A

Жижиг

A

Дунд

A

Том
http://zgm.mn/post/3277/

AR бүтээгдэхүүн хэрэглээнд нэвтрүүлэхээр технологийн "томчууд" өрсөлдөж байна

AR бүтээгдэхүүн хэрэглээнд нэвтрүүлэхээр технологийн "томчууд" өрсөлдөж байна
 0 сэтгэгдэл

A

Жижиг

A

Дунд

A

Том
http://zgm.mn/post/3277/
  • Хиймэл нэмэлт байдлын (VR) нүдний шилийг худалдан авах нөхцөл бүрдүүлэхийн тулд зориулалтын аппликэйшн үүсгэж хөгжүүлэх ёстой

Хэд хэдэн “унтаа” бүтээг-дэхүүн зах зээлд гарснаас хойш 2020 он л жинхэнэ өргөн хэрэглээний гаджетын жил болох гэж байна. Тав дахь үеийн утасгүй сүлжээ хэрэглээнд аажим нэвтэрч буйтай уялдан технологийн аваргууд энэхүү шуурхай хурдыг ашигладаг цахим төхөөрөмж зах зээлд гаргахад бэлтгэсээр. Ирэх он Apple Inc-ийн хувьд хариуцлагатай жил. Тус компанийн iPhone ухаалаг утсанд 2017 оноос хойш анх удаа 5G дэмжлэг, илүү хүчтэй процессор, ар талын 3D камер зэрэг үндсэн өөрчлөлт орох ёстой. Ялангуяа орон зай “мэдэрч ойлгодог” 3D камер нь augmented reality буюу нэмэлт бодит байдлын программ хангамж ашиглан бодит ертөнцөд виртуал дүрс давхцуулах боломж олгоно. Энэхүү технологийн ачаар жишээ нь хэрэглэгч гэрийнхээ ханан дээр виртуал дүрс байршуулж болно. AR программ хангамж нь Apple-д үнэнч хэрэглэгчдийн хүсэн хүлээж буй, линзэн дээрээ голограмм дүрс үүсгэдэг AR нүдний шилэнд чухал үүрэгтэй. Apple 2020 онд анхны AR толгойн хэрэгслээ зах зээлд гаргахаар төлөвлөж байна. Энэхүү гаджет нь зүүсэн хэрэглэгчийнхээ iPhone утастай холбогдож бичвэр-текст, цахим захидал, газрын зураг, видео тоглоом зэргийг хэрэглэгчийн нүдний өмнө харуулж байх юм. Apple компани AR толгойн хэрэгслээ Apple TV стриминг төхөөрөмж, Apple Watch бугуйн цаганд байдагчлан App Store-той холбох төлөвлөгөөтэй. Шинэ төхөөрөмжөө AR бүтээгдэхүүний салбарт тэргүүлэгч болгохын тулд график болон тоглоом хөгжүүлэгчдийг хөлслөн ажил луулж буй Apple-ын төлөвлөгөө амжилттай хэрэгжиж чадвал iPhone-ыг залгамжлах цоо шинэ хэрэгсэл бий болно. Хиймэл нэмэлт байдлын (VR) нүд ний шилийг хэрэглэгч заавал худалдаж авах нөхцөл бүр дүүлэхийн тулд Apple зориулалтын аппликэйшн үүсгэж хөгжүүлэх ёстой. Энэхүү саадыг давж, AR технологио бүрэн төгс болгож чадаагүй цагт Apple-ын удирдлага туршилтын шатыг дуусгахгүй тул бүтээгдэхүүн тов ёсоор зах зээлд гарч амжихаа болино. Facebook мөн өөрийн нүдний шил хөгжүүлж байгаа. Гэрэл зураг авч, видео бичлэг хийн, ухаалаг утаснаас дуудлага хүлээн авах чадвартай Facebook шилний эхний загвар AR, нэгтгэмэл дэлгэцгүй байх юм. Snap компанийн хөгжүүлж буй Spectacles шил 2021 оноос нааш зах зээлд гарч амжихгүй бололтой. Amazon.com Inc ч өөрийн гэсэн Echo Frames нүдний шил, Echo Loop бөгж туршиж байгаа нь хоёулаа Alexa дуут туслагчтай байх юм. Гэхдээ Amazon компани робот зэрэг овортой бүтээгдэхүүнд гол анхаарлаа хандуулдаг. Өөртөө дэлгэцтэй, видео хуралдааны үеэр хэрэглэгчийг даган өрөө хэсэж явдаг робот бол ийм бүтээгдэхүүний нэг. Microsoft Corp олон аппликэйшн зэрэг ажиллуулж, утасны дуудлага хийж, хүлээн авах чадвартай жижиг хос дэлгэц бүхий Surface Duo таблетыг 2020 оны зун гаргах төлөвлөгөөтэй. Android үйлдлийн системтэй, Google Play Store-ын программ хангамж ашигладаг Surface Duo нь шинэ iPhone, 5G холболттой Google Pixel ухаалаг утас, Samsung Electronics-ын 2020 оны загваруудтай өрсөлдөх юм. Үүрэн холбооны шинэ үеийн 5G сүлжээнд холбогддог байх нь ирэх онд гарах бүтээгдэхүүний чухал үзүүлэлт байх болно. “Бүтээгдэхүүнээ 5G-тэй холбож байж хамгийн аварга цараатай, утга учиртай өсөлт үүснэ” хэмээн консалтингийн Moor Insights & Strategy компанийг үндэслэгч Патрик Мурхед тайлбарлав. Тэрбээр “Эрэлт хэрэгцээг 5G тодорхойлох цагт ийм технологигүй ухаалаг утас үйлдвэрлэгч өрсөлдөх чадваргүй” гэв. 













