A

Жижиг

A

Дунд

A

Том
http://zgm.mn/post/763/

Цахилгаан машины төлөөх тулаан ширүүслээ

​2040 онд нийт автомашины 50 хувь нь цахилгаан болно гэж тооцоолжээ ​

Цахилгаан машины төлөөх тулаан ширүүслээ
 0 сэтгэгдэл

A

Жижиг

A

Дунд

A

Том
http://zgm.mn/post/763/


Дэлхийн автомашин үйлдвэрлэгчид цахилгаан машины салбарт алдагдал хүлээсээр байгаа хэдий ч хөрөнгө оруулалтаа улам нэмэгдүүлж байна. Эрэлт бага, эд анги, түүхий эд нь үнэтэй, үйлдвэрлэлийн өртөг өндөр зэрэг шалтгааны улмаас цахилгаан машины үйлдвэрүүд ашиггүй ажилладаг. Дэлхий нийтийн цахилгаан машины хэрэглээ 2021 оноос эхлэн эрчимжиж, энэ салбарын ашиг орлого эрс нэмэгдэнэ гэж Америкийн компаниуд үзэж байгаа. Tesla, General Motors, Volkswagen болон Toyota Motor тэргүүтэй цөөн компани энэ салбарт 2030 он хүртэл 100 тэрбум ам.доллар зарцуулахаа мэдэгдсэн. 2040 он гэхэд цахилгаан машин нь нийт автомашины зах зээлийн 50 хувийг эзэлсэн байх болно гэж тооцоолжээ. General Motors болон Tesla компани 2026 он гэхэд цахилгаан машины жилийн борлуулалтаа нэг саяд хүргэнэ гэж тус тус төлөвлөсөн. Volkswagen, Toyota Motor компани 2025 онд тус бүр гурван сая цахилгаан машин үйлдвэрлэсэн байх болно гэж мэдэгдээд байгаа.

Ачааны болон том оврын машины үйлдвэрлэлд анхаардаг Ford хүртэл энэ салбарт 2025 он хүртэл 11 тэрбум ам.доллар зарцуулахаар болсон. Tesla компани шанхайн чөлөөт худалдааны бүсэд цахилгаан машины үйлдвэр байгуулахаар хэлэлцээр хийж байна. Өнөөдрийн байдлаар цахилгаан машины үйлдвэрлэлд АНУ-ын компаниуд 25 тэрбум, Хятад 21 тэрбум, Герман 52 тэрбум ам.долларын хөрөнгө оруулалт хийхээ мэдэгдээд буй. Европын орнууд автомашинаас гарах хорт хийг бууруулахын төлөө цахилгаан машины үйлдвэрлэлийг нэмэгдүүлэхийг дэмжиж байгаа. Энэ дэмжлэг, шахалт шаардлагын дагуу Германы Daimler AG компани гэхэд 11.7 тэрбум ам.долларыг цахилгаанаар ажилладаг 10 шинэ загвар, хосолмол хөдөлгүүртэй 40 төрлийн машин үйлдвэрлэхээр шийдсэн байна. Утаагүй машин үйлдвэрлэх шаардлагыг Volkswagen хамгийн идэвхтэй хүлээн авч, энэ салбарт 40 тэрбум ам.доллар зарцуулахаар шийдсэн. Энэ ажлын хүрээнд тус компани бүх машиндаа хосолмол, эсвэл цахилгаан хөдөлгүүр тавих зорилт тавьжээ.

Prius-ыг 18 жил борлуулсны дараа зах зээлийн гурван хувийг л эзэлжээ

Үйлдвэрлэгчид цахилгаан машины салбарт хөрөнгө оруулалт нэмж байгаа ч ойрын үед ашиг орлого харагдахгүй байна. Японы Toyota Motor компани хосолмол хөдөлгүүртэй Prius загварын машиныг 10 жилийн турш нийлүүлж байж ашигтай ажиллаж эхэлсэн. Тус компани хосолмол хөдөлгүүртэй машиныг 18 жил борлуулсны дараа нийт зах зээлийнхээ дөнгөж гуравхан хувийг “цахилгаан” болгож чаджээ. Цахилгаан машин үйлдвэрлэгчид шинэ технологийн төлөө эрсдэл үүрч байгаа өөр нэг тод жишээ бол General Motors. Тус компани 37 мянган ам.долларын үнэтэй Bolt загварын нэг машин үйлдвэрлэх бүртээ 7400 ам.долларын алдагдал хүлээж байна гэж мэргэжилтнүүд дүгнэсэн байдаг. Bolt машины зай хураагуур болон хөргүүр, удирдлагын систем нийлээд 12,300 ам.доллар учраас өндөр үнэтэй байх нь аргагүй. Цахилгаан машин нь зай хураагуурын түүхий эдийн олборлолт, үйлдвэрлэлээс шууд хамааралтай. Энэ салбарт Toyota, LG Chem, Samsung зэрэг компани төвлөрч, литий-ионы зай хураагуурын технологийг сайжруулахаар ажиллаж байна.

