A

Жижиг

A

Дунд

A

Том
http://zgm.mn/post/828/

Төсвийн орлого өсч, гадаад худалдааны ашиг буурав

​Төсвийн алдагдал буурч, мөнгө, санхүүгийн орчин эрүүлжиж байна​

 0 сэтгэгдэл

A

Жижиг

A

Дунд

A

Том
http://zgm.mn/post/828/


Үндэсний статистикийн хороо нийгэм, эдийн засгийн ээлжит тайлангаа лхагва гарагт танилцууллаа. Сар тутам олон нийтэд хүрдэг энэ удаагийн үзүүлэлтээс инфляц болон хөдөлмөрийн зах зээл, гадаад худалдаа, мөнгөний нийлүүлэлтэд гарсан өөрчлөлтийг онцолж байна. Макро эдийн засгийн ерөнхий байдлыг илчлэх эдгээр статистик үзүүлэлтээс энэ оны эхний хагас жилээ дүгнэж, цаашдын төлөв байдлыг зураглаж болох юм. Өргөн хэрэглээний бараа, бүтээгдэхүүний үнэ өнгөрсөн сард багагүй өөрчлөгдөж, энэ нь инфляцын түвшнийг тодотгоход хүргэлээ. Хэрэглээний бараа, үйлчилгээний үнэ энэ оны зургадугаар сард улсын хэмжээнд өмнөх сараас 0.5 хувиар өсөж, 7.2 хувь болсон байна. Инфляц хөдөлгөөнд орж эхэлсэн нь үнийн өсөлт хэр хурдацтай байгааг уг тайлангаас анзаарсан байх.

ИНФЛЯЦ ТӨВ БАНКНЫ ЗОРИЛТОТ ТҮВШИН РҮҮ ОЙРТОЖ БАЙНА

Инфляцын түвшин ийнхүү 7.2 хувьтай тэнцэж, төв банкны зорилтот түвшин болох найман хувь руу тэмүүлэх болов. Үүнд хүнсний бараа, бүтээгдэхүүний үнэ өссөн нь голлон нөлөөлжээ. Инфляц одоогоор хэвийн түвшинд буй. Хэрэв инфляц өндөр байх нь таны орлого, таны мөнгө төдий чинээ үнэгүйдэж байна гэсэн үг. Тэгвэл уг эрсдэл биднээс хол байна. Монголбанкны зүгээс бодлогын хүүгээр дамжуулан инфляцад нөлөөлж ирсэн. Төв банкны мөнгөний бодлогын хүү 10 хувь байгаа. Үүнийг сарын өмнө хуралдсан Мөнгөний бодлогын хороо дээрх түвшинд хэвээр хадгалсан юм. Инфляц хатуу түлш, суудлын автомашин, хүнсний ногоо, согтууруулах ундаа, тамхи, шатахууны үнэ, цаг агаар, татварын өөрчлөлтийн нөлөөгөөр нэмэгдэж ирсэн. Харин ханшаас хамаарал өндөртэй импортын барааны үнийн инфляцад үзүүлэх нөлөө агшиж байна. “Инфляцын төлөв байдал”-ын тайланд эдийн засгийн сэргэлттэй холбоотой эрэлтийн шинжтэй инфляц алгуур нэмэгдэхээр байгааг дурдсан нь бий. Эдийн засгийн “Халууны шил” гэж үздэг инфляц харьцангуй тогтвортой байгаа нь өрхийн төсөвт ирэх дарамтыг зөөллөж байгаа нь энэ юм.

