A

Жижиг

A

Дунд

A

Том
http://zgm.mn/post/3318/

Сурагчид амралтаа гэртээ, эсвэл компьютер тоглоомын газарт өнгөрүүлж байна

Сурагчид амралтаа гэртээ, эсвэл компьютер тоглоомын газарт өнгөрүүлж байна
 0 сэтгэгдэл

A

Жижиг

A

Дунд

A

Том
http://zgm.mn/post/3318/
  • Сурагчдад зориулсан контент дутагдсаар 
  • Сурагчдын хоёрдугаар улирлын амралт арванхоёрдугаар сарын 22-ноос, гуравдугаар улирлын амралт, гуравдугаар сарын 16-наас эхэлнэ. Энэхүү амралтуудаар сурагчид 2-3 долоо хоног амардаг. Дахиад л ийм маягаар амралтаа өнгөрүүлэх үү

Ерөнхий боловсролын сур­гуулийн сурагчдын амралт өнгөрсөн даваа гарагаас албан ёсоор эхэлсэн. Гэвч уг амралт долоо хоног учраас удахгүй дуусна. Тэгвэл хүүхдүүд амралтаараа юу хийж байна вэ. Магадгүй зарим нь урлаг, спорт, гадаад хэл гэх мэт секц, дугуйландаа хамрагдаж байгаа биз. Харин нөгөө хэсэг нь амралтаа хэрхэн өнгөрүүлж байгааг сонирхлоо.  Яг үнэндээ сурагчдад амралтын хэдхэн хоногоо үр дүнтэй өнгөрүүлэх газар тун ховор болжээ. Ядахад нийслэлд ханиад томуу их байгаа учраас олон нийтийн газраар өсвөр, бага насны хүүхдүүдийг олноор цуглуулахыг хориглосон байдаг. Уг нь зөв шийдвэр. Гэвч амрааж байна гээд гэрт нь бас хориод байж боломгүй. Амарсан хүүхдүүдийн чөлөөт цагийг хэрхэн үр дүнтэй өнгөрүүлэх талаар бодолгүй өнгөрөөсөн нь алдаа болжээ. Сурагчдын амралтын хугацаанд тэдэнд зориулсан өдөрлөг, ажлыг нэг ч удаа зохион байгуулсангүй. Тийм төлөвлөгөө ч алга. Монголд үйл ажиллагаа явуулж буй 100 орчим телевизээс нэг нь ч хүүхдийн насны онцлогт тохирсон нэвтрүүлэг гаргасангүй. 10 гаруйхан жилийн өмнө төв телевизээр сурагчдын амралтад зориулсан нэвтрүүлгүүд тусгай хөтөлбөрөөр гарч, музей, театр, кино театрууд бяцхан үзэгчдэдээ зориулж тусгай хөтөлбөрөөр үйлчилдэг байлаа. Зурагтаар гарч буй нэвтрүүлэг, кино нь ч багачуудын анхаарлыг ихээр татдаг байв. Тухайлбал, “Дээвэр дээр суудаг Карлсон”, “Электрон жаал”, “Үлгэрийн баатрууд амил­сан нь”, “Баригдашгүй өшөө авагчид”, “Алтан малгайн эрэлд”, “Нохойтой дөрвөн танкчин” гээд дурдаад байвал дуусашгүй онц сонирхолтой киног МҮОНРТ-­ийн алтан фондоос үздэг байлаа. Улсын хүүхэлдэйн театр, Улсын драмын эрдмийн театр, Улсын цирк, “Ялалт” кино театр гээд олон газарт сурагчдад зориулсан үнээр үйлчилж, анги хамт олноо­роо багшаа даган урлагийн ертөнц­тэй танилцдаг байсансан. Харин одоо энэ бүхэн 1990-­ээд сүүлч, 2000 оны эхэн үед сургууль төгсөгчдийн түүх болоод үлджээ. 2019-­2020 оны хичээлийн шинэ жилийн сурагчдын хамгийн эхний амралт эхлээд гурав хонож байна. Бид тэдэнд зориулсан ямар үзвэр байгааг сонирхлоо.

