A

Жижиг

A

Дунд

A

Том
http://zgm.mn/post/1309/

Хүн төвтэй бизнесийн хаанчлал айсуй

​Монголд хоёр хүн тутмын нэг нь ажилдаа сэтгэл ханамжгүй, солих хүсэлтэй байна​

Хүн төвтэй бизнесийн хаанчлал айсуй
 0 сэтгэгдэл

A

Жижиг

A

Дунд

A

Том
http://zgm.mn/post/1309/

АНУ-ын супермаркетын сүлжээ болох 38 жилийн түүхтэй Whole foods market-ийг үүсгэн байгуулагчийн нэг Жон Макей хэдэн жилийн өмнө Уол Стрийтэд хийсэн бизнес аяллаасаа АНУ-ын хамгийн амжилттай компаниудын нууцыг олж мэдсэн гэдэг. Түүний олж харснаар ажилчиддаа анхаардаг болон анхаардаггүй компаниуд хоорондоо хөгжил дэвшлээрээ эрс ялгаатай байжээ. Тэрбээр “Хүчирхэг, ухаалаг, эрүүл тогтолцоотой байгууллага ажилчиддаа өөрсдийнх нь үнэ цэнийг мэдрүүлдэг, ажил, үүргийн хуваарийг нь маш тодорхой гаргаж өгсөн байдаг” хэмээн хожим дурссан юм. Бизнесийн өршөөлгүй өрсөлдөөн хамгийн эрчтэй өрнөдөг Уол Стрийтээс эргэж ирээд Жон Макей компаниа байгуулахдаа дөрвөн зүйлд онцгойлон анхаарсан аж. Компаниа өрсөлдөөнийг саадгүй давдаг болгохын тулд тэрбээр ажилчиддаа өсөн дэвжих боломж олгож, бүтээмжийг нь нэмэгдүүлж, асуудлыг оновчтой, шинэлэг байдлаар шийдвэрлэдэг нэг үгээр бол, хүн төвтэй соёл төлөвшүүлжээ. Үүний үр дүнд өдгөө Whole foods market нь АНУ, Их Британи, Канадад 479 салбартай, 91 мянга давсан ажилчинтай, дэлхийн хэрэглэгчдийн хамгийн их үйлчлүүлдэг газар болжээ. “Компанийн өсөж дэвжих суурь болсон хүнээ анхаарснаар бүтээгдэхүүн, үйлчилгээ нь зах зээлд өндөр үнэлэгдэж байвал тухайн байгууллагын хүний нөөцийн бодлого зөв чиглэж байгаа гэсэн үг” хэмээн Монголын хүний нөөцийн судалгааны үндэсний хүрээлэнгийн захирал Г.Тэгшбүрэн хэлж байна. Өөрөөр хэлбэл, та ажилчиддаа санаа тавьбал ажилчид таны бизнест санаа тавина. Дэлхийн хамгийн алдартай технологийн компаниудын хүний нөөцийн бодлогыг нутагшуулж яваа New Media Group-ийн онцолж буйгаар ажилтан гэдэг байгууллагын хөрөнгө, өндөр байшин, гоё компьютерээс үнэ цэнтэй баялаг гэдгийг ойлгож, энэхүү баялгаа судалж, сургаж хөгжүүлж, арчлан, авъяас чадварыг нь нээх, боломж олговол байгууллагыг хөгжилд хөтлөх шидтэн хэмээдэг аж. Харамсалтай нь, Монголд компаниуд ашиг орлогоос илүү хүндээ анхаарах төлөвшил дутагдаж буй ШУА-ийн академич Т.Болд шүүмжилж байна.