ОРОН НУТАГТ 9.8 МЯНГАН ИРГЭН АЖИЛД ЗУУЧЛУУЛАН ОРЖЭЭ

Өрхийн төсөв хөдөлмөрийн зах зээл хоорондоо мөнхийн хамааралтай. Эдийн засгийн үндсэн үзүүлэлт хэр байгааг тольдон харцгаая. Хөдөлмөр эрхлэлтийн байгууллагад ажил хайж бүртгүүлсэн иргэд өнгөрсөн сарын эцэст 37.5 мянга болжээ. Үүний 68.8 хувь нь бүртгэлтэй ажилгүй иргэд бол үлдсэн 11.7 мянга нь ажилтай боловч өөр ажил хайж байгаа аж. Нийт бүртгэлтэй ажилгүй иргэд өмнөх оны мөн үеэс 11.1 хувиар буурчээ. Харин тавдугаар сартай харьцуулахад 7.5 хувиар өссөн байна. Бүртгэлтэй ажилгүй иргэдийн 9.4 мянга нь Улаанбаатарт бол үлдсэн орон нутгийнх. Аймаг, нийслэлийн хөдөлмөр эрхлэлтийн байгууллагад энэ оны эхний хагас жилд ажилгүй 43.5 мянган иргэн шинээр бүртгүүлж, бүртгэлтэй байсан 9.8 мянган иргэн ажилд зуучлагдан оржээ. Хөдөө аж ахуйн салбарын өсөлт саарсантай холбоотойгоор тус салбарт ажил эрхлэлт буурсан ч хөдөлмөрийн бүтээмж өндөр салбаруудад ажиллагсдын тоо өссөн байна. Хэдий тийм боловч улсын хэмжээнд ажилгүйдлийн түвшин өндөр хэвээр. ҮСХ-ны шинэ тайланд энэ удаа хөдөлмөрийн гэрээгээр ажиллаж буй гадаад иргэдийн тоо мэдээллийг танилцуулсан юм. Улсын хэмжээнд нийт 92 орны 9.6 мянган иргэн хөдөлмөрийн гэрээгээр ажиллаж байна. Хөдөлмөр эрхэлж байгаа гадаад иргэдийн 93.1 хувь нь эрэгтэй аж. Нийт ажилчдын 69.6 хувь нь өмнөд хөршийн иргэд бол үлдсэн хувийг австрали, БНСУ, ОХУ, АНУ, БНСВУ, Филиппин, Канад зэрэг орны иргэд бүрдүүлж буй. Энэ оны эхний хагас жилд хөдөлмөр эрхэлж буй гадаад иргэдийн дийлэнх нь уул уурхай, олборлолт, барилга, бөөний болон жижиглэн худалдаа, машины засвар үйлчилгээний салбарт ажиллаж байна.

ЧАНАРГҮЙ ЗЭЭЛИЙН ҮЛДЭГДЭЛ ЯЛИМГҮЙ ХУМИГДАЖ ЭХЭЛЛЭЭ

Эдийн засгийн “Цусны эргэлт” гэж хэлж болох мөнгөний нийлүүлэлт зургадугаар сарын эцэст 17.3 их наяд төгрөг болж, өмнөх сараас 304 тэрбум төгрөгөөр өссөн байна. Гүйлгээнд гаргасан бэлэн мөнгө тайлант хугацаанд 931.1 тэрбум төгрөг болж, өмнөх сараас 0.5 хувиар буурсан дүнтэй гарлаа. Аж ахуйн нэгж байгууллага, иргэдэд олгосон нийт зээлийн өрийн үлдэгдэл дээрх хугацаанд 15.4 их наяд төгрөг болж, өмнөх сараас 2.9 хувиар өссөн байна. Тэгвэл банкны системийн хэмжээгээр хугацаа хэтэрсэн болон чанаргүй зээлийн үзүүлэлт буурах чиг хандлага ажиглагдлаа. Тухайлбал, хугацаа хэтэрсэн зээлийн өрийн үлдэгдэл нийт зээлийн өрийн үлдэгдлийн 5.4 хувийг эзэлсэн байна. Энэ нь 829.5 тэрбум төгрөг бөгөөд тавдугаар сараас 0.9 нэгжээр буурчээ. Чанаргүй зээл нийт зээлийн өрийн үлдэгдлийн 8.5 хувийг эзэлж, жилийн өмнөх мөн үеэс 0.3 нэгжээр буурсан үзүүлэлттэй гарлаа. Тоймлон хэлбэл, мөнгөний нийлүүлэлт нэмэгдэж, зээл олголт алгуур өсөж байгаа ч чанаргүй болон хугацаа хэтэрсэн зээл өндөр хэвээр байна. Гэхдээ зээлийн үлдэгдэл ялимгүй хумигдаж байгаа нь эдийн засгийн өсөлтөд эерэг нөлөө үзүүлэх бодит хөшүүрэг билээ.