МҮОНРТ-ээр хуучны кинонууд гарч байна

Монголд 100 орчим телевиз үйл ажиллагаа явуулдаг МҮОНРТ-­ийг эс тооцвол бусад нь арилжааны чиглэлийнх. Наадам, цагаан сараар осолдохгүй 3­4 нэвтрүүлэг бэлтгэж гаргадаг. Харин хүүхэд арилжааны телевизүүдийн хувьд хэн ч биш бололтой. МҮОНРТ улиг болсон хэдэн хуучны монгол , орос киногоор л бэлэг барьж байна. “Улаан дарцаг”, “Дэгдээхэй нас”, “Сүхболдын яриа”, “Зуслангийн найзууд”, “Гриша хүү”, “Серёжа хүү” гээд л... ингэж үзсээр байгаад хүүхдүүд киноны үйл явдлыг бараг цээжилсэн байх. Ямар сайндаа учир мэдэх зарим хүүхэд “Одоо энэ киногоо гаргахаа болиосой” гэж хэлэх вэ. Тэгвэл “Dream box” хүүхдийн төрөлжсөн сувгаар “Да Винчи” танин мэдэхүйн нэвтрүүлэг гарч байна. Гэхдээ энэ нь сурагчдын амралтад зориулсан тусгай хөтөлбөр биш. Тус сувгаас боловс­руусан төлөвлөгөөт нэвтрүүлэг билээ. Бусад телевизийн хөтөл­бөрийг гүйлгэж харлаа. Сурагчдын амралтад гэсэн тодотголтой нэг ч өгүүлбэр алга. Оройн цагаар хятад, солонгос сериал, өдөр нь түүний давталт, бараа зардаг нэвтрүүлгүүд л явж байна. Ихэнх нь өмнөх оройныхоо хөтөлбөрийг давтдаг. Уг нь сурагчдын амралтад зориулсан нэвтрүүлэг, онц сонирхолтой киногоор хөтөлбөрийнхөө хэд­хэн цагийг зарцуулдаг бол сайнсан. Арилжааны телевиз гэхээрээ л төлбөртэй ярилцлага, реклам, эфирээр дамжуулан элдэв төрлийн бараа зардаг байх ёстой гэж ойлгоогүй байлтай. XXI зуунд арай өөрөөр сэтгэж, шинийг санаачилбал үзэгчдийн тоогоо нэмэх магадлалтай. Үзэгчдийн тоо нэмэгдэхийн хэрээр ашиг орлого нь өснө. Ер нь л сурагчдад зориулсан тусгай үзвэрээр үйлчилж буй байгууллага цөөрчээ. 