Газрын ховор элементийн нөөцөөр баялаг Хятад цахилгаан зай хураагуурын технологид хөрөнгө зарцуулж, энэ зах зээлд ноёрхлоо тогтоохыг зорьж байна. Хятад нь цахилгаан автомашин, тэр дундаа үүний зай хураагуурын үйлдвэрлэлд дэлхийд тэргүүлнэ гэдэгтээ итгэлтэй байгаа. Тус улсад энэ чиглэлээр олон компани үйл ажиллагаа явуулж байгаагийн нэг нь CATL юм. Машины зай хураагуур үйлдвэрлэгч тус компани удахгүй дэлхийн зах зээлээс 2.3 тэрбум ам.долларын хөрөнгө босгож, үйл ажиллагаагаа өргөжүүлэхээр зэхээд байна. Хөрөнгө оруулалтын хүрээнд АНУ-ын Невада мужид 1.3 тэрбум ам.долларын өртгөөр машины зай хураагуурын үйлдвэр байгуулна. CATL зах зээлд гаргах 10 хувийн хувьцаагаа 20 тэрбум ам.доллараар үнэлсэн байна. Ингэснээр тус компани хүчин чадлаараа америкийн Tesla-г гүйцэж түрүүлэх юм. Одоогоор Хятад нь дэлхийн машины зай хураагуурын зах зээлийн гуравны хоёр хувийг нийлүүлдэг. Энэ салбарын 20 том үйлдвэр байгаагийн тал нь хятадынх. Тэгэхээр Хятадууд ирээдүйн машины зах зээлд ноёлох нь тодорхой болоод байна.

Цахилгаан машины зах зээлд судалгаа шинжилгээний ажил хийдэг Benchmark Mineral Intelligence-ийн захирал Саймон Муурс хэлэхдээ “дэлхий нийтээрээ цахилгаан машины үйлдвэрлэлд яагаад хошуураад байна вэ? Ирээдүйд бид хар утаа савсуулж, байгаль орчин бохирдуулсан машин унахгүй нь тодорхой. тэгэхээр цахилгаан машинд хүн төрөлхтөн шилжинэ. Хэн Литийн ханган нийлүүлэлтийг атгаж байна тэр цахилгаан машины зах зээлд ноёлно. Цахилгаан машины үнэ өртөг өндөр байгаа учир нь зай хураагууртай холбоотой. Зай хураагуурын үйлдвэр хөгжөөд ирвэл үнэ өртөг эрс буурна” гэжээ. Дотоодын нөөц хангалтгүй учраас хятадын Засгийн газар Австрали, Чили, Африк тивийн Литийн уурхайг онилоод байна. Хятадын Great Wall Motor компани өнгөрсөн оны есдүгээр сард Австралийн Литий олборлогч Pilbara Minerals-ийн хувьцаанаас худалдаж авсан бол сарын дараа Tianqi Lithium Чилийн уул уурхайн SQM-д нөлөөллөө тогтоосон. Мөн онд Хятадын төрийн өмчит компани Конго дахь кобальтийн уурхайг 2.5 тэрбум ам.доллараар худалдаж авсан.

A

Жижиг

A

Дунд

A

Том

Короновирусийн шинжилгээг роботоор хийлгэнэ

 0 сэтгэгдэл

Испани улс коронавирусийн шуурхай шинжилгээ авах процессыг автоматжуулахын тулд робот парктай болохоор төлөвлөж байна. Цар тахлын халдварыг хязгаарлан тогтоох тэмцэлд шуурхай шинжилгээ чухал үүрэгтэй ч эмнэлгийн ажилтнууд вирусээр халдварлах эрсдэл өндөр. Тус улсад халдварын улмаас эмч, эмнэлгийн ажилтны хомсдол хэдийн нүүрлэж эхэллээ. Испанид коронавирусийн халдвартай гэж оношлогдсон 35,000 хүнээс 12 орчим хувь нь эрүүлийг хамгаалах салбарын ажилтнууд байгаа юм. Шинжилгээ авах ажлыг роботод даатгаснаар вирус халдах эрсдэл эрс буурна. Мөн Испанид нэг өдөрт авах шинжилгээний тоо одоогийнхоос дөрөв дахин нэмэгдэж 15,000-20,000 орчим болно. Вирусийн шинжилгээг автоматжуулах төлөвлөгөө хэдийн бэлэн болсныг Мадрид дахь Карлос III-ийн эрүүл мэндийн хүрээлэнгийн захирал Рейчел Йотти бямба гарагт болсон эрүүл мэндийн яамны хэвлэлийн хурал дээр мэдэгдсэн юм. Тус улс өдөртөө 80,000 хүртэл шинжилгээ гүйцэтгэх боломж бүрдүүлэх дөрвөн ширхэг роботыг тун ойрын хугацаанд ашиглалтад оруулахаар төлөвлөж байна.