ТӨЛБӨРИЙН ТЭНЦЛИЙН АЛДАГДАЛ ГҮНЗГИЙРЧ МЭДЭХЭЭР БАЙНА

Монгол улс энэ оны эхний хагас жилд 140 улстай худалдаа хийж, гадаад худалдааны нийт бараа эргэлт 6.3 тэрбум ам.долларт хүрлээ. Үүнийг задалж үзвэл, экспорт 3.6, импорт 2.7 тэрбум ам.долларыг эзэлж байгаа юм. Нийт бараа эргэлтийн хэмжээ өмнөх оны мөн үеэс 1.3 тэрбум ам.доллараар, импортын хэмжээ 43.4 хувиар өсчээ. Гадаад худалдааны тэнцэл 2017 оны эхний хагас жилд 1.2 тэрбум ам.долларын ашигтай гарч байсан. Тэгвэл энэ оны эхний хагас жилд өмнөх оны мөн үеэс 30.4 хувиар буурч, 822.2 сая ам.долларт хүрлээ. Импорт ийнхүү огцом нэмэгдэж байгаа нь төлбөрийн тэнцлийн алдагдал гүнзгийрэхэд хүргэж мэдэхээр байна. Эдийн засаг аажмаар сэргэж эхэлж байгаа нь эргээд импортыг өдөөж, гадаад худалдааны алдагдал үүсэх, улмаар валютын гарах урсгал нэмэгдэх үндсэн нөхцөл болж мэдэх нь.

АШИГТАЙ ГАРЛАА

Манай улсын төсвийн орлогын гол цөм экспортын нэрийн бүтээгдэхүүн болох эрдэс түүхий эдийн ханш тогтвортой байгаа. Энэ нь төсвийн тэнцэл сайжрах, улмаар төсвийн орлого төлөвлөгөөнөөс давах таатай боломж бүрдүүлж байна. Улсын нэгдсэн төсвийн тэнцвэржүүлсэн орлого, тусламжийн нийт хэмжээ энэ оны эхний хагас жилд 4.1 их наяд төгрөг болсныг үндэсний статистикийн хороо онцоллоо. Эргэн сануулахад, нэгдсэн төсвийн тэнцвэржүүлсэн нийт тэнцэл 2017 оны эхний хагаст 675.5 тэрбум төгрөгийн алдагдалтай гарч байсан. Харин энэ оны эхний хагас жилд 12.9 тэрбум төгрөгийн ашигтай гарав. Төсвийн орлогын 80.4 хувийг татварын орлого бүрдүүлж байна. Дүгнэж хэлэхэд, төсвийн орлого, зарлага, гадаад өрийн хэмжээнд эерэг өөрчлөлтүүд ажиглагдах болсон. Орлого бүрдүүлэлтэд, зарим төрлийн импортын бараа, бүтээгдэхүүнд ногдуулах гаалийн болон онцгой албан татварын хэмжээ нэмэгдсэн нь нөлөөлж байна. Нэгдсэн төсвийн алдагдлын ДНБ-д эзлэх хувь өнгөрсөн оноос буурч, төсвийн бодлого үргэлжлэн чангарах төлөвтэй байгааг дуулгая.

A

Жижиг

A

Дунд

A

Том

Оффшортой хатуу тэмцэхийг FATF зөвлөлөө

 0 сэтгэгдэл
  • Оффшортой хатуу тэмцэхийг FATF зөвлөлөө
  • Саарал жагсаалтд орсон ч валютын ханш огцом сулрахгүй гэж төв банк мэдэгдлээ
  • Монголбанкны дэд ерөнхийлөгч Б.Лхагвасүрэн “Банкууд өөрийн хөрөнгөө нэмсэн нь саарал жагсаалттай ямар ч холбоогүй” гэв
  • Төв банкны гадаад валютын албан нөөц 3.6 тэрбум ам.долларт хүрсэн бөгөөд энэ нь 2016 оноос хойших хамгийн өндөр дүн
  • Цаашид мөнгө угаахтай тэмцэх чиглэлээр хяналт шалгалт явуулах эрх бүхий байгууллагын үйл ажиллагааг сайжруулах шаардлагатай болов
  • ОУВС-гийн хөтөлбөртэй дээрх жагсаалтыг хольж хутгах, өөрсдийн буруутай байдлаа эргэж харах бус хувийн хэвшилд наах сонирхол ч түгээмэл байна 