10-15 насныхан РС тоглоомын газрыг эзэгнэн өдрийг өнгөрүүлнэ

10 гаруй жилийн өмнөхөн үзвэр, үйлчилгээ, урлаг соёлын байгууллагын менежерүүд тасалбараа багц багцаар нь бариад л сургуулиудаар хэсдэг байлаа. Сурагчдад зориулсан үнэ тогтоож, басхүү хөөрхөн үзвэр бэлтгэнэ. Харин өнөөдөр тийм зүйл харагдахаа больжээ. Хүүхдээ амралтаар нь юу үзүүлэх вэ гэж бодон хэдэн газраар орлоо. Эхний орсон газар хуучнаар “Ялалт”, одоогийнхоор “Тэнгис” кино театр. Тус театр сурагчдын амралтад зориулан хоёр хүүхэлдэйн кино өчигдрөөс гаргаж эхэлжээ. Эхнийх нь “Адам гэр бүл”, нөгөөх нь “Салма сүнсний хотод” нэртэй хоёр хүүхэлдэйн кино юм. 10­аас дээш насныханд зориулсан дээрх хоёр хүүхэлдэйг сурагчдын амралттай давхцуулан зориуд өчигдөр Монгол дахь нээлтийг нь хийж байгаагаа албаныхан тайлбарласан. “Өргөө” кино театрт ч мөн адил дээрх хоёр хүүхэлдэйн кино өчигдөр нээлтээ хийжээ. Ер нь нийслэлд байдаг гурван кино театр яг л адилхан программтай байна. Алдарт “Бродвэй” театрийн албан ёсны эрхтэйгээр “Улаанбаатар” чуулгад “Питер Пэн” хүүхдийн мюзиклийг сурагчдын амралтад зориулан ердөө ганцхан удаа тоглосон нь өчигдөр байлаа. Харамсалтай нь, тасалбар хэдийнэ дууссан байв. Эдгээрийг эс тооцвол сурагчдад зориулсан үзвэрээр үйлчилж буй соёлын байгууллага алга. Хүүхэлдэйн театраар орлоо. Хоёр сарын өмнө буюу наймдугаар сарын 27-­нд баталсан хуваарийн дагуу ирэх сарын 2-­ноос “Могжоохон даагатай жогжоохон хүү”, “бүлтээхэй, дэлдээхэй хоёр”, “Бяцхан хатагтайн хүүхэлдэйн театр”, “Долоон өндөгтэй доголон шаазгай”, “Нугасны муухай дэг­дээхэй”, “Тэнэг бяцхан хулгана”, “Гэрэлт бяцхан цох нарыг авар­сан үлгэр” гэх мэт бяцхан үзэгчдэд зориулсан жүжиг гарах нь ээ. Харин сурагчдын амралтад зориулсан ямар нэгэн хөтөлбөр байхгүй байв. Түүнчлэн улсын драмын эрдмийн театр, Дуурь бүжгийн эрдмийн театр зэрэг Монголын урлагийн томоохон байгууллагууд сурагчдын амралтад ач холбогдол өгсөнгүй. Уг нь УДЭТ-­ын урын санд “Норовын намтар”-­аас эхлээд сурагчдад, тэр тусмаа бага, дунд ангийнханд зориулсан бүтээл нэлээд хэд бий. Намрын амралтаар багш нар сурагчдаа дагуулаад музейгээр үйлчлүүлдэг байсан нь зогсчээ. Нийслэлд үйл ажиллагаа явуулж буй музейнууд хүн багатай, эль хуль байдалтай. Ийм л дүр зурагтайгаар сурагчдын эхний амралт дуусах бололтой. Нарны гүүрийн баруун талд байрладаг зоопаркт очлоо. Хүн багатай байна. Тус хүрээлэнгийн ажилтан хэлэхдээ “Ер нь ажлын өдрүүдэд харьцангуй бага хүн үйлчлүүлдэг. Харин амралтын өдрүүдэд эрс нэмэгддэг. Хүүхдүүд их сонирхдог юм” гэв. 

Сурагчид компьютер, гар утастай нөхөрлөж амарч байна 

Нийслэл даяар сурагчид амарч байхад тэдэнд амралтын чөлөөт цагаа өнгөрүүлэх газар байдаггүй нь тоогүй. Охид гар утсаараа фэйсбүүк ухаж, хөвгүүд компьютер тоглоомын газар буудалцаж өдрийг өнгөрүүлж байна. Компьютер тоглоомын газар өглөө 10.00 цагаас хаалгаа нээдэг. Нээхтэй нь зэрэгцээд 10­-15 насныхан рс тоглоомын газрыг эзэгнэн өдрийг өнгөрүүлнэ. Хичээл амарсан нь сурагчдад, тэр тусмаа бага, дунд ангийн хөвгүүдэд бүр ч том олз болжээ. бас ийм үйлчилгээ эрхэлж буй компаниудад ч орлогоо нэмэгдүүлэх далим юм. Уг нь үүний оронд үзвэр үйлчилгээний газруудад хүүхдэд зориулсан уран бүтээл хийсэн бол... Мөн телевизүүд хүүхдүүдийн амралтын цагаар тэдэнд зориулсан мэдээ, нэвтрүүлгийг бэлтгэсэн бол “нүдээ олох” байв. ЕБС-­ийн хоёрдугаар улирлын амралт бараг бүтэн сарын хугацаанд үргэлжилдэг. Энэ үед бас л одоогийнх шиг ямар ч бэлтгэлгүй сууж байх уу. Ер нь телевиз, урлаг, соёлын байгууллагууд дараа дараачийн амралтаар үзвэр, үйлчилгээндээ анхаарана буй за.










