A

Жижиг

A

Дунд

A

Том
http://zgm.mn/post/1119/

Технологийн аваргуудын эсрэг шинэ дайралт эхлүүллээ

 0 сэтгэгдэл

A

Жижиг

A

Дунд

A

Том
http://zgm.mn/post/1119/


АНУ-ын хууль зүйн яам шударга өрсөлдөөн, үзэл бодлоо чөлөөтэй илэрхийлэх асуудлаар технологийн компаниудыг мөрдөн шалгах гэж буйгаа анхаарууллаа. Google, Facebook, Twitter гишгисэн мөрөө эргэж харах ёстойг АНУ-ын Ерөнхийлөгч Дональд Трамп өнгөрсөн долоо хоногт сануулсны дараа энэхүү анхааруулга гарч байна. Facebook-ийн үйл ажиллагаа хариуцсан захирал Шерил Сандберг, Twitter-ийн гүйцэтгэх захирал Жэк Дорси нар АНУ-ын сонгуульд ОХУ хөндлөнгөөс оролцсон асуудлаар сенатын тусгай хороонд мэдүүлэг өгөв. АНУ-ын ерөнхий прокурор Жефф Сешнс технологийн аваргуудыг шалгахаа мэдэгдсэн нь эрх баригчид шинэ дайралт эхлүүлэх гэж буйн дохио болов. Сошиал мэдээллийн платформууд “өрсөлдөөнд саад учруулж, үзэл бодлоо чөлөөтэй солилцох явдлыг санаатай хавчиж байж болзошгүй” тул асуудлыг муж улсын ерөнхий прокуроруудтай хамтран хэлэлцэхээ ноён Сешнс мэдэгдлээ. Өнгөрсөн долоо хоногт ноён Трамп Google, Facebook, Twitter-ийг баруун жигүүрийн байр суурь хавчин боомилсон хэрэгт буруутгасан. Консерватив үзэл бодлыг мушгин гуйвуулсан зүйл байхгүй хэмээн компаниуд хариу мэдэгдэв. Twitter-ийн зарим жиргээ “ялгаварлан гадуурхсан, хууль бус шинжтэй” байгааг мөрдөн шалгана гэдгээ АНУ-ын Ерөнхийлөгч долдугаар сард мэдэгдсэн юм. “Тун эвгүй газарт мөрөө үлдээцгээж буй” Google, Facebook, Twitter-ийг “мэдээтэй байгаарай” хэмээн ноён Трамп өнгөрсөн долоо хоногт анхааруулсан юм.

Ноён Дорси лхагва гарагт Эрчим хүч, худалдааны танхимын комиссоос тавьсан цензур, контентын бодлоготой холбоотой олон асуултад дөрвөн цаг хариу өгчээ. Ерөнхийлөгчийн жишээг дагалдан бүгд найрамдах намын олон гишүүн Twitter-ийг консерватив байр суурь мушгин гуйвуулсан хэрэгт буруутгаж байна. Twitter-ийн босс өөрийгөө хараат бус, бие даасан сонгогч, ардчилсан, бүгд найрамдах намыг дэмжигч айлын хүүхэд гэдгээ тайлбарласан юм. Twitter-ийн контенттой холбоотой байцаалт нь бүгд найрамдахчууд үзэл бодлоо бэхжүүлэх оролдлого хэмээн дээрх танхимын комиссын бүрэлдэхүүнд багтдаг ардчилсан намын гишүүд үзлээ. Сошиал медиа компаниудын хүч нөлөөтэй холбоотой түгшүүр ихсэж байгааг ноён Дорси хүлээн зөвшөөрсөн. “Биднийг нийтэд зориулсан талбар хэмээн хүлээн авч буй хүмүүс үүндээ тохирсон юмыг л хүснэ” хэмээн тэрбээр тайлбарлав. Иймд “үнэний зууч бол, бичлэгүүдээ зохицуул гэсэн шаардлага Twitter-т тулгах нь аюултай” хэмээн ноён Дорси өгүүлэв. Зохисгүй контентыг хэрэглэгч нар тэмдэг тавихаас нь өмнө илрүүлэх зэргээр Twitter-т өөрчлөлт оруулахаар төлөвлөж байгаагаа захирал мөн дурдлаа. Либерал үзэл хүчтэй Сан-Францискогоос өөр газраас ахиу ажилтан хөлслөх талаар ч компанийн удирдлага эргэцүүлжбайна. Хууль бус мансууруулах бодисын наймаачид бараагаа сошиал сайт ашиглан борлуулах тохиолдолд компаниудад хариуцлага хүлээлгэх саналыг сенатын мөрдөн байцаалтын үеэр гаргасныг Facebook, Twitter хоёр эрс няцаалаа.