Олон улсын санхүүгийн гэмт хэрэгтэй тэмцэх байгууллага (FATF)-ын саарал жагсаалтад Монгол Улс орсон талаар манай сонин анх мэдээлж байсан. Тэгвэл уг жагсаалтад албан ёсоор орсныг баасан гарагт FATF мэдэгдэж, албажууллаа. Ингэснээр Монгол Улс хоёр дахь удаагаа олон улсын санхүүгийн байгууллагын хяналтад байна. Өмнө нь 2013 онд саарал жагсаалтад орж, 2014 онд гарч байсан эмгэнэлт түүхтэй. Монгол Улс хяналтад орсноор улс хооронд хийх мөнгө гуйвуулга удаашрах, их дүнтэй валютын гүйлгээ буцах, гадаадад олон улсын картаа ашиглахад илүү зардал гарах эрсдэл үүсэж байна. Саарал жагсаалтад манай улсаас гадна Исланд, Зимбабве улс шинээр орсон. Албан мэдэгдэлд “Эдгээр орнууд нь FATF-ын зөвлөмжийг биелүүлж, ноцтой дутагдлаа арилгах үйл ажиллагааны төлөвлөгөө боловсруулсан. Мөн энэхүү төлөвлөгөөг биелүүлэх улс төрийн өндөр түвшний амлалтыг нь хүндэтгэнэ” гэжээ. Хэдий тийм боловч саарал жагсаалтаас энэ удаад мултарч чадсангүй. УИХ-ын дарга Г.Занданшатар захидал илгээж, төрийн зүгээс уг асуудалд онцгой анхаарч ажиллахаа хүртэл уламжилсан ч нааштай үр дүнд хүрсэнгүй.Арилжааны банкнаас болж дээрх жагсаалтад орсон мэтээр зарим хүн ярьж, хэлж буй. Гэтэл олон улсын санхүүгийн гэмт хэрэгтэй тэмцэх байгууллагын мэдэгдэл үүнийг үгүйсгэж, төрийн байгууллагын уялдаа холбоо сул, хуулийн хэрэгжилт шат шатанд хангалтгүй байгааг цохон тэмдэглэжээ. Шууд хэлэхэд, саарал жагсаалт руу ороход Засгийн газрын яам, агентлаг, тэдний идэвх санаачилга тааруу байсан нь нөлөөлжээ. Монголбанкны дэд ерөнхийлөгч Б.Лхагвасүрэн “Банкууд өөрийн хөрөнгөө нэмсэн нь саарал жагсаалттай ямар ч холбоогүй” гэж албан ёсоор мэдэгдсэн билээ.Тэрбээр “Банкууд өөрийн хөрөнгөө олон тэрбум төгрөгөөр нэмсэн. Гэтэл тэрхүү нэмэлт эх үүсвэрийг чухам хаанаас хэрхэн хангасан талаарх шалгалтыг Олон улсын валютын сангаас явуулж, энэ асуудалтай холбогдуулан төв банкнаас хуулийн дүгнэлт тайлбар гаргаж өгөхийг хүссэн. Энэ нь манай улсад хэрэгжүүлж буй ОУВС-гийн “Өргөтгөсөн санхүүжилтийн хөтөлбөр”-ийн хүрээнд хийж буй ажил. Түүнээс FATF болон мөнгө угаах, терроризмтой тэмцэх ажиллагаатай ямар ч холбоогүй” хэмээн нэмж тайлбарласан юм. ОУВС-гийн хөтөлбөртэй дээрх жагсаалтыг хольж хутгах, өөрсдийн буруутай байдлаа эргэж харах бус хувийн хэвшилд наах сонирхол түгээмэл байгаа нь эндээс харагдана. Тэр тусмаа уг мэдээллийг ашиглан олны танил болох, сонгуульд нэр дэвших үүднээс нийгмийн дэмжлэг олох, өөрсдийн гаргасан алдаа дутагдлыг өрөөл нэгэнд тохох гэсэн хандлага гаарах боллоо. Мөн саарал жагсаалтаар дамжуулан валютын ханшийн зөрүүнээс богино хугацаанд ашиг олох, бараа, бүтээгдэхүүний үнээ далимдуулан өсгөх, нийгмийн сэтгэл зүйг тогтворгүй болгох үзэгдэл ч энэ өдрүүдэд эрчимжлээ. Төв банкны зарласан албан ханшаар ам.доллар 2679 төгрөгтэй тэнцэж байна. Төгрөгийн ханш ам.долларын эсрэг өнгөрсөн долоо хоногт 20 гаруй төгрөгөөр суларч, дээрх түвшинд хүрэв. Валютын захад гарсан ханшийн хөдөлгөөнийг сааруулах үүднээс төв банк дуудлага худалдаа зохион байгуулж, 70 гаруй сая ам.доллар зах зээлд нийлүүллээ. Төв банкны гадаад валютын албан нөөц 3.6 тэрбум ам.долларт хүрсэн бөгөөд энэ нь 2016 оноос хойших хамгийн өндөр түвшин юм. Үндэсний статистикийн хорооны ээлжит  тайлангаар, төлбөрийн тэнцлийн алдагдал буурч, ашигтай гарч эхэлсэн нь валютын ханшид өмнө нь ирдэг байсан дарамтыг чөлөөлж буй. Мөн төсвийн орлого давж, өнгөрсөн сард гэхэд 484.6 тэрбум төгрөгийн ашигтай гарсан билээ. Саарал жагсаалтад орсон ч валютын ханш огцом сулрахгүй гэж Монголбанкны зүгээс мэдээлсэн. Анхааруулга ирснээс хойш гүйцэтгэл дутуу 20 зөвлөмжөөс 16-г нь, хэрэгжилтийн 11 үзүүлэлтээс долоог нь манай улс богино хугацаанд ахиулсан байна. Гэсэн хэдий ч дөрвөн үзүүлэлт хоцрогдолтой хэвээр буй. Мөнгө угаахтай холбоотой дорвитой хэрэг шийдэгдээгүй, банк бусын салбарт хяналт шалгалтын хүч дутмаг, нягтлан бодогчдын институт зэрэг мэргэжлийн байгууллагуудад эрсдэлийн үнэлгээ хийдэггүй, Хойд Солонгос буюу үй олноор хөнөөх зэвсэгтэй улстай хөдөлмөрийн харилцаатай байгаа, зэвсэг техник наймаалц-сан нь манай улсыг хойш татахад хүргэсэн нь албан ёсоор ил боллоо. Мөнгө угаахтай холбоотой дорвитой хэргүүд дотор төрийн албанд нүүрлэсэн авлигын гэмт хэрэг голлож байгаа юм. Авлигатай тэмцэх газрын мэдээлснээр, манай улсад 11 их наяд төгрөгийн хохирол учирчээ. Үй олноор хөнөөх зэвсэг дэлгэрүүлэх болон терроризм той тэмцэх тухай хуулийг манай улс баталсан. Гэвч авлигын хэргүүд шийдэгдэхгүй, хуулийн хариуцлага хүлээхгүй удааш рах, замхрах нь саарал жагсаалт руу улсаараа орох үндсэн шалтгаан болжээ. Цаашид мөнгө угаахтай тэмцэх чиглэлээр хяналт шалгалт явуулах эрх бүхий байгууллагын үйл ажиллагааг сайжруулах, мөнгө угаах мөрдөн шалгах үйл ажиллагааг эрчимжүүлэх, прокурорт шилжүүлж, шүүхээр шийдвэрлэсэн хэргийн тоог нэмэгдүүлж, үр дүн гарахаар ажиллахыг FATF зөвлөсөн байна.