A

Жижиг

A

Дунд

A

Том

Цаг зүүх соёл таныг илэрхийлнэ

 0 сэтгэгдэл
  • Нөлөө бүхий байр суурьтай хүмүүс хүч чадлаа харуулахын тулд цагаа баруун гартаа зүүдэг бөгөөд ОХУ-ын Ерөнхийлөгч В.Путин энэ жишгийг дагадаг. Гэхдээ зүүн гартаа зүүх нь тогтсон соёл гэдгийг битгий мартаарай
  • Эмэгтэйчүүдэд хэдэн зуун төрлийн гоёл чимэглэл байдаг бол эр хүнийг тодотгох, хамгийн чухал гоёл нь бугуйн цаг

Загварлаг эрчүүд бор гутлыг хар бүс, эрвээхэй зангиатай хослуулдаггүй гэдгийг аль эсвэл гэрийнхээ гадаа унтлагын хувцастай зогсох ёсгүйг мэднэ. Гэвч бугуйн цаг хэрэглэх соёлын тухай дийлэнх нь мэддэггүй. Эмэгтэй хүн төрөл бүрийн гоёл чимэглэл хэрэглэж, хувцаслалтаа тодотгох боломжтой байдаг бол эрчүүдийн хувьд хамгийн чухал гангараа нь бугуйн цаг. Бугуйн цагийг хэлбэр, хэмжээ, загвар зэргээс нь хамаарч, хувцаслалтдаа тохируулан сонгохын чухлыг дор танилцуулъя. 

Хямдхан цаг таны имижийг гутаадаг 

Omega, Ullyse Nardin, IWC, Rolex, Baume Mercer, Arnold & Son, Hublot, Cartier, Zenith зэрэг дэлхийд нэр хүндтэй брэндүүд бий. Гэхдээ хүн бүр дээрх брэндээс сонголт хийх санхүүгийн чадавхгүй учир дундаас дээш болон дунд түвшний орлоготой иргэд төвлөрсөн Casio, Seiko, Tissot, Swatch, Citizen гэх мэт брэндээс сонголт хийх боломжтой. 

Цагныхаа хэмжээг тохируул

Нэгэн үе том цаг тренд болж байсан боловч энэ сонголт хоцрогдож байна. Учир нь том цагийг бусдын анхаарлыг татах зорилгоор зүүдэг. Хэт том цаг таны бугуйг жижиг харагдуулахаас гадна өмссөн хувцасны тань зохицлыг алдагдуулдаг аж. Харин цагны оосрын хэмжээ гараа унжуулах үед хоёр см-аас илүү доошлохгүй байхаар бариу, гарт тань ором үлдээхгүй байхаар сул байх хэрэгтэй. 

Бугуйн цагийг зүүн гартаа зүүдэг 

Сүүлийн үеийн хувцаслалтын чиг хандлага цагийг аль ч гартаа зүүх боломжтой гэдгийг хүлээн зөвшөөрөх болсон. Та ажлаа хийх үедээ аль гараа илүү их ашигладгаа бодолцож үзээрэй. Гэхдээ зүүн гартаа зүүх нь тогтсон соёл гэдгийг мэдэхэд илүүдэхгүй. Ялангуяа бизнес уулзалтад очихдоо бугуйн цагийг зүүн гартаа зүүх нь чухал соёлд тооцогдоно. Судалгаагаар бизнес эрхлэгчид цагаа зүүн гартаа зүүхийг илүүд үздэг бол хөгжимчин, зураач зэрэг уран бүтээлч хүмүүс баруун гартаа зүүдэг нь тогтоогдсон аж. Мөн нөлөө бүхий байр суурьтай хүмүүс хүч чадлаа харуулахын тулд цагаа баруун гартаа зүүдэг бөгөөд ОХУ-ын Ерөнхийлөгч В.Путин энэ жишгийг дагадаг. 

Цаг зүүхэд ч цаг хугацаа хамаатай

Хэрвээ та бүх л өдрийн турш гадуур ажиллах бол аль болох цайвар өнгийн цаг зүүхийг эрхэмлээрэй. Бор болон хар өнгийн цагийг орой зүүхэд илүү тохиромжтой. Мөн үдийн хоолны үеэр бараан өнгийн цагнаас татгалзах нь зүйтэй. Чөлөөт хувцаслалтыг тод өнгийн цаг чимж өгдөг. 

Ажлын ярилцлагад орохдоо нэмэлт функцгүй цаг сонгоорой 

Та ажлын ярилцлагад орох гэж байгаа бол нимгэн, дундаж хэмжээтэй, ямар нэгэн нэмэлт функцгүй, тэгш өнцөгт хэлбэртэй, хэт гял цал биш, бараан өнгийн суран оосортой цаг зүүх нь зохистой. Харин бизнес уулзалт, ямар нэг хэлэлцээр хийх гэж буй бол дугуй хэлбэртэй, нэмэлт функц бүхий, метал цаг зүүх нь таныг хүчирхэг харагдуулна. 

