A

Жижиг

A

Дунд

A

Том
http://zgm.mn/post/2472/

Цахим даатгалыг хөгжүүлье

Цахим даатгалыг хөгжүүлье
 0 сэтгэгдэл

A

Жижиг

A

Дунд

A

Том
http://zgm.mn/post/2472/


Манай орны өргөн уудам газар нутаг, цөөн хүн амтай хэв шинжид мэдээллийн технологи ашиглаж үйлчилгээгээ хүргэх нь нэн тэргүүнд авч хэрэгжүүлэх арга хэмжээ юм. Сүүлийн үед мэдээллийн технологийн хөгжил бүх салбарт хүчтэйгээр нэвтрэн орж, цаг зардал хэмнэснээр үйлчилгээнд дэвшил, хэрэглэгчдэд таатай нөхцөл авчирч байна. Ялангуяа санхүүгийн хүртээмж нэрээр санхүүгийн үйл ажиллагаанд өргөн хүрээг хамран хэрэгжиж байна. Түүний дотор даатгалын салбарт тодорхой боломжийг бий болгож байгаа юм. Жолоочийн хариуцлагын албан журмын даатгалыг мэдээллийн технологийн дэвшилийг ашиглан иргэдийн гарт хүргэлээ. Жолоочийн даатгалын мэдээллийн санд шинэ платформ /МИИС++/ нэвтрүүлснээр даатгуулагч нар даатгалын байгууллага дээр заавал очих биш даатгалын байгууллагатай даатгуулагчдыг технологиор холбох байдлаар бизнесийн үйл ажиллагааны чиглэлийг өөрчилж даатгалын зардлыг бууруулж үйл ажиллагааг хурдан шуурхай найдвартай болголоо.

Жолоочийн албан журмын даатгал нь дэлхийн 166 оронд хэрэгжсэн 100 гаруй жилийн түүхтэй даатгалын бүтээгдэхүүн бөгөөд Монгол улс хамгийн отгон хэрэгжүүлэгч юм.

Төрийн нээлттэй мэдээллийг албан журмын даатгалд ашигласнаар иргэдээс элдэв бичиг баримт шаардах хүнд сурталыг багасгаж, мэдээллийн чанарыг сайжруулж төрийн хууль тогтоомжийн хэрэгжилтийг нэг мөр хангаж байна. Иргэд хоорондын мөнгөн шилжүүлгийг гар утаснаасаа хийдэг болоод удаж байна. Тэгвэл одоо гар утаснаасаа даатгалын үйл ажиллагааг хийх боломжийг бий болголоо. Тус Холбоо энэ үйлчилгээг бий болгохдоо сүүлийн жилүүдэд эрчимтэй хэрэгжиж байгаа блокчэйн технологийг ашиглаж байгаа юм. Бид олон улсын хэмжээнд даатгалын салбарт анхдагч болж олон улсын даатгалын байгууллага дундаа өөрийн үйл ажиллагаандаа блокчейн суурьтай онлайн програмыг цахим гарын үсэг ашиглаж албан журмын даатгал хийх боломж бий болгож чадсандаа баяртай байна.

Энэ технологийг ашигласанаар мэдээллийн аюулгүй байдлыг сайжруулж, даатгуулагчийн мэдээллийг засах өөрчлөх, даатгалын луйвар хийх боломжийг бүрмөсөн таслан зогсооно. Блокчейн технологийг албан журмын даатгалд ашигласнаар хэрэглэгчдэд ээлтэй даатгалын үйл ажиллагааг зохион байгуулж харилцагчийн сэтгэлд нийцсэн үйлчилгээний шаардлагыг хангаж байна.

Блокчэйн технологи гэхээр зарим хүмүүс биткойн болон криптовалюттай хольж ойлгох нь нийтлэг байна. Үнэндээ биткойн болон криптовалют нь блокчейн технологид суурилсан нэг л бүтээгдэхүүн юм. Энэ технологийг ашиглаад олон мянган бүтээгдэхүүн үйлчилгээг шинээр бий болгож одоо ашиглаж байгаа програм, системтэйгээ хослуулан бидний өнөөг хүртэл шийдвэрлэж чадахгүй байсан олон асуудлыг нэг мөр шийдэх боломжийг бий болгоод байна.

Бүү эргэлз. Оюун ухаанаа зарцуулж оролдвол нэгийг бүтээнэ.