АЖИЛ, АМЬДРАЛЫН НЭГДЭЛ БҮТЭЭМЖ ӨСГӨДӨГ

Гэртээ байгаа мэт тохижилттой оффис, ажлын цагийг зургаа болгож багасгасан шийдвэр зэрэг нь яг үнэндээ ирээдүйд улам эрчээ авах чиг хандлага боллоо. Яагаад гэвэл, өдгөө хөдөлмөрийн зах зээлийг жолоодож байгаа нь 1980-2000 оны хооронд төрөгсөд буюу Y үеийнхэн. Тэд гэртээ ирээд ажил ярих ёсгүй гэж үздэг өмнөх үеийнхнээс эрс ялгаатай. Харин ч ажил, амьдралын зааг ялгаа багасаж, ойртон нэгдэх тусам бүтээмж нь дээшилж буйг финтек компаниуд үлгэрлэж буй. Ажилчид кофе уухдаа, фитнест явахдаа, компьютер эсвэл ямар нэг спорт тоглоом хоорондоо тоглохдоо ажлаа тасралтгүй ярилцах нь ажлын бүтээмжийг нэмэгдүүлдэг байна. Хөдөлмөрийн зах зээлд ноёлогчдын 60 хувь нь ажил, амьдралын нэгдлийг илүүд үзэж буйг хүний нөөцийн судалгааны үндэсний хүрээлэнгээс судалж тогтоожээ. New Media Group-ийн Маркетингийн газрын захирал Т.Төгөлдөр “Хүн хүссэн цагтаа ажилласнаар сайн гүйцэтгэлтэй байдгийг шинжлэх ухаан тогтоосон. Тухайн хүн ажлаа хийх явцдаа дурладаг зүйлдээ ойрхон байвал бүтээмж нь дээшилнэ. Тэр нь компьютер тоглоом, спорт, магадгүй амттан гээд юу ч байж болно” гэв. Хүний нөөцийн мэргэжилтнүүдийн хийсэн судалгаагаар амттан худалдаж авахад зарцуулсан 5000 төгрөг ажлын бүтээмжийг 20 хувь нэмэгдүүлдэг аж.

ЖДҮ-ИЙН САЛБАРТ ХҮНИЙ НӨӨЦИЙН МЕНЕЖМЕНТ МУУ БАЙНА

2017 оны байдлаар бизнес регистрийн санд бүртгэлтэй 126.5 мянган аж ахуйн нэгжийн 50 гаруй хувь нь үйл ажиллагаа идэвхтэй явуулж буй. Үүнээс 51917 нь жижиг, дунд үйлдвэрлэлийн салбарт хамаарч буй бөгөөд нийт ажиллах хүчний 67 хувийг эзэлдэг байна. Гэтэл улсын хэмжээнд хэрэгжиж буй хүний нөөцийн бодлого, мэргэжлийн программ, зовлон жаргалаа ярилцдаг талбарт том компани, төрийн байгууллагууд идэвхтэй оролцдог. Тиймээс хөдөлмөрийн насны 1.2 сая орчим хүний 720 гаруй мянга нь хүний нөөцийн бодлогоос гадуурбайдаг гэсэн үг. Цаашлаад жижиг дунд үйлдвэрлэлд хүний нөөцийн орох, гарах урсгал их байх нь өсөлт хөгжилд нь саад болдог аж. Энэ нь зөвхөн үйлдвэрлэлийн салбарт бус байгууллагуудад учруулдаг гэнэ. Голомт банкны ерөнхийлөгч Г.Ганболд “1020 хүнтэй компанид нэг хүний хөдөлгөөн ч хүнд тусдаг. Гэтэл 2000 хүнтэй компани 50-100 хүн орж гарсан ч бүтээгдэхүүний чанар, үйлчилгээнд нөлөөлөхгүй. Манайд гэхэд жилд 200 эмэгтэй жирэмсний амралт авдаг” гэсэн юм. Тиймээс ЖДҮ-ийн салбарын хүний нөөцийг анхаарах шаардлагатайг тэрбээр онцоллоо. Хүний нөөцийн мэргэшсэн NPC&Mandal компанийн хийсэн судалгаагаар монгол хүний ажлын бүтээмж дэлхийн дунджаас 25 хувь доогуур байдаг байна. Уг нь монгол хүн аливааг маш хурдан сурдгийг япончууд судалж мэджээ. Япон хэлийг сурахад бусад орны иргэд дунджаар 1500 цаг заалгадаг бол монголчуудад 1200 цаг хангалттай байдаг аж. Хүний нөөцийн “Могул консалтинг” компани энэ хавар 500 хүнд хийхэд судалгаагаар хоёр ажилтан тутмын нэг нь ажилдаа сэтгэл хангалуун бус, ажлын байраа солих хүсэлтэйгээ илэрхийлсэн байна. Тэд энэ шийдвэрийг гаргахдаа өсөн дэвжих боломж, цалин хангамж болон сурч хөгжих орчинд үндэслэсэн байна. Гэтэл аж үйлдвэр өндөр хөгжсөн орнуудад зургаан хүн тутмын нэг нь ажилдаа сэтгэл ханамж муутай байдаг аж. Эдийн засгийн макро үзүүлэлтүүд компаниудын хувьд хүндээ хөрөнгө оруулах цаг болсныг илтгэж буйг МҮХАҮТ-ийн ерөнхийлөгч Б.Лхагважав онцоллоо. Тэрбээр “Эдийн засаг өсөж буй энэ үед компаниудад хамгийн хэрэгтэй байдаг гурван зүйлийн нэг нь чадварлаг боловсон хүчин. Хүний нөөцдөө хөрөнгө оруулж чадсан компаниудад л эдийн засгийн өсөлт бодитой нөлөөлнө” хэмээсэн юм.