Хар хослол дээр бор оосортой цаг зохимжгүй 

Цагны тань өнгө энгэрийн зүүлт, гутлын гоёл, бөгж, бүс, чагтан товч зэрэгтэй хослох шаардлагатай. Жишээлбэл, шар метал зүүсэн бол алтлаг өнгөтэй цаг зүүх, хар хослол өмссөн бол бор оосортой цаг зүүхгүй байх зэрэг өнгөний зохицолд анхаараарай. Ямар ч төрлийн энгийн, хар нүүртэй цагийг эрвээхэй зангиатай хослуулан зүүж болдог. 

Цагаа ойр ойрхон харах нь бүдүүлэг үйлдэл 

Хэдийгээр цаг эрчүүдийн хамгийн чухал гоёл мөн боловч ойр ойрхон харах нь таны нийгмийн харилцаанд сөргөөр нөлөөлдөг. Кино театрт эсвэл ресторанд утсаа оролдох нь бүдүүлэгт тооцогддогийн адил хэн нэгний өмнө цагаа дахин дахин шалгах нь харилцаж буй хүнээ үл хүндэтгэсэн, залхаж байгаа мэт сэтгэгдэл төрүүлдэг.

Жеймс Бондыг дуурайх хэрэггүй

Усны хамгаалалттай цагийг усанд шумбах, орох үед л зүүдэг болохоос хэзээ ч хослол өмссөн үед зүүдэггүй байна. Яагаад гэвэл хэтэрхий том харагддаг. Жеймс Бонд тэгж зүүсэн байлаа ч энэ үйлдлийг дуурайх хэрэггүй. 

A

Жижиг

A

Дунд

A

Том

Хувийн орон зай бий болгоход байрны талбай чухал биш

 0 сэтгэгдэл
  • Бие, биеийнхээ хувийн орон зайг хүндлэх нь сэтгэл зүй, эрүүл мэнд, хоорондын харилцаанд чухал нөлөөтэй

Заримдаа сэтгэл хямарсан, гунигтай үед хэн нэгэнтэй асуудлаа хуваалцахаас илүү ганцаараа байж, өөрийгөө ойлгох нь зохимжтой байдаг. Хүнгүй орчинд цурхиртлаа уйлж, сэтгэлээ онгойтол хашхирмаар санагдах үе ч цөөнгүй гардаг. Гэвч ажлын хамт олон, найз нөхдийнхөө дэргэд дээрх үйлдлийг гаргах нь зохимжгүй тул сэтгэл хөдлөлөө илэрхийлж чадалгүй хоцрох нь олонтаа. Тиймээс хамгийн эрх чөлөөтэй байж, аз жаргалаар “цэнэглэгдэх” учиртай орчин бол өөрийн гэр юм. Гэвч ихэнх хүн гэртээ ч хувийн орон зайгаар дутагдаж байдаг аж. Магадгүй танд ч гэсэн хэсэг хугацаанд ганцаараа байх хүсэл төрдөг байх. Гэр ахуйн эдлэлийн IKEA брэнд 35 орны 33 мянга гаруй хүн хамруулан судалгаа хийсэн байна. Судалгаанд хамрагдсан хүмүүсийн 85 хувь нь гэртээ өөрийн гэсэн хувийн орон зайтай байх зайлшгүй шаардлагатай гэж үзсэн бөгөөд дөрөвний нэг нь тус эрхээ эдэлж чаддаггүйгээ илэрхийлжээ. Судалгаанд дурдагдсанаар хүмүүс бие, биеийнхээ хувийн орон зайг хүндлэх нь сэтгэл зүй, эрүүл мэнд, хоорондын харилцаанд чухал нөлөөтэй аж. Түүнчлэн гэртээ өөрийн гэсэн орон зай бий болгосноор ажлын бүтээмж нэмэгддэг байна. 