Хэрэглэгчээс үүсгэсэн бараг бүх контентод уг хоёр компани АНУ-ын харилцаа холбооны ёс журмын хуулийн 230 дугаар заалтын дагуу хариуцлага хүлээдэггүй. Гэхдээ жилийн өмнө Конгресс эмэгтэйчүүдийг наймаалахыг сурталчилсан контентыг уг заалтаас хассан юм. Сошиал мэдээллийн компаниуд мансууруулах бодисын наймаанд ч хариуцлага хүлээх нь зүйтэйг сенатын гишүүн Жо Манчин лхагва гарагт анхааруулж байлаа. Компаниудын үйл ажиллагаа 230 дугаар заалтад тулгуурлаж байгааг хатагтай сандберг, ноён Дорси нар сенатын байцаалтын үеэр тайлбарлав. Дээрх хуулийн 230 дугаар заалт байхгүйсэн бол Twitter үзэл бодлоо илэрхийлэх эрх чөлөөг улам хязгаарлахаас аргагүй хэмээн ноён Дорси үзэж байна. Уг заалт л Facebook-д “үүрэг хариуцлагаа ихэсгэлгүйгээр хууль бус контент илрүүлэх боломж олгож байгаа”-г хатагтай сандберг мэдэгдэв. АНУ-ын сонгуульд оху оролцсон тухай асуудлаар сенатын тусгай хорооны байцаалт нь Вашингтон зарим зөрчилт нөхцлийг харгалзалгүйгээр технологийн салбарт зохицуулалтаа чангатгаж буйг харуулж өглөө. “Сошиал мэдээллийн салбарт зэрлэг өрнөдийн үе эцэс болж байна. Цаашид асуудлыг та нар үзэмжээрээ шийдэж явна гэдэгт би хувьдаа эргэлзэх байна. Конгресс энэхүү асуудлаар шийдвэр гаргах байх” хэмээн тус хорооны дэд тэргүүн, ардчилсан намаас сенатад сонгогдсон Марк Уорнер байцаалт эхлэхийн өмнө өгүүлсэн юм. Лхагва гарагт Twitter-ийн хувьцааны үнэ 6.1 хувиар унаж 32.73, Facebook-ийнх 2.3 хувиар буурч 167.18 ам.доллар боллоо.

A

Жижиг

A

Дунд

A

Том

Ирланд Apple-аас татвараа нөхөн авахгүйн төлөө тэмцэнэ

 0 сэтгэгдэл

A

Жижиг

A

Дунд

A

Том

Мөнгө угаахын эсрэг тэмцэлд алдаа гаргасан Credit Suisse-ийг шалгалаа

 0 сэтгэгдэл


Мөнгө угаах гэмт хэргийн эсрэг тэмцэлд алдаа гаргасан Credit Suisse-ийг Швейцарын санхүүгийн хянах байгууллага шалгалаа. Уг шалгалт сэжиг бүхий хууль бус санхүүжилтэд нэр холбогдоод буй Европын банкинд шинэ цохилт болов. Дэлхийн хөлбөмбөгийн спортын зохицуулах байгууллага FIFA, Бразилын газрын тосны Petrobras, Венесуэлийн газрын тосны PDVSA компани зэрэг байгууллагатай холбоо бүхий авлигын хэд хэдэн дуулиант хэрэгт банк хөнгөн хандсаныг санхүүгийн хяналтын FINMA байгууллага тогтоов. FINMA-гийн дүгнэлт нь Европын банкуудтай холбоотой шил дарсан хэргүүдийн сүүлийн жишээ. Уг хэргээс өмнөхөн данийн зээлдүүлэгч Danske Bankны Эстони дахь салбараар дамжуулан ганцхан жилийн дотор ОХУ, хуучин ЗХУ-ын 30 тэрбум ам.доллар дамжсан нь илэрсэн юм. Нидерландын банк, санхүүгийн ING группийн санхүү хариуцсан захирал өнгөрсөн долоо хоногт огцорсон. Мөнгө угаах гэмт хэрэгт тавих хяналт сул байсныхаа төлөө Нидерландын банк 775 сая ам.доллараар торгуулсны дараа захирал албан тушаалаа орхижээ. Хөндлөнгийн байгууллагын хяналт үүсгэх замаар банк санхүүгийн тогтолцоогоо засаж сайжруулах шаардлагыг даваа гарагт FINMA-гаас Credit Suisse-д тавилаа.