БАЙР СУУРЬ

АЖИЛ ОЛГОГЧИД БИШ ГОРИЛОГЧИД ШААРДЛАГА ТАВЬДАГ БОЛСОН

“Могул консалтинг” компанийн гүйцэтгэх захирал Н.Жавхлан

-Монголд хүссэн8 хүсээгүй компаниуд ажилчдынхаа нийгмийн асуудлыг шийдсэн, хүн төвтэй болохоос аргагүй болж байна. Өмнө нь байгууллагууд нээлттэй ажлын байр зарлахад л хүмүүс анкет бөглөөд, хэдэн арваараа очдог байлаа. Одоо бол ажил олгогчдод ажил горилогчид шаардлага тавьж, сонгодог болсон байна. Гэхдээ бодит байдалд компаниуд хүн төвтэй бодлого хэрэгжүүлж чадаж байгаа эсэхэд нь би эргэлздэг. Яагаад гэвэл, шинэ үеийнхнээ ойлгохгүй, тэдэнд чиглэсэн бодлого хэрэгжүүлж чадахгүй бол шинэ үеийнхэн ажиллахгүй. Ямар ч байгууллага ажилтангүйгээр явахгүй шүү дээ.

МОНГОЛ УЛС АНГУУЧИЛЛЫН ТАЛБАР БОЛСОН

Голомт банкны ерөнхийлөгч Г.Ганболд

Монголд “Talent hunting” буюу авьяаслаг ажилчдыг ангуучлах ажил хэдийн эхэлсэн. Ялангуяа, мэдээлэл технологийн салбарт АНУ-д төвтэй хоёр их сургуулийн салбар 4-5 жилийн өмнөөс орж ирсэн. Банкууд, үүрэн холбооны оператор компаниудын мэдээлэл технологийн мэргэжилтнүүдээ тэдэнд алдаж эхэлсэн. Тэд Монгол компаниудын хувьд хөдөлмөрийн зах зээл дээр өрсөлдөхөд хүнд нөхцөл амлаад боловсон хүчнийг нь аваад явдаг. Авъяаслаг ажилчид байгууллагад нийт ажилчдын магадгүй 5-6 хувийг эзлэх ч ашигт ажиллагааг нь хангахад 80-90 хувийн хөшүүрэг болдог. Тиймээс тэднийг авч үлдэх, хөгжүүлэх гээд авъяасын менежментэд анхаарах цаг болсон.