A

Жижиг

A

Дунд

A

Том

Diamond Princess-т байгаа хүмүүст 2000 ширхэг iPhone тараажээ

 0 сэтгэгдэл

Коронавирус тархсаны улмаас Японы Йокохамагийн боомтод хориотой зогсож буй Diamond Princess круиз онгоцон доторх зорчигч болон хөлгийн багийнханд шаардлагатай шуурхай холбоо үүсгэх үүднээс iPhone ухаалаг утас тараасныг Macotakara сайт мэдээлэв. Круиз онгоцны зорчигчийн тасалгаа, багийнхны өрөөний тоогоор тооцож, Японы үүрэн холбооны Softbank компанийн холболттой 2000 ширхэг iPhone ухаалаг утсыг хуваарилжээ. Шаардлагатай үед яаралтай холбоо барихад тус болох үүднээс тус утсанд нь эмчтэй шууд холбогдох мобайл аппликэйшн суулгажээ. “Эм тариа зэрэг шаардлагатай зүйлсийн талаар чатаар лавлах, хүсэлт гаргах, эмчээс зөвлөгөө авах гэвэл Японы Эрүүлийг Хамгаалах, Хөдөлмөр, Нийгмийн Хамгааллын Яамны тусгай программ ашиглана уу” гэсэн тайлбарыг уг программын ашиглалтын зааварт бичжээ. Уг хөлөг дээр байгаа иргэдээ АНУ ням гарагт шилжүүлж авахаар болсныг Токио дахь Элчин сайдын яамнаас мэдэгдсэн байна.

A

Жижиг

A

Дунд

A

Том

Европ тив мобайл төхөөрөмж цэнэглэх нэг төрлийн залгуур ашиглана

 0 сэтгэгдэл

Европын зах зээлд борлуулах цахим төхөөрөмжийн цэнэглэх залгуур ердөө ганц стандарттай байх шийдвэрийг Европын парламент дэмжлээ. Зах зээл дээр төрөл бүрийн цахим төхөөрөмж цэнэглэх олон янзын коннектор ашиглаж байгаа нь хэд хэдэн бэрхшээл учруулдаг. Тус тивийн хэрэглэгч ухаалаг утас, таблетын зориулалттай олон арван тонн хэрэгцээгүй холбогч кабель хаядаг нь байгаль орчин, эдийн засагт асар их хохиролтой. Асуудлыг шийдвэрлэх үүднээс цаашид Европ тивд борлуулах бүх ухаалаг утас, таблет төхөөрөмжийг USB Type-C тэгш хэмт порттой байхаар зааж өглөө. Зөвхөн нэг төрлийн порт ашигласнаар худалдаанд гаргаж буй цахим төхөөрөмжид заавал холбогч кабель дагалдуулах шаардлага арилж, хэрэглэгч хуучнаа ашигладаг болох юм. Нэгдсэн стандарт ашиглах саналыг Европын парламентын 582 гишүүн дэмжиж, 40 гишүүн эсэргүүцсэн байна. Уг саналын дагуу Европын комисс долдугаар сард шинэ зохицуулалт боловсруулах ёстой. Европ тивийн санаачилгыг бүх цахим төхөөрөмж нь Lightning залгууртай Apple компани ширүүн шүүмжиллээ. Уг санаачилга нь инновацид саадтай төдийгүй хэрэглэгчдийг хохироосон арга хэмжээ хэмээн “Алиман” эзэнт гүрэн үзэж байна. 