Швейцарын хуулиар FINMA торгууль оноох эрхгүй. FINMA-гийн шүүмж нь 2015 оноос Credit Suisse-ийн гүйцэтгэх захирлаар ажиллаж буй Тижейн Тиамд цохилт болов. Ноён Тиам бүтцийн дайчин шинэчлэл өрнүүлэх замаар тус банкны үйл ажиллагааг дэлхийн баячуудын хөрөнгийг эрхлэн хөтлөхөд чиглүүлэх зорилт тавьсан юм. Банкны ажиллагааны алдаа дутагдал нь “хуучин уламжлал” хэмээн анхааруулж буй FINMA-гийн дүгнэлтийг Credit Suisse хүлээн зөвшөөрчээ. Банк урьд өмнөх хэрэгт дүгнэлт гаргаж “алдаа дутагдлыг засаж залруулах идэвхтэй арга хэмжээ авахын тулд FINMA-тай хамтран ажиллаж байгаа”-гаа мэдэгдэв. FIFA-тай холбоотой хэрэг 2015 оны тавдугаар сард тус байгууллагын дээд удирдлагад ажилладаг хүмүүсийг Цюрихын тансаг зэрэглэлийн зочид буудлаас сүр дуулиантай баривчилснаар эхэлжээ. Баривчлагдагсдыг АНУ, Швейцарын хууль сахиулах байгууллагууд гэмт хэрэг, хээл хахууль, авлигын хэргээр мөрдөн шалгасан нь FIFA-гийн ирээдүйд занал учруулсан юм. FINMA 2015 оноос хойш FIFA, Petrobras, PDVSA оролцсон авлигын хэрэгт “хэд хэдэн банк”-ийг сэжиглэн шалгаж эхэлснээ тайлбарлав. Credit Suisse 2006-2016 онд үйлчлүүлэгчээ таних, ашиг хүртэгч эздийг тодруулах, эрсдэлтэй бизнесийн харилцаа, бичиг баримтыг ангилах ажилд хайнга ажиллаж ирснийг FINMA илрүүлжээ.

“Олж илрүүлсэн алдаа дутагдал олон жилийн турш, үндсэндээ 2014 оноос өмнө оршиж байсан”-ыг FINMA тайлбарлав. Мөнгө угаах гэмт хэргээс үр дүнтэй сэргийлэх гэвэл банкны бүх салбар “үйлчлүүлэгчийнхээ банктай тогтоосон аливаа харилцааг тэр дор нь автоматаар тодорхойлох чадвартай байх ёстой” хэмээн Швейцарын санхүүгийн хянах байгууллага үзэж байна. Үүний зэрэгцээ тус банк урьд нь гэмт хэрэгт буруутсан этгээдийг “харилцааны менежер” болгосон, “улс төрийн нэр нөлөө бүхий хүмүүс”-тэй тогтоосон бизнесийн харилцаанд хяналт тавьж, эрсдэлийг нь үнэлэхдээ алдсаныг FINMA тусад нь анхааруулав. FINMA-гийн дүгнэлтэд тодорхой нэр дурдаагүй. Гэхдээ уг хэрэгт ойр эх сурвалж дээрх дүгнэлт нь Credit Suisse-ийнүйлчлүүлэгчийн зөвлөх байсан Патрис Лескодроныг хэлж буй хэрэг хэмээн тайлбарлав. Лескодрон нь Гүржийн ерөнхий сайд асан Бижина Иванишвили зэрэг үйлчлүүлэгчдийн итгэлийг буруугаар ашигласан хэргээр хоёрдугаар сард Женевийн шүүхэд татагдсан юм. “Активын менежмент тун амжилттай эрхэлсэн” харилцааны менежер банкны журмыг олон жил зөрчсөнийг FINMA-гийн тайлбарт дурджээ. “Гэтэл банк сахилга зөрчиж буй менежерт хариуцлага тооцож, анхааруулахын оронд харин ч цалинг нь өсгөн, сайн ажилтан хэмээн үнэлсэн”-ийг швейцарын зохицуулах байгууллага тайлбарласан юм.

A

Жижиг

A

Дунд

A

Том

Хятадын $200 тэрбумын импортод тариф тогтоов

 0 сэтгэгдэл

A

Жижиг

A

Дунд

A

Том

Япончууд пластикийг шахахаар зорьж байна

 0 сэтгэгдэл

Японы цаас үйлдвэрлэгч компаниуд маркетинг ба судалгааны нэгжүүддээ дэлхий даяар хуванцарын эсрэг хөдөлгөөн өрнүүлж, цаасны ирээдүй бол хоосон үг биш гэдгийг ойлгуулах даалгавар өгчээ. Тусгайлан байгуулсан хэлтсүүд сав баглаа боодлын аль ч төрлийг цаасан бүтээгдэхүүнээр орлуулах технологи боловсруулах зорилт тавив. Түүнчлэн Засгийн газар болон компаниуд пластик уут, аяга, соруул гэх мэт нэг удаагийн бүтээгдэхүүнээс татгалзахыг эрмэлзэж буй үед цаасан бүтээгдэхүүний борлуулалтыг өсгөхийн тулд төвлөрсөн арга хэмжээ зохион байгуулна. Саяхан Starbucks кофены сүлжээ 2020 он гэхэд пластик соруулаас бүрэн татгалзахаа зарласан бол Disney, McDonald’s зэрэг компани энэ чиглэлд хөтөлбөр хэрэгжүүлэхээр төлөвлөөд буй. Үүний дараахан Японы цаас үйлдвэрлэгчид ийм арга хэмжээ авч байгаа нь цаг үеэ олсон хэрэг юм.

Гэтэл Японы зоогийн газрууд, жижиглэн худалдаачид пластикаас татгалзах тухай олигтой ярихгүй байгаа нь Токио 2020 оны олимпын тоглолтод бэлтгэж байгаа үед хачирхалтай явдал гэж цаасны нэгэн компанийн захирал хэллээ. Японы Засгийн газар удахгүй уг салбарын судалгаа, хөгжүүлэлтэд татаас олгох санаачилга гаргаж, цаасны үйлдвэрлэлийн хүчин чадлыг дэмжих байх гэж салбарын нэг шинжээч үзэж байна. Дэлхийд цаасны борлуулалтаар топ тавд багтдаг Oji Holdings шинээр байгуулсан “инновацыг дэмжих төв”-дөө захирлуудыг томилон ажиллуулж эхэлсэн юм. Тус компанийн дотоод өрсөлдөгч Nippon Paper Industries өнгөрсөн сард мөн “Цаасжуулалтыг дэмжих оффис” байгуулжээ. Уг хэлтэс олон жил үргэлжилсэн цаасгүй оффис хэмээх үгийн оронд “Цаасаар юу хийж чадахаа харуулах боломж олгоё” гэсэн уриа дэвшүүлэв.

Судалгаа, маркетингийн нэгжүүд кофе ба түргэн хоолны сүлжээнүүдэд цаасан соруул, цаасан таг зэргийг ашиглахыг санал болгохоос гадна хэрэглээний бүтээгдэхүүн үйлчдвэрлэгчдэд хандаж, шампунь, шингэн саван гэх мэт шингэнийг сүүний савтай адил хатуу цаасанд савлахыг ятгахаар ажиллана. Nippon Paper-ын анхаарал татсан нэг шинэ технологи бол хүнсний үнэрийг хадгалдаг цаасан уут бөгөөд төмсний чипс зэрэг хүнсийг савлах боломжтой. Тус компани бизнесийн боломж өргөжиж байгааг мэдэгдсэн Гэвч Nippon Paper-ын захирлууд цаасжуулах хөдөлгөөний хамгийн том саад тотгор нь үнэ өртгийн асуудал байгааг хүлээн зөвшөөрчээ. Тухайлбал, цаасан соруул пластик соруулаас зургаа дахин илүү үнэтэй бөгөөд түүхий эдийн үнээс голлон шалтгаалдаг аж. Түүнчлэн цаасан сав хийхэд пластикаас илүү хүндрэлтэй байдаг. Пластикийг халаагаад наадаг бол цаасыг заавал цавуудаж наах хэрэгтэй. Nomura банкны цаасны салбарын шинжээч Такаоми Коно “өнөөгийн байдлаар цаас илүү үнэтэй, үйлдвэрлэхэд бэрхшээлтэй байгаа нь зах зээлд борлуулалт өсгөхөд гол саад болж буй ч үйлдвэрлэгчид технологио сайжруулж, Засгийн газар татаас олгох байх гэж бодож байна” хэмээн дүгнэлээ.