АЖИЛЧИД БОЛ БАЙГУУЛЛАГЫН БИЗНЕСИЙН ТҮНШ

Хүний нөөцийн судалгааны үндэсний хүрээлэнгийн захирал Г.Тэгшбүрэн

Хүний нөөцийн удирдлага бол байгууллагын бизнесийн түншийн зарчмаар явдаг. Өөрөөр хэлбэл, байгууллагын бизнес хүн дээр суурилж хөгждөг гэдгийг удирдлага ойлгож, хүн төвтэй байхад онцгойлон анхаарах ёстой. Монголд бизнесийн байгууллагууд том, жижиг гэлтгүй бүгд л хүний нөөцийн бодлогодоо хүн төвтэй томъёолол баримталж байгаа. Гэхдээ хэрэгжүүлж чадах эсэх нь цаг хугацаанаас хамаардаг. Сайн компаниуд 1-2 жилд хэрэгжүүлж байгаа бол чадавх муутай нь 5-6 жилээс наашгүй. Гэхдээ зөв зүгтээ явж буй тул хэзээ нэгэн цагт хүрэх л байх, тэр цагт хөгжиж эхэлнэ гэсэн үг.

A

Жижиг

A

Дунд

A

Том

Архины үйлдвэрүүдийн түүхий эд, спиртийг ариутгалын бодис болгоно

 0 сэтгэгдэл

Халдваргүйтгэл хийх ариутгалын бодисны тасалдал үүсээд байгаа нөхцөлд спирт, архины үйлдвэрүүдийн түүхий эдийг архи биш ариутгалын бодист ашиглах тухай шийдвэрийг өчигдөр болсон Засгийн газрын хуралдаанаар гаргажээ. Ингэснээр ариутгалын бодисын импортын тасалдлыг нөхөх юм байна.  Мөн БНСУ-аас эмч, мэргэжилтнүүдийн хамгаалалтын хувцсыг авахаар төлөвлөж байгаа юм. 

Эх сурвалж: www.gogo.mn

A

Жижиг

A

Дунд

A

Том

Италид Covid-19-ийн халдвараар 12 хүн нас барлаа

 0 сэтгэгдэл

Covid-19-ийн халдвар авсан хүний тоо дэлхий даяар 81 мянга давж энэ вирусээр нас барагсдын тоо 2,700 гараад байгаа юм. Хамгийн анх энэ өвчин гарсан газар буюу БНХАУ тэр дундаа халдварын голомт Ухань хотод вирусийн тархалт нэмэгдэх нь илт багасаж, уг вирусийн халдварыг тогтоон барьж хяналтдаа авсанд албан бусаар тооцогдоод байгаа бол БНСУ, Иран, Италид халдвар авагсдын тоо эрс нэмэгдэж аюулын харанга дэлдлээ. 

Итали улсад маш хурдацтай буюу нэг шөнийн дотор 147-оор нэмэгдэж, халдвар авсан хүмүүсийн тоо нийтдээ 470 болоод байгаа бол одоогийн байдлаар БНСУ-тай адил 12 хүн нас бараад байна. Тус улсын хойд хэсэгт байрлах тархалтын голомт болоод буй 11 тосгоныг хөл хорионд оруулж, олон нийтийн үйл ажиллагааг зохион байгуулахыг хориглосон бөгөөд сургууль цэцэрлэг, кино театруудыг хаажээ. Сүүлийн хоёр хоногт Бразил, Австри, Хорват, Грек, Норвеги, Швейцарь, Гүрж, Умард Македон улсад Covid-19-ийн шинэ тохиолдол бүртгэгдээд байгаа юм. Эдгээр халдвар авсан хүмүүсийн ихэнх нь Италид очоод эх орондоо эргэж ирсэн хүмүүс байжээ. Тухайлбал, Латин Америкт илрээд байгаа анхны өвчтөн Италид бизнес уулзалтад оролцсон байжээ. 