Өөрийнхөөрөө, эрх чөлөөтэй, хэн нэгнээс хараат бус байх нь чухал 

IKEA брэндийн судлаачид хувийн орон зай бий болгоход байрны талбай чухал биш болохыг онцолсон байна. Харин тухайн хүний мэдэрч буй тав тух, сэтгэл ханамж хамгийн гол хэмжүүр болдог аж. Тухайлбал, шүршүүрт орох, буйдан дээр суугаад кино үзэх, гэрийнхээ аль нэг хэсэгт бичгийн ширээ байршуулж, түүнийгээ өөрийн хүслээр тохижуулах мөн ханын тавиурынхаа аль нэг тасалгааг өөрийн хоббигоор чимэх зэрэг нь тухайн хүнд таашаал өгдөг байна. Хамгийн гол нь хүн өөрийнхөөрөө, эрх чөлөөтэй, хэн нэгнээс хараат бус байх нь чухал хэмээн судлаачид онцолжээ. 

Гэр бүлийн бүх гишүүнд хувийн орон зай хэрэгтэй

Гэр бүлийн бүх гишүүнд хувийн орон зай үгүйлэгддэг. Тиймээс бие, биеэ харилцан хүндэтгэж өөрөө, өөртэйгөө өнгөрүүлэх цаг хугацаанд нь бүү оролцоорой. Мөн хүүхдийнхээ хувийн орон зайд халдаж, өөрийнхөөрөө байлгах гэж оролдох нь зохисгүй бөгөөд ирээдүйд бусдын амьдралыг үл хүндэтгэгч болгон төлөвшүүлдэг аж. Мөн тэднийг бусадтай харьцуулах нь ч орон зайд нь халдаж буй хэрэг юм. 

Айлд урилгагүй зочлох нь зохисгүй үйлдэл 

Айлд урилгагүй, урьдчилж хэлэхгүй зочлох нь зохисгүй бөгөөд очиж буй айлынхаа тав тухыг алдагдуулдаг. Энэ нь орон зайд нь халдаж байгаагийн илэрхийлэл юм. Тиймээс айлд очихдоо зайлшгүй хэлж хэвшээрэй. Мөн “хэрэв манайд ирэх бол зайлшгүй мэдэгдээрэй” гэж ойр, дотнын хүмүүстээ дуулгаарай. 

Нэгнийхээ гар утсыг шалгах нь хувийн орон зайг нь үгүйсгэж буй хэрэг 

Хосууд бие биеийнхээ гар утас, цахим хуудсыг үргэлж шалгаж, хаашаа яваад, хэзээ ирэхийг нь хүртэл шалгаадаг. Энэ нь тухайн хүний хувийн орон зайд халдаж буй хэрэг бөгөөд хэсэг хугацааны дараа дээрх үйлдэл нь дарамт мэт санагдаж, харилцаанд нь сэв суудаг байна. Тиймээс хайртай хүндээ итгэж, ярилцаж, ойлголцох хамгийн чухал юм. 

Өөртөө цаг гарга

Хэрэв та хаана ч, хэзээ ч өөрийнхөөрөө байж чаддаггүй бол тогтсон цаг, тодорхой орчин бий болго. Өглөө эрт эсвэл үдэш оройн аль нь ч байсан болно. Харин яг тэр цагаа өөртэйгөө өнгөрөөж хэвшээрэй. Юун түрүүнд өөрийн сонирхлыг олж илрүүлээрэй.

A

Жижиг

A

Дунд

A

Том

Валентины баярыг хэрхэн тэмдэглэх вэ

 0 сэтгэгдэл

Өнөөдөр бол Гэгээн Валентины өдөр. Вирусийн халдвар гарч, хөл хорио тогтоосон учраас хосууд энэ өдрийг гэртээ тэмдэглэх шаардлагатай болсон. Валентины баярыг гэрээс гарахгүйгээр хэрхэн романтик тэмдэглэж болох тухай сонирхолтой зөвлөгөө хүргэж байна. Ганц бие хүмүүсийг ч мартаагүй шүү.

Гэртээ романтик оройн зоог барих нь санхүүд хэмнэлттэй 

Энэ өдөр ресторануудын ширээ захиалга дүүрч, хосын өрөөний үнэ тэнгэрт хаддаг. Гэхдээ гэртээ сайхан ширээ засаж, хайртынхаа дуртай хоолыг өөрийн гараар хийж өгөх нь санхүүд хэмнэлттэйгээс гадна хосын харилцаанд эергээр нөлөөлөх болно. Дуртай хоолыг нь бэлтгэхээс гадна ширээгээ гоёмсог бүтээлгээр бүтээгээрэй. Эцэст нь чихэрлэг улаан дарс сонгож, лаа асаахаа мартуузай. 