A

Жижиг

A

Дунд

A

Том

Samsung-ийн сав баглаа сэтгүүлийн ширээ, муурын гэр болно

 0 сэтгэгдэл

Samsung Electronics-ын санаачилсан инновацлаг шинэ аргын ачаар телевизийн картон цаасан хайрцгийг хаяхын оронд айл гэрийн интерьерийн нэг хэсэг болгож болно. Samsung-ын шинэ The Seriff цувралын телевизийг Eco-Pac kage хэмээн нэрлэсэн, хүрээлэн буй орчинд халгүй өвөрмөц картон хайрцагт савлаж байгаа юм. The Serif нимгэн телевиз худалдан авсан хэрэглэгч картон цаасан хайрцгийг нь хаяхын оронд сэтгүүлийн ширээ, муурын байшин, орны хажуугийн шургуулгатай ширээ юм уу номын тавиур болгон угсрах юм. Угсрах зааврыг картон хайрцгийн гадна талд байгаа QR-кодоор нь гар утсандаа хүлээн авна. Зааврын дагуу хайрцаг дээр харандаагаар шугам татан зүсэж тус тусдаа эд анги болгоод тавилга болгон угсрах ёстой. Угсрах ажиллагаа 30-40 минутаас хэтрэхгүй. Энэхүү өвөрмөц Eco-Pac kage байгалийн нөөцийг зохистой ашигласны төлөө олгодог CES Innovation Awards тусгай шагнал хүртээд байна. Samsung компани 2019 оны эхний хагасаас чихэвч, ухаалаг утаснаас эхлээд том оврын ахуйн цахилгаан хэрэгсэл хүртэлх бүх бүтээгдэхүүнийхээ хайрцаг сав, баглаа боодолд био хуванцар, дахин боловсруулсан цаас, картон ашигладаг болжээ.



A

Жижиг

A

Дунд

A

Том

Пентагонд зориулсан чипний үйлдвэрлэлийг АНУ-д шилжүүлэх шахалт үзүүлж байна

 0 сэтгэгдэл
  • TSMC дэлхийн хагас дамжуулагч бүтээгдэхүүний зах зээлийн 50 орчим хувийг дангаараа эзэлдэг 
  • TSMC нь Пентангонд өндөр хүчин чадалтай чип нийлүүлдэг XILINX зэрэг компанийн бүтээгдэхүүнийг ч үйлдвэрлэдэг. Ийм чипийг F-35 сөнөөгч онгоц, хиймэл дагуул зэрэгт ашигладаг юм


АНУ-ын эрх баригчид хагас дамжуулагч микросхемийн захиалгат үйлдвэрлэлээр дэлхийд тэргүүлэгч Taiwan Semicon-ductor Manufacturing Co-г (TSMC) Пентагонд зориулсан чипний үйлдвэрлэлээ АНУ-д шилжүүл хэмээн хүчтэй шахах болсныг Nikkei Asian Review мэдээлэв. АНУ-ын цэргийн салбарт хэрэглэдэг чипний үйлдвэрлэлийг нутаг дэвсгэртээ шилжүүлснээр нууцлал хамгаалалтын тусгай зэрэглэл бүхий хагас дамжуулагч бүтээгдэхүүний үйлдвэрлэлд БНХАУ хөндлөнгөөс сэм хутгалдахаас хамгаалж чадна хэмээн цагаан ордон үзжээ. Стратеги, технологийн чухал ач холбогдолтой TSMC “батлан хамгаалах төсөлд зориулсан микросхемийн үйлдвэрлэлийг америк хөрсөн дээр явуулахыг АНУ-ын засгийн газар хүсэж байгаа”-г Тайванийн засгийн газрын дээд албан тушаалтан Nikke Asian Review-д өгсөн ярилцлагадаа тайлбарлав. “Үндэсний аюулгүй байдалтай холбоотой учраас АНУ шахалтаа лав орхихгүй” хэмээн дээрх эрхэм өгүүлсэн юм. Дэлхийн хагас дамжуулагч бүтээгдэхүүний зах зээлийн 50 орчим хувийг дангаараа эзэлдэг тус үйлдвэрлэгч АНУ-ын Google, Qualcomm, Intel, БНХАУ-ын Huawei зэрэг технологийн аваргуудад захиалгын дагуу чип нийлүүлдэг. TSMC нь мөн Пентагонд өндөр хүчин чадалтай чип нийлүүлдэг Xilinx зэрэг компанийн бүтээгдэхүүнийг ч үйлдвэрлэдэг. Ийм чипийг F-35 сөнөөгч онгоц, хиймэл дагуул зэрэгт ашигладаг юм. Цагаан ордны түгшүүрийг намжаах үүднээс АНУ-д шинээр үйлдвэр байгуулах юм уу дээд түвшний технологитой үйлдвэр худалдаж авах хувилбар байж болно хэмээн TSMC ч жилийн өмнө нэг бус удаа мэдэгджээ.