 



    A

    Жижиг

    A

    Дунд

    A

    Том

    Саарал жагсаалтад орсон гол шалтгаан нь оффшор, зэвсгийн наймаа байжээ

     0 сэтгэгдэл
    • Монгол Улс хоёр дахь удаагаа олон улсын санхүүгийн хоригт орлоо
    • Улс орнуудтай санхүүгийн "хэл"-ээр шууд харьцахад хүндрэл үүслээ 
    • ФАТФ дүгнэлтээ өнөөдөр албан ёсоор зарлана

    Монгол улс саарал жаг­саалта­д орсон талаарх мэдээл­лийг албан бус эх сурвалжаас хүлээн авлаа. Францын нийслэл Парис хотноо болж буй Мөнгө угаах болон терроризмыг санхүүжүүлэхтэй тэмцэх олон улсын байгууллага /ФАТФ/­ын ээлжит хурал гурав дахь өдрөө үргэлжилж байна. Маргааш буюу баасан гарагт албан ёсоор хурлын шийдвэрээ танилцуулах бөгөөд манай улстай холбоотой асуудал аль хэдийн тодорхой болжээ. ингэснээр Монгол улс хоёр дахь удаагаа олон улсын санхүүгийн хориг арга хэмжээнд өртөж байна. Өмнө нь буюу 2013 онд саарал жагсаалтад орж, үүнээс нэг жилийн дараа буюу 2014 онд зарим хууль, тогтоомжид нэмэлт өөрчлөлт оруулснаар мултарч байсан удаатай. тэгвэл энэ удаа дахин хоригийн хаалга татлаа. учир шалтгааныг тодруулбал, хар жагсаалтад орсон Сойд Солонгос буюу БНАСАУ-­тай зэвсэг техникийн наймаа хийж, дэлхий нийтийн өмнө терроризмын үйл ажил­ лагааг дэмжсэн, Монголын улстөрчидтэй холбоотой гаднын улсад илэрсэн оффшор данснууд саарал жагсаалт руу улсаараа гулсан орох гол шалтгаан болсон гэв. Үүнээс гадна Монгол улсыг төлөөлөн гадаадын оронд суугаа Элчин сайдын яамны ажилчид хар тамхины шил шилээ дарсан гэмт хэргүүдэд холбогдож, алт тэргүүтэй хориотой бараа, бүтээгдэхүүн нэвтрүүлэх дотоодын хил гаалиас болж саарал жагсаалтад Монгол улс данслагдсан аж. 