Хайрыг харж чадахгүй ч киноноос мэдэрч болно

Бүх цаг үеийн хамгийн сонгодог сонголтод кино үзэх хувилбар заавал багтдаг. Энэ өдөр гэртээ гэрлэн чимэглэл асааж, дуртай амттанаа бэлтгээд хайрттайгаа хамт романтик кино үзээрэй. "Би түүнийгээ үргэлж санадаг. Хайр яг л салхи шиг, би харж чадахгүй ч мэдэрч чадна" гэж Walk to remember кинонд өгүүлдэг. 

Халуун ваннд хэвтэж, алжаалаа тайлаарай

Хамтдаа сарнайн дэлбээгээр дүүргэсэн халуун ваннд хэвтэж, алжаалаа тайлах нь баярын уур амьсгалыг мэдрүүлэх болно. Мөн лаа асааж илүү романтик орчин бүрдүүлээрэй.

Мөрөөдлийн жагсаалтаа шинэчил

Хосуудын харилцаанд ярилцах хамгийн чухал гэж сэтгэл зүйчид зөвлөдөг. Хайрттайгаа хамт хийж үзэх шинэ содон зүйлс, романтик аяллын төлөвлөгөөгөө боловсруулахад энэ өдөр хамгийн тохиромжтой. Баярт зарцуулах байсан төсвөө аяллын хуримтлалдаа нэмэрлэ. Үүний дараа бол зож байсан үеийнхээ захидал, цахим зурвасуудаа уншиж дурсамжаа сэргээгээрэй.

Ганц бие ч гэсэн гандан буурахгүй

Ганц бие байгаадаа гансарч, уйтгарлаж сууна уу. Цаг нь болоогүй учралын төлөө цагаасаа эрт шаналах хэрэггүй ээ. Таныг илүү олон учрал, гайхалтай дурлал хүлээж байгаа шүү.

Хэрхэн ганц бие байх вэ

Гал цогтой ганц бие уншигчдадаа How to be single киног санал болгоё. Таныг уйдаахгүй гэдэгт итгэлтэй байна.

Найзуудын үдэшлэг хийцгээе

Энэ өдрийг зөвхөн хостойгоо өнгөрүүлэх ёстой гэж үү. Удаан уулзаагүй найзуудтайгаа хамт бяцхан үдэшлэг хийвэл ямар вэ. Хамтдаа сонирхолтой тоглоом тоглож, амттай хоол идэж хөгжилдөх хэрэгтэй. Хоорондоо бэлэг солилцсон ч болно. Финландад хоёрдугаар сарын 14-ийг “Найзуудын өдөр” болгон тэмдэглэдэг аж.

Өөртөө бэлэг худалдан ав

Та өөрийгөө санхүүгийн ямар их хэмнэлттэй амьдардаг гэдгээ мэдэх үү. Хэрвээ хостой байсан бол хэн нэгэнд зориулах байсан тэр мөнгөө өөртөө зарцуулах хэрэгтэй. Массажинд орж, шинэ загварын хувцас, сонирхолтой ном гээд хүссэнээ худалдан ав. Сургалтад бүртгүүлсэн ч болох юм. 

Хүссэн зүйлээ хий 

Эцэст нь хэлэхэд энэ нийтлэлийг заавал хийх ёстой зүйлийн жагсаалт болгож битгий уншаарай. Таныг өөрөөс чинь илүү мэдэх нэгэн гэж үгүй. Тиймээс танд аз жаргал, сэтгэл ханамж бэлэглэдэг юу ч хийсэн болно.