Үүнтэй холбоотойгоор Италийн бүлэглэл өчигдөр Хятад эзэнтэй үсчний газар луу халдсан байна. Тэд эх оронд нь Covid-19-ийн халдвар тархсанд тэднийг буруутай гэж үзжээ. 

Эх сурвалж: www.worldometers.info

www.reddit.com

A

Жижиг

A

Дунд

A

Том

БНСУ-тай хийх бүх нислэгийг зогсоолоо

 0 сэтгэгдэл

Улсын Онцгой комисс дөнгөж сая хуралдаж дууссан бөгөөд шийдвэрлэсэн асуудлынхаа талаар мэдээлэл хийж байна. Хуралдаанаар БНСУ-ын Бусан, Инчеон хотууд руу хийх бүх нислэгийг 2020 оны гуравдугаар сарын 2-ныг хүртэл түр хугацаагаар зогсоох шийдвэр гаргалаа. Энэхүү шийдвэр маргааш буюу хоёрдугаар сарын 25-наас хэрэгжиж эхэлнэ. Дамжин өнгөрч байгаа буюу транзит зорчигчдын хувьд зөвхөн Инчеоны нисэх буудлаас авах зохицуулалтыг хийжээ. Энэ талаар Зам тээврийн хөгжлийн сайд Б.Энх-Амгалан “Гуравдугаар сарын 2-ныг хүртэл нийтдээ 18 нислэг байна. Бусанаас 4 удаагийн нислэг байгаа бөгөөд 367 зорчигч тийзээ захиалжээ. Нийтдээ 3668 хүн тийзээ авсан бол 2504 хүн явах захиалга өгсөн. Эдгээр тийзүүд үнэгүй буцаагдана. Мөн бид авиа компаниудад хорио тавигдсан үед одоо авсан тийзээр зорчих бололцоо, боломжийг хангаж өгөх чиглэлийг өгч байгаа. Солонгосын чиглэлд зургаан авиа компани нислэгээ цуцалсан. Мөн авиа компаниудад тархалтыг газар авахуулахгүйн тулд агаарын хөлөгт халуунтай хүмүүсийг суулгахгүй байх, шалгалтыг нарийн явуулах, халдварын бүсээс ирсэн хүн суулгахгүй байхыг онцгой анхаарах чиглэл өгсөн байгаа” гэлээ. 

Эрүүл мэндийн сайд Д.Сарангэрэл “Иран, БНСУ, Итали болон бусад орнуудад шинэ коронавирусийн халдвар ноцтой болж байгаатай холбогдуулан энэ тархалт дэлхийн цар тахлын түвшинд хүрэх вий гэдэг болгоомжлол байгааг ДЭМБ-аас мэдэгдсэн. Өнөөдрийн байдлаар манай улсад Замын-Үүдэд 104, Дорнодод 5, ХӨСҮТ-д 9, нийт 134 тохиолдлыг тусгаарлаад байна. Энэхүү халдварт өвчнөөс сэргийлэх хамгийн чухал алхам бол хөдөлгөөний хязгаарлалт хийх юм. Тиймээс УОК-оос дээрх шийдвэрийг гаргасан. БНСУ-ын ерөнхийлөгч шинэ коронавирусийн халдварын үед бүх иргэдийн төлбөрийг дааж, оношилж эмчлэх тухай сайхан мэдээг дуулгасан. Гэхдээ ГХЯ, ЭМЯ Монгол улсынхаа иргэдэд онцгойлон анхаарал хандуулах чиглэлд  хамтран ажиллаж байгаа. Шинэ коронавирусийн халдвар 29 улсад илэрч, 79 мянган хүн халдвар аваад байна” гэлээ. ГХЯ-ны сайд Д.Цогтбаатар “Солонгосын талтай байнгын харилцан холбоотой ажиллаж байгаа. Манай улсын иргэд коронавирустэй холбоотой асуудлаар эмнэлэгт үзүүлэх тохиолдолд ямар нэгэн төлбөр тооцоо шаардахгүй гэсэн мэдээллийг өгсөн. Бид үл ойлголцол үүсгэхгүй байх тал дээр ажиллаж байна. Дэгүд байсан, зорчсон, ирж байгаа иргэдэд түр хугацаагаар виз олгохгүй байх шийдвэрийг гаргасан” гэлээ.