    Мөн Эдийн засгийн ил тодын хуулиар илэрсэн 35 их наяд төгрөг зэрэг нь дэлхийн улс орнуудтай санхүүгийн “хэл”-­ээр бид шууд харьцахад ихээхэн хүндрэл дагуулах нь. УИХ-­ын гишүүн С.Эрдэнэ сэтгүүлчдэд Монгол улс саарал жагсаалта­д орсон тухай хэвлэлийн хурал хийж, олон нийтэд лхагва гарагт мэдэгдсэн. тэгвэл түүний мэдэгдлийг Монголбанк үгүйсгэж, уг жагсаалтад орохооргүй байгаа төдийгүй зөвлөмжийн дийлэнх хэсгийг хангасан гэдгээ хариу хэвлэлийн хурлаар зарласан юм. Гэхдээ олон улсын санхүүгийн байгууллагын шийдвэр Монгол улсын эсрэг нэгэнт гарчээ. 

    Эрх баригчид уг мэдээллийг нуун дарагдуулж байсан шүүмжлэл өчигдөр мөн цахим орчинд гарсан юм. Саарал жагсаалта­д орсноор дэлхийн улс орнууд руу иргэд мөнгөн гуйвуулга хийх, Европын оронд ажиллах виз хүсэх, олон улсын картаа гадаадад ашиглах, аялах, гаднаас мөнгө хүлээн авах, шилжүүлэх, гадаадын шууд хөрөнгө оруулалт татах, бизнесийн харилцаа холбоогоо бэхжүүлэхэд багагүй саад бэрхшээл гарахаар байна. Саарал жагсаалта­д орсон улсын зээлжих зэрэглэл хөндөгдөхөөс гадна олон улсын зах зээлд гаргасан бондын үнэлгээ хүртэл яригддаг. тэрчлэн хөрөнгө оруулалт татах, томоохон төсөл хөтөлбөр хэрэгжих боломж тэр хэрээр хумигддаг байна. Манай улс 2021 оноос томоохон дүнтэй бондын өр төлбөр барагдуулахаар байгаа. ФАТФ нь 1989 онд үүсгэн байгуулагдсан билээ. Харин тер­роризмыг санхүүжүүлэх тухай ойлголт 2000 оны эхээр нэмэгд­жээ. тус байгууллагыг Засгийн газар хоорондын байг уул лага гэж үздэг бөгөөд 40 зөвлөмжийг улс орнуудад мөрдүүлж ирсэн. Монгол улс 2004 онд тус байгууллагын гишүүн улс болсноор дээр дурд­ сан зөвлөмжийг өнөө хангалтг үй биелүүлсэн орны тоонд эрэмбэ­лэгдэж буй. Саарал жагсаалт­аас үүдэн олон улсын төсөл хөтөлбөр саатах эрсдэл үүсэж болзош­ гүй байна. ФАТФ­-ын гишүүн орнуудад дээрх хориг үйлчилдэг юм.

    A

    Жижиг

    A

    Дунд

    A

    Том

    Өрхийн орлого тэлсэн ч талыг нь инфляц залгиж байна

     0 сэтгэгдэл

    Инфляцын 9 хувийн өсөлтийн өмнө эдийн засгийн 7 хувийн өсөлт хүчин мөхөстөж байна

    Эдийн засгийн өсөлтийг инфляц хөөс болгож байна. Энэ оны есдүгээр сард улсын хэмжээнд инфляц өнгөрсөн дөрвөн жил үзэгдээгүйгээр өсөж, хоёр орон тоог шүргэлээ. Монголын хүн амын бараг тэн хагас нь оршин суудаг Улаанбаатар хотод энэ үзүүлэлт хэдийн хос оронтой тоог давж, 10.5 хувьд хүрснийг статистикийн байгууллага мэдээлж байна.

    Монголын эдийн засаг өнгөрсөн хэдэн жилийн дээд цэгт хүрч өслөө хэмээн эрх баригчид сайрхах зуур үнийн өсөлт ч ойрын жилүүдэд харагдаагүй огцом дээшилж, дарга нарын ярих дуртай ДНБ-ий өсөлтийг дуулгаваргүй инфляц  дураараа баллуурдсаар. ДНБ дунджаар 6-7 хувиар өссөн ч инфляц үүнээс давж, есөн хувиар дээшилчихээр эдийн засгийн өсөлт улсын хөгжилд наалдаж, иргэдийн амьдралд мэдрэгдэх үү. Сүүлийн жилүүдэд арайхийн өндийж буй өрхийн орлогыг үнийн өсөлт үгүй болгож байна. Дундаж өрхийг Доржоор төлөөлүүлье л дээ. Энэ оны хоёрдугаар улиралд улсын жишиг орлого өмнөх оны мөн үеэс 18 хувь буюу 194 мянган төгрөгөөр өсжээ. Гэтэл инфляц уралдан урагшилснаар Доржийнх гэдэг айлын орлогын өсөлтийн тэн хагас буюу 97 мянган төгрөгийг үнийн өсөлт чимээгүй залгисан байна.