Дэлхийн ирээдүйн чиг хандлагыг тодорхойлж буй энэ технологийг ашиглаж эхлэхэд зарим байгууллага хувь хүмүүс гайхшран хүлээж авч байсан.

Дэлхийн улс гүрнүүд, санхүүгийн том корпорацууд блокчэйн технологийг ашигласан төсөл хөтөлбөрөө нэгэнт эхлүүлжээ.Түүний дотор Монголын Албан журмын даатгагчдын холбоо төсөл хөтөлбөрөө боловсруулж дуусгаад нэвтрүүлж эхлээд байна.

Бид гараанаас сугаран гарч барианд манлайлан орлоо. Харин яаж угтаж айраг мялаахыг даатгуулагчдын оюун ухаан мэдтүгэй.

Орчин үетэй хөл нийлүүлэн мэдээллийн технологийн хөгжлөөс хоцрохгүй байх нь нас, байгууллагын статус, нөхцөл байдлаас үл хамаарах юм. Зориглоод судлаад оролдоод эхлүүлвэл бид салбартаа амжилттай анхдагч болж, хэрэглэгчээ бодсон шийдэл гарцыг үргэлж шинээр хийж, сайжруулах боломжтойг манай Албан журмын даатгагчдын холбоо харуулж байна.

Манай байгууллага дижитал шилжилт, Цахим Монгол хөтөлбөрийг өөрийн үйл ажиллагаандаа бодитой нэвтрүүллээ.

Бидний хэсэг монголчууд өөрийн хувь нэмрийг монголын хөгжил дэвшилд оруулж байна.

Технологийн дэвшлийг оновчтой сонгон авч ашиглах замаар Монгол улсын хөгжилд бодитой хувь нэмэр оруулахыг мэргэжил нэг нөхөддөө уриалж байна.

Албан журмын даатгагчдын холбооны гүйцэтгэх захирал Д.ЦЭВЭЭНЖАВ

A

Жижиг

A

Дунд

A

Том

Шинэ машин унаж, эсвэл аяга латте ууснаараа хэн ч баяжихгүй

 0 сэтгэгдэл

A

Жижиг

A

Дунд

A

Том

Ном уншдаг хүн зөнөх өвчин тусах магадлал 32 хувиар бага байдаг

 0 сэтгэгдэл

A

Жижиг

A

Дунд

A

Том

Конорт 40 секунд хангалттай байлаа

 0 сэтгэгдэл
  • Тэр гурван өөр жинд өрсөлдөгчөө эхний үед хүнд цохилтоор ялсан анхны тулаанч болжээ
  • Нэг жил гаруйн хугацаанд рингэнд гараагүй Коннорыг ялна гэж бооцоо тавигчдын олонх нь мөрийцжээ

АНУ-ын Лас-Вегаст холимог тулаан сонирхогчдын тэсэн ядан хүлээж байсан UFC 246 тэмцээн боллоо. Гэхдээ уг тулаан санасныг бодвол харьцангуй хурдан дууссан. Нэг жил гаруйн хугацаанд рингэнд гараагүй Коннорыг ялна гэж бооцоо тавигчдын олонх нь мөрийцжээ. Болсон процессыг товч дурдвал, Коннор тулаан эхлээд л дайрсан. Эхний цохилт зөрсөн ч барьж аваад дөрвөн ч удаа мөрлөлөө. Дараа нь түүний зүүн хөлийн өшиглөлт эрүүнд тусав. Улмаар нэмж цохиод ердөө 40 секундэд хүнд цохилтоор яллаа. Коннор нийт 25 тулалдахдаа 21-т ялав. Ингэхдээ 21 ялалтынхаа 18-ыг нь хүнд цохилтоор буулган авчээ. Серроне хэдийгээр холимог тулааны таван дээд амжилт эзэмшдэг ч мэргэжлийн карьер дахь 14 дэх ялагдлаа амслаа. Тэгвэл мэргэжлийн аналистууд “Коннортой тулалдана гэдэг мөнгөний хувьд маш ашигтай тул тулааныг хүлээн авсанд нь Серронед талархах хэрэгтэй” гэжээ. Ердөө 40-хөн секунд үргэлжилсэн тулааны дараа сэтгэгдлээ илэрхийлсэн хүмүүсээс онцлох нэгэн байсан нь Флойд Мэйведер юм. Тэр “Аварга аа, буцаж ирсэнд тань баяр хүргэе. Одоо надаас даагаа нэхэж болно шүү. Би хэзээд бэлэн” хэмээн түүнд баяр хүргэжээ. 

