусын моод болсноор жинс, арьсан жилет, борог даавуу нөмрөг дэлгэрэв. 2010 оноос ковбой загвар дахин амьдарлаа. Дизайнер Ральф Лорен Вестерн цуглуулгаа бүтээсэн бол Calvin Klein брэнд жинс өмд, том тольтой бүс, дөрвөлжин хээтэй цамцыг загварууддаа оруулжээ. 2018 оны намар, өвлийн загваруудаас мөн ковбой хувцасны элементүүдийг ажиглаж болно. Эртнээс ковбой хувцас үйлдвэрлэж ирсэн Wrangler 2019 оны Icons буюу шүтээн нэртэй цуглуулгадаа 1946 онд гарсан анхны жинсний загвараар бүтээсэн өмд, хувцас танилцуулсан. Сүүлийн жилүүдэд вестерн стиль хувцаслалт төдийгүй Америкийн нийгмийн амьдралд ч нөлөөгөө тусгаж, ковбой малгай, өмд шинэ утга, бэлгэдэл агуулах боллоо. 2017 онд Лас Вегасын 91-р гудамжинд кантри хөгжмийн фестивальд оролцогсдыг бөөнөөр буудаж хөнөөсөн аймшигт хэрэг гарсан. Нэг үзэгчийн талбайд орхисон ковбой гутал нийгмийн сүлжээгээр тарж, хэрэглэгчид янз бүрийн коммент бичиж байв. Аллагын олон хохирогч ийм гуталтай байсан агаад Бүгд найрамдах намыг дэмжигчид байсан гэсэн мэдээлэл түгсэн. Харин буудагч этгээд Ардчилсан намд бүртгэлтэй байжээ. Хүмүүсийн нэг хэсэг нь ковбойн загварыг жинхэнэ Америкийн бэлгэдэл гэж шүтдэг бол нөгөө зарим нь хуучирсан эршүүд үзлийн үлдвэр хэмээн хялайх нь бий. Эд бүгдээс харахад ковбойн хэв маяг Америкийн түүх хийгээд орчин цагийн дэд соёл, гоо зүйн бэлгэдэл гэдэг утгаа алдаагүй бололтой. 


A

Жижиг

A

Дунд

A

Том

А.Ананд дэлхийн шилдгээр нэрлэгдэв

 0 сэтгэгдэл

Өчигдөр 3х3 Олон улсын сагсан бөмбөгийн холбооноос 2019 оны “Шилдэг шинэ залуу” тоглогчдыг зарласан бөгөөд тус жагсаалтад манай улсын “Улаанбаатар ММС энержи” багийн тоглогч А.Ананд багтсан юм. Олон улсын холбооны сайтад “Дэлхийн цомын тэмцээнээр төдийлөн амжилт үзүүлж чадаагүй ч Монголын сор болсон энэ тамирчин биднийг гайхшруулж чадсан. U23 насны дэлхийн аварга шалгаруулах тэмцээний үеэр тэр яг л араатан шиг байж, амжилттай тоглосон. Цаашдаа Дэлхийн цомд амжилт үзүүлэх нь түүний хувьд цаг хугацааны л асуудал” хэмээн бичжээ.