    Эдийн засаг 6-7 хувиар өсөхөд инфляц 9  хувь  өсөв

    Цалин хөлс, тэтгэвэр тэтгэмж нэмэгдэж буй ч үнэ мөчөөгөө өгөлгүй өссөнөөр өрхийн төсөвт хуримтлагдаж байгаа нь  багахан болж таарч байна. Өнгөрсөн хавраас хойш иргэдийн нуруун дээр давхар ачаа болж, орлогын өсөлтийг нь оргүй хоосон болгосон гол буруутан нь малын махны ханш хэмээн статистикийн байгууллага тодорхойлж байна. Өнгөрсөн сард л гэхэд инфляцын есөн хувийн өсөлтийн гурван нэгжийг махны үнийн өөрчлөлт бүрдүүлсэн байна. Үүний араас үнийн өсөлтийг өдөөгчдөөр шатахуун түлш, ус, дулааны үнэ бичигдлээ. “Урд хөршийн махны эрэлт нэмэгдэж, олон улсын зах зээлд газрын тосны ханш өссөн нь инфляцад нөлөөлсөн” хэмээн улиг болсон шалтгаануудыг албаныхан уламжлал болгон тоочиж байна. Монголд махны үнэ галзуурч, инфляц иргэдэд ачаа болсон нь урд хөрш, олон улсын зах зээл буруутай гэсэн утга агуулсан тайлбарууд ч албаныхны амнаас гарч буй. Буруугаа бусдаас хайж, өөрсдөө уснаас хуурай гарч, цэвэрхэн үлдэх гэж хичээдэг уламжлалт оролдлогыг төр, түмэн олон,төгрөгийн өмнө үүрэг хүлээсэн
    байгууллагууд удаа дараа хийсээр. Гэтэл мах, шатахуун түлш, ус, дулаан гээд стратегийн ач холбогдолтой бүтээгдэхүүн, үйлчилгээгээр иргэдээ тогтвортой хангах нь хэний үүрэг вэ. Сүүлийн хэдэн сар зогсолтгүй өсөж буй  инфляц бол төрийн бодлого, зохицуулалтын толь.

    Хэрэглээний үнийн индекс өссөнд төр мах, шатахууны үнийг буруутгав

    Төрийн бодлого зохицуулалт шаарддаг бараа бүтээгдэхүүний нийлүүлэлтийг тогтвортой хийж чадахгүй байгаагаас инфляц ийн өсчихөөд байгаа. Тиймээс үүнийг нийлүүлэлтээс шалтгаалсан инфляц хэмээн эдийн засагчид оношилж буй. Нөгөө талд, инфляцын өсөлт түр зуурынх гэж Монголбанк хэдэн сарынтурш тайвшрууллаа. Гэтэл түр зуурын инфляц бүтэн жилийн турш Монголын эдийн засагт үргэлжилж, иргэдийн халаасыг сэгсрэх нь. Ялангуяа, идээ будаа, ногоо цагаа элбэгшдэг намрын цагт инфляцын түвшин энэ жилийн дээд цэгт хүрлээ. Иргэдээ стратегийн бүтээгдэхүүнээр
    хангах үүрэгтэй Засгийн газар, төгрөгийн өмнө үүрэг хүлээсэн төв банк хэн хэн рүүгээ буруу чихэж байх зуур инфляц дураараа дургиж, иргэдийн нуруун дээр мордчихсон явна. Үнэндээ, инфляц бол үүрэг хүлээсэн байгууллагуудад тавьж
    буй зах зээлийн дүн. Хэдийгээр инфляц эдийн засгийн өсөлтийн тусгал болдог ч энэ дүнгийн гашууныг иргэд амсаж, ачааны хүндийг үүрдэг.