A

Жижиг

A

Дунд

A

Том

Хайртай нэгэндээ дуртай цэцгийг нь бэлэглээрэй

 0 сэтгэгдэл

Төрсөн өдөр, төгсөлтийн баяр зэрэг тэмдэглэлт үйл явдлын үеэр хүмүүс бие биедээ цэцэг бэлэглэдэг. Шинэхэн үрээ өлгийдсөн ээж, шагнал гардсан эрхмүүдийг цэцгийн баглаагаар угтах нь ч бий. Ийнхүү цэцэг бэлэглэх нь соёл болтлоо хөгжсөн бөгөөд цэцгийг зөвхөн ургамал бус сэтгэлийн илэрхийлж гэж хардаг болжээ. Цэцэг бэлэглэх соёл нь эртний Грекээс үүдэлтэй бөгөөд олон нийт XIX зууны дунд үеэс үүнийг ёс заншил, соёл гэж хүлээж авсан байна. Тухайн үед нийгэм төдийлэн нээлттэй биш, олон хүний хажууд хайраа илчлэх нь ичгүүртэй хэрэг гэж үздэг байсан тул дурлалт хосууд цэцэг бэлэглэж хайраа илчилдэг байв. Сарнай, лиш, яргуй гээд цэцэг бүхэн өөрийн гэсэн утга, илэрхийлэмжтэй байдаг учир өөрийн сэтгэлийг цэцгээр дамжуулан илэрхийлэх боломжтой аж. Хэрэв та гэгээн хайрын баярын өдөр хайртай хүндээ гэнэтийн бэлэг барихаар төлөвлөж байгаа бол цэцгээр сэтгэлийн чавхдасыг нь хөндөх боломжтой. Түүнчлэн утга учир, хэлэмжийг нь судалж, тухайн хүнд тохирсон цэцэг бэлэглээрэй.

Сараана буюу Лили цэцэг

Лили цэцгийг цэвэр ариун, ихэмсэг байдлын бэлэг тэмдэг хэмээдэг. Энэ нь сараантан овгийн цэцэг бөгөөд цэвэр ариун байдлыг бэлгэддэг учир гэр бүлийн баяр, шинэ хүн мэндлэхэд болон гэрийн эзэгтэйд бэлэглэвэл тохиромжтой аж. Түүнчлэн анхилам үнэртэй учир сэтгэл санааны өөдрөг болгох шидтэй аж.

Лисантус цэцэг

Эмэгтэйчүүдийн цэцэг хэмээдэг лисантусыг гэрлэж амжаагүй бүсгүйг ханьтай болгодог хэмээн бэлгэддэг бөгөөд энэ цэцэг ургаж буй айлд үл ойлголцол, маргаан бага гардаг гэх нь бий. Тиймээс ганц бие бүсгүйд болон хуримд бэлэглэхэд тохиромжтой

Удвал цэцэг

Тус цэцгийг хар цагаан хэл ам, муу энергиэс хамгаалдаг гэж үздэг. Ямар нэг хүн гэрт орж ирэхээр шөнөжингөө уйлчихдаг хүүхэд байдаг. Мөн хүүхдээ аваад айлд хонож болдоггүй хүн олон байдаг. Тэгвэл энэ цэцэг нь хөлсөрхөг хүүхдэд нэн тустай юм.

Цэцгийг шинээр нь хэрхэн удаан хадгалах вэ

Дотнын хүнээсээ дуртай цэцгээ бэлгэнд авах сайхан ч гандаж буй цэцгээ хараад сэтгэл гундах нь бий. Тэгвэл цэцгийг хэрхэн удаан хадгалах зөвлөгөөг хүргэж байна.

1. Цэцгээ аваад аль болох хурдан усанд хий.

2. Ваарандаа бага зэргийн бүлээн ус хийгээрэй. Хүйтэн, крантны ус цэцгийг хурдан үхүүлдэг

3. Белизна буюу хувцас цайруулагчийг литр усанд амны халбаганы дөрөвний нэг хэмжээтэй байхаар тооцож хийгээрэй. Энэ нь шавжнаас сэргийлж, бактери устгадаг учир цэцэг удаан амьд байх нөхцөл бүрдүүлнэ.

4. Цэцгийн усыг өдөрт нэг удаа солиорой.

5. Цэцгийг анх вааранд хийхдээ хурц хутга, эсвэл хайчаар ташуу зүсвэл илүү удаан амьдарна.

6. Хэт олон цэцэг нэг вааранд байвал хурдан үхнэ. Тиймээс нэг вааранд 10-аас дээш цэцэг хийх хэрэггүй.

7. Усан дотор нь нэг ширхэг аспирин хийвэл удаан амьдрахад нь тусална.

8. Нарны шууд тусгалаас хол байлгаж, ваараа цэвэрхэн байлгаарай.