Эх сурвалж: www.gogo.mn

A

Жижиг

A

Дунд

A

Том

Сар шинийн өдрүүдэд гэртээ байж, айлаар зочлохгүй байхыг ОНЦГОЙЛОН ХҮСЛЭЭ

 0 сэтгэгдэл

  • БНХАУ-ын 31 муж вирусийн халдварыг хяналтандаа авахыг хичээж байгаа ч бусад оронд тархалт өндөр байна

Шинэ коронавирусийн халдвараас урьдчилан сэргийлэхийн тулд эрүүл мэндийн байгууллага төдийгүй холбогдох байгууллагууд 24 цагийн бэлэн байдалд ажиллаж байгаа бөгөөд ирэх долоо хоногт тохиох сар шинийн баярын өдрүүдэд иргэдийг гэртээ байж, айлаар зочлохгүй байхыг онцгойлон анхаарууллаа. Хэдийгээр манай улсад шинэ коронавирусийн халдварын тохиолдол бүртгэгдээгүй хэдий ч нийгмийн эрүүл мэндийн байдлын үнэлгээг таван удаа хийсний эцэст коронавирус манай улсад зөөвөрлөгдөн ирэх эрсдэл өндөр байна гэж гараад буй. ЭМЯ-ны Шуурхай удирдлагын газрын дарга Д.Нарангэрэл “Сар шинийн баярын өдрүүдэд эрсдэл өндөр нөхцөл байдалд байна. Монголчуудын ихэвчлэн зорчдог, олон хүн оршин суудаг Япон, БНСУ зэрэг азийн орнуудад халдвар эрчтэй тархаж, 24 цагийн дотор зуу, зуугаараа нэмэгдэж байна. БНСУ-ын дөрвөн муж, зургаан хотод халдварын тохиолдол бүртгэгдээд байгаа бөгөөд Дэгү хотын иргэн сүмд залбирал үйлдэж, эмнэлэгт хандсанаас болж ийнхүү халдварын тохиолдол нэмэгдээд байгаа юм. Нэг хүнээс маш олон хүнд халдвар тархаж болдог гэдгийг энэ үйл явдал харуулж байгаа бөгөөд манай эрдэмтэн, судлаачдын тооцооллоор нэг хүн халдвар авахад цаашид таван хүнд нэг дор тарааж, тэр таван хүн нь таван мөчлөгийн хугацаа буюу таван үе дамжихад 384 хүнд халдвар тарааж болох юм гэсэн судалгааг хийсэн. Олон улсад өгч байгаа зөвлөмжид хүн амын бөөгнөрлийг үүсгэхгүй байх, өвчлөлийн сэжигтэй хүн олон нийтийн газар, эмнэлгээр явахгүй, гэр гэртээ байхыг зөвлөж байна. Тиймээс иргэд онцгой анхааралтай байж, гэр гэртээ байж, айлаар зочлохгүй байхыг онцгойлон хүсэж байна” гэсэн юм. БНХАУ-ын 31 муж вирусийн халдварыг хяналтандаа авахыг хичээж байгаа ч бусад оронд тархалт өндөр байна гэдгийг ДЭМБ, эрдэмтэн судлаачид анхааруулж байна.

Эх сурвалж: www.gogo.mn