A

Жижиг

A

Дунд

A

Том

Diamond Princess-т байгаа хүмүүст 2000 ширхэг iPhone тараажээ

 0 сэтгэгдэл

Коронавирус тархсаны улмаас Японы Йокохамагийн боомтод хориотой зогсож буй Diamond Princess круиз онгоцон доторх зорчигч болон хөлгийн багийнханд шаардлагатай шуурхай холбоо үүсгэх үүднээс iPhone ухаалаг утас тараасныг Macotakara сайт мэдээлэв. Круиз онгоцны зорчигчийн тасалгаа, багийнхны өрөөний тоогоор тооцож, Японы үүрэн холбооны Softbank компанийн холболттой 2000 ширхэг iPhone ухаалаг утсыг хуваарилжээ. Шаардлагатай үед яаралтай холбоо барихад тус болох үүднээс тус утсанд нь эмчтэй шууд холбогдох мобайл аппликэйшн суулгажээ. “Эм тариа зэрэг шаардлагатай зүйлсийн талаар чатаар лавлах, хүсэлт гаргах, эмчээс зөвлөгөө авах гэвэл Японы Эрүүлийг Хамгаалах, Хөдөлмөр, Нийгмийн Хамгааллын Яамны тусгай программ ашиглана уу” гэсэн тайлбарыг уг программын ашиглалтын зааварт бичжээ. Уг хөлөг дээр байгаа иргэдээ АНУ ням гарагт шилжүүлж авахаар болсныг Токио дахь Элчин сайдын яамнаас мэдэгдсэн байна.

A

Жижиг

A

Дунд

A

Том

Европ тив мобайл төхөөрөмж цэнэглэх нэг төрлийн залгуур ашиглана

 0 сэтгэгдэл

Европын зах зээлд борлуулах цахим төхөөрөмжийн цэнэглэх залгуур ердөө ганц стандарттай байх шийдвэрийг Европын парламент дэмжлээ. Зах зээл дээр төрөл бүрийн цахим төхөөрөмж цэнэглэх олон янзын коннектор ашиглаж байгаа нь хэд хэдэн бэрхшээл учруулдаг. Тус тивийн хэрэглэгч ухаалаг утас, таблетын зориулалттай олон арван тонн хэрэгцээгүй холбогч кабель хаядаг нь байгаль орчин, эдийн засагт асар их хохиролтой. Асуудлыг шийдвэрлэх үүднээс цаашид Европ тивд борлуулах бүх ухаалаг утас, таблет төхөөрөмжийг USB Type-C тэгш хэмт порттой байхаар зааж өглөө. Зөвхөн нэг төрлийн порт ашигласнаар худалдаанд гаргаж буй цахим төхөөрөмжид заавал холбогч кабель дагалдуулах шаардлага арилж, хэрэглэгч хуучнаа ашигладаг болох юм. Нэгдсэн стандарт ашиглах саналыг Европын парламентын 582 гишүүн дэмжиж, 40 гишүүн эсэргүүцсэн байна. Уг саналын дагуу Европын комисс долдугаар сард шинэ зохицуулалт боловсруулах ёстой. Европ тивийн санаачилгыг бүх цахим төхөөрөмж нь Lightning залгууртай Apple компани ширүүн шүүмжиллээ. Уг санаачилга нь инновацид саадтай төдийгүй хэрэглэгчдийг хохироосон арга хэмжээ хэмээн “Алиман” эзэнт гүрэн үзэж байна. 

A

Жижиг

A

Дунд

A

Том

Samsung-ийн сав баглаа сэтгүүлийн ширээ, муурын гэр болно

 0 сэтгэгдэл

Samsung Electronics-ын санаачилсан инновацлаг шинэ аргын ачаар телевизийн картон цаасан хайрцгийг хаяхын оронд айл гэрийн интерьерийн нэг хэсэг болгож болно. Samsung-ын шинэ The Seriff цувралын телевизийг Eco-Pac kage хэмээн нэрлэсэн, хүрээлэн буй орчинд халгүй өвөрмөц картон хайрцагт савлаж байгаа юм. The Serif нимгэн телевиз худалдан авсан хэрэглэгч картон цаасан хайрцгийг нь хаяхын оронд сэтгүүлийн ширээ, муурын байшин, орны хажуугийн шургуулгатай ширээ юм уу номын тавиур болгон угсрах юм. Угсрах зааврыг картон хайрцгийн гадна талд байгаа QR-кодоор нь гар утсандаа хүлээн авна. Зааврын дагуу хайрцаг дээр харандаагаар шугам татан зүсэж тус тусдаа эд анги болгоод тавилга болгон угсрах ёстой. Угсрах ажиллагаа 30-40 минутаас хэтрэхгүй. Энэхүү өвөрмөц Eco-Pac kage байгалийн нөөцийг зохистой ашигласны төлөө олгодог CES Innovation Awards тусгай шагнал хүртээд байна. Samsung компани 2019 оны эхний хагасаас чихэвч, ухаалаг утаснаас эхлээд том оврын ахуйн цахилгаан хэрэгсэл хүртэлх бүх бүтээгдэхүүнийхээ хайрцаг сав, баглаа боодолд био хуванцар, дахин боловсруулсан цаас, картон ашигладаг болжээ.