Тулааны дараа хэн, юу хэлэв

Коннор МакГрегор: Би эргэн ирлээ. Дахин түүхийг бүтээж эхэллээ. Маш сайхан байна. Би гурван өөр жинд эхний үед хүнд цохилтоор ялсан анхны тулаанч боллоо. Формдоо бүрэн орсон гэж хэлж чадахгүй ч тун ойрхон байна. Гэрийнхэнтэйгээ баяраа тэмдэглэж, амраад ахиад тулалдана. Хагас дунд жин надад таалагдаж байна. Гэхдээ би хөнгөн жинд ч тулалдаж болно. Тэнд хэдэн “чалчаа жаал” байгаа.

Дональд Серроне: Коннор маш түргэн, шуурхай ажиллаж эхэлсэн нь гэнэтийн явдал байлаа. Тэгнэ гэж бодсонгүй. Гэхдээ би зодог тайлахгүй. Энэ спортдоо хайртай тул үргэлжлүүлэн тулалдах болно.

Жич: Тулааны дараах хэвлэлийн хуралд Серроне оролцоогүй. Учир нь, тэр яаралтай эмнэлгийн тусламж авах шаардлагатай болсон тул рингнээс шууд эмнэлэг рүү явжээ. Гэхдээ бие төлөөлөлөгчөөрөө дамжуулан тулааны дараах сэтгэгдлээ хэлүүлсэн байна.

A

Жижиг

A

Дунд

A

Том

К.Номинжингоос болж H&M ноолуураас татгалзаагүй

 0 сэтгэгдэл

Сүүлийн хэдэн өдөр сошиалд “дэвсэн” “ямааны ноолуурыг харгис аргаар бэлтгэдэг тул дэлхийн шилдэг брэндүүд татгалзаж эхэллээ” гэх мэдээлэл мөн л өнгөрсөн оны тавдугаар сард гарч байв. Гэхдээ монголчуудын харгис зан үйлээс болж H&M зэрэг брэнд ноолуураас татгалзсан гэвэл өрөөсгөл. Шведийн Hennes & Mauritz (H&M) брэнд дэлхийн нөөц шавхагдаж буйтай холбоотой 2030 он гэхэд дахин хэрэглээг дэмжиж, байгальд ээлтэй технологиор бүтээгдэхүүнээ үйлдвэрлэх зорилт тавьсан. Хүр хорхойн үүрийг 100 хэмийн халуунд хоёр цаг гаруй шарж, үхүүлсний дараа гарган авдаг торгоор хувцас үйлдвэрлэх, мөн ямааг зэрлэгээр тарчлааж авдаг ноолууран бүтээгдэхүүнээс татгалзах зэргийг энэ зорилтдоо тусгасан бөгөөд хан боргоцойн хальсаар хүрэм, гутал цүнх үйлдвэрлэх болсноо зарлаж байв. Гэвч H&M-ийн дахин боловсруулсан хямд бүтээгдэхүүнүүд эдэлгээ муутай, байгальд илүү их хог хаягдал үүсгэх үр дагавартай хэмээн шүүмжлүүлж байжээ. Түүнчлэн нэг ноолууран цамцны эдэлгээ ийм хэдэн арван цамцыг элээх хугацаатай тэнцэх тул байгальд ээлтэй шийдвэр биш гэх эсэргүүцэлтэй тулгарч байв. Харин монголчууд К.Номинжингийн оролцсон бичлэгийг дахин сануулж, Монголын эдийн засагт хөнөөл учрууллаа гэх мэтээр “хуйларч” байгаа нь Гуравдагч хөршийн худалдааны хууль хэлэлцэж буй энэ цаг үед (олон улсын байгууллагууд Монголын цахим орчин дахь мэдээлэлд монитор хийдэг) бодит хохирол учруулахад хувь нэмэр оруулж байгаагаа ойлгомоор байна. Дуучин бүсгүй рүү дайрч давшлахын оронд “Говь” ХК- аас бүтээсэн жинхэнэ монгол ахуйд малчны хотонд ямааны ноолуурыг хэрхэн самнаж буй бодит бичлэгийг хуваалцсан бол үр ашигтай байх байлаа.

Зурган эх сурвалж: Samandariin Tsogtbayar