    Инфляц өсөхийн хэрээр иргэдийн орлого үнэгүйдэж, амьдралын түвшин урууддаг. Мөн хурааж хуримтлуулсан  хадгаламжийн бодит үнэ цэн буурч, бүтээмж, үйлдвэрлэл саардаг. Монголбанк хэрэглээний үнийн индексээр  илэрхийлсэн инфляцыг 2019-2020 онд найм, дунд хугацаанд зургаан хувь орчимд тогтворжуулахаар зорьж байгаа.
    “Дотоодын махны нийлүүлэлтэд доголдол үүсэхгүй гэж үзвэл 2020 оны сүүлийн хагасаас хүнсний инфляц буурч, оны эцэст инфляц зорилтот түвшний орчимд тогтворжихоор байна” хэмээн төв банкны Инфляцын тайланд дурджээ. Гэтэл ингэж бууруулах боломж улам хумигдсаар байна. Ирэх жил биднийг сонгууль угтсан, талийтал тэлсэн төсөв хүлээж буй. 2020 онд урд өмнө хийгдэж байгаагүй буюу 14 их наяд орчим төгрөгийн мөнгөний нийлүүлэлт Монголын эдийн засагт нэвчихээр хүлээгдэж байна.

    Сонгуулийн жилд төсвийн зарлага тэлэхээр байгаа нь инфляцыг улам өдөөх эрсдэлтэй

    Ийм их хэмжээгээр төгрөгийн нийлүүлэлт нэмэгдэхээр үнэ цэн буурч, инфляцын өсөлтийг өдөөнө. Нөгөөтэйгүүр, үнэ ханшийг үргэлж хөдөлгөдөг шатахуун түлшний үнэ ирэх саруудад тогтворжих баталгаа улам бүдгэрсээр байна. Өдгөө үе үе гал авалцаж буй Ойрх Дорнодын байдал хүндэрч, их гүрнүүд болонбусад олборлогчийн өрсөлдөөн ширүүсвэл
    газрын тосны ханш цойлно. Дээрээс нь дэлхийн эдийн засаг саарч, таваарын ханш савлаж байгаа нь төгрөгийн ханшийг холгож, шатахуун түлш зэрэг импортын барааны үнэ өсөх эрсдэлийг нэмэгдүүлнэ.
    Мөн Монголд махны үнэ өсөхөд хүргэсэн гахайн мялзан өвчин Азид тархсаар байна. БНХАУ- аас гадна БНСУ зэрэг оронд уг өвчний тохиолдол улам нэмэгдсээр байгаа нь ирэх саруудад бидэнд шууд биш ч дам байдлаар дарамт болж мэдэх нь.Энэ онтой харьцуулахад илүү олон эрсдэл инфляцыг хүлээж байна. Харин энэ оных шиг хариуцах ёстой, үүрэг  хүлээсэн байгууллагууд нь хэн хэн рүүгээ чихсэн, бодлого зохицуулалтгүй байвал үнийн өсөлтөд улсаараа дарамтлуулсан хэвээр байх нь.

    A

    Жижиг

    A

    Дунд

    A

    Том

    Бүртгэлтэй ажилгүй иргэдийн 56 хувь нь 15-34 насныхан байна

     0 сэтгэгдэл

    Өнгөрсөн сарын байдлаар бүртгэлтэй ажилгүй иргэдийн тоо 2018 оны мөн үеэс 15.6 хувиар буурч, 30.4 мянга болсон байна. Оны эхний есөн сард ажилгүй 58.7 мянган иргэн шинээр бүртгүүлж, бүртгэлтэй байсан 15.5 мянган иргэн ажилд зуучлагдан оржээ. Хэдий тийм боловч 47.8 мянган иргэн ажил идэвхтэй хайхгүй байгаа шалтгаанаар бүртгэлээс хасагдсан байна.

    Бүртгэлтэй ажилгүй иргэдийн талаас илүүг 15-34 насны залуус бүрдүүлж байгаа аж. Шинээр бүртгүүлэгчдийн дийлэнх нь ажлаас халагдсан шалтгаанаар бүртгүүлжээ. Одоогоор нийгмийн даатгалд даатгуулагчид 1.63 саяар тоологдож байгаа бөгөөд энэ нь ажиллах хүчний 82 хувийг бүрдүүлж байгаа юм.

    Хөдөлмөр эрхлэгчдийг эдийн засгийн үндсэн салбараар хувааж үзвэл, үйлчилгээний салбарт хамгийн олон буюу 616 мянган хүн ажиллаж байна. Харин хөдөө аж ахуйн салбарт 298 мянга, үйлдвэрлэлийн салбарт 247 мянган хүн ажиллаж байгаа аж. Дотоодын хөдөлмөрийн зах зээлд тулгарсан гол хүндрэл нь нарийн мэргэжлийн, чадварлаг боловсон хүчний хомсдол гэж бизнесийн зөвлөл, МҮХАҮТ-ын удирдлага